السبت، 17 يناير 2009

سبحان مبدل الاحوال من حال الى حال

اسجد و اقترب
افضل الدعاء و انت ساجد ..... اللهم الى اين المفر منك الا اليك
ضاقت فلما استحكمت حلقاتها ....... فرجت و كنت اظنها لا تفرج
مش مشيخه منى بس فعلا كل الكلام صح و انا بقول كده بعد التجربه العمليه .. لانه كراجل علومجى فانا مؤمن ان التجربه خير برهان ... و بقول كده بصفتى راجل مسلم و عنده يقين و ايمان بالله و اخيرا احب اقول كلمه دايما تلاقى الناس الغلابه على طول بتقولها و انا باتمنى انى اعيش غلبان و اموت غلبان و احشر فى زمرة الغلابه يوم القيامه ..... لا تتعجب .. انها اراده الله
اخر حاجه بجد احب اشكر تلاته سالوا عنى باختلاف وسيله السؤال .. ساندى و عمتى ستيته و حروف .. وده ترتيبهم حسب الترتيب الزمنى للسؤال ... ربنا يخليكوا ليا ... و ارجو منكم الدعاء لعم ساندى انه ربنا يرحمه و يثبته عند السؤال و اقروا له الفاتحه

هناك 25 تعليقًا:

حروف يقول...

اية ياعم عمرو انت هنا ربنا يكرمك

حروف يقول...

وتاني تعليق كمان انشالله مع عن حد حوش انا عماله اضيف مدوناتك اية دة كله يابني اسجلهم كلهم باسمك دةظلم النص بنص قسمة العدل دةاحنا قرايب حته حقول لي خالتو بس وهي تشوفللك صرفة

حروف يقول...

مستتني تعليقي في الزوج التاني اديني علقت وتالت تعليق شفت بئا اجي بئا اسئللك سؤال ليه اختارت che ها ليه ها ليه؟؟؟؟؟؟"وشبيطلع لسانةولية صورةالراجل الثورجي دة ها ليه انت غاوي مشاكل صح
"وش بيطلع لسانة"
زاي خدمات خليتك تبتسم وببلاش كمان
دمت بالف خير

حروف يقول...

رابع تعليق اصلي لسة قارية كنت قريت الدعاء مقريتش انك بعاتلي السلام الله يسلمك وعيب عليك احنا اخوات وقرايب
شفت انا تاني ابوبلاش كتر منه ها هاها فاهمني طبعا"وش بيضحك"
مش دايما اللي ببلاش بيكون مصدر سعادة

حروف يقول...

يارب تكون ضحكت عملاللك بلاياتشو ومنتشرة في المكان عشان حضرتك تضحك تعبتني ياعمرو باشاممكن ضحكةعشان ارتاح وامشي
اصلي عايزة صورةبعد اذنك
الابتسامة في وجه اخيك صدقةممكن صدقة عايز امشي بئا تعبتني

Che يقول...

ايه الهنا اللى انا فيه ده يا حروف ... 3 تعليقات ورا بعض .. انا مش ملاحق عليهم ( اللهم لا حسد ) .. و طبعا انا هنا ماجليش نوم من امبارح .. بس السؤال انتى بتعملى ايه بدرى كده على النت و المدونات
و على فكرة انا ضايف المدونتين بتوعك على واحد جامعه لانها البكريه بتاعتى ... بس برضه ضفتهم هنا عشان انتى جدعه و تستاهلى .. و بالمرة عشان تكونى مع خالتك ستيته فى اللسته
و بعدين انا حاطط صورة جيفارا عشان انا بعشق الراجل ده .. و انا مش بتاع مشاكل بس معنديش مشكله انى اعيش فى مشاكل لانى شخصيه تصادميه
و فعلا خلتينى ابتسم ز كده احنا خالصين

Che يقول...

مع انى كاتب التعليق بتاعى بس برضه تعليقى جد بعد تعليقاتك الخمسه ( فى وش العدو ) ... و بجد انا باضحك دلوقتى
و ماعاش ولا كان اللى يقول عليكى بلياتشو .. ده اللى يقول كده اروح انده عمتى ستيته تدبحه قدامك ( انا مش هادبحه عشان انا مش بتاع مشاكل ... ههههه ) ... ادينى ضحكت و اديكى خدتى الصدقه .. و بالنسبه لكلمه ببلاش على اللى بالى بالك فانا قلت انه متعه انما و كان قصدى متعه حلال انما لو كان حرام او كان حلال و مش متعه يبقى يغور و ربنا يرحمنا من عندنا

حروف يقول...

ههههههههههه
بعمل ايه بعلق عليك وعلي خالتو
لوممنوع نمنعةانت بردوا زي ابيه
تعرف ان الالترس بتوع الاهلي اخدين جيفارا مثل ليهمبس اللي اعرفة ان جيفارا صاحب لادين والحاجات دية لوالمعلومة غلط صححهالي يارب يبعدنا عن كل شر وحرام يارب وانا بت جدعةازاي يعني انت بتشتم صح شكلها شتيمة
مقلتليش بردوامعني che

Che يقول...

العزيزة حروف
طبعا انتى تعلقى زى ما انتى عايزة و لو مش عاجبنى يعجبنى غصب عنى
و بالنسبه لالتراس بتوع الاهلى فانا اهلاوى متعصب بس مش لدرجه الصواريخ و تكسير الملعب مع الاخد فى الاعتبار ان المنجاويه هما اللى ابتدوا الاول لما كسروا الاتوبيسات بتاعت الاهلاويه
و يا ستى جيفارا ده كان اخر الثوار .. حارب فى امريكا الجنوبيه اللى هيا بلاده اصلا و حارب فى كوبا و حارب فى افريقيا و له صورة مشهوره مع الزعيم جمال عبد الناصر
و بالنسبه ل Che فده كماله اسمه Ernesto "Che" Guevara و الترجمه الحرفيه ل Che يعنى زى عندنا لما نقول الجدع و زى Fritz عند الالمان ... يعنى فى الحالتين يا اما انا تبع اسم جيفارا يا اما انا جدع .. و الاتنين صح على فكرة و بما انى باقول على نفسى جدع يبقى اكيد لما اقول عليكى جدعه يبقى مش باشتمك

Empress appy يقول...

عارف الثقه فى ربنا انه هيقدر على شئ او حاجه انت عاوزه او مأزق على الاقل بتعمل راحه نفسيه وتخليك تفكر وتلاقى نفسك المشكله اتحلت
خلى ثقتك فى ربنا كبيره

Che يقول...

Appy
طبعا انا ثقتى بالله كبيرة و الحمد لله انه فرج كربى و اوال همى و غمى
متشكر على تعليقك و دعواتك معانا

bastokka طهقانة يقول...

ربنا يصلح الحال و يروق البال

تحياتي
و اوروفوار

Che يقول...

طهقانه
ربنا يخليكى و آمين يا رب العالمين

fnoonh يقول...

كلام صح وجميل وجزاك الله الف خير على فكرة انت من المدونين المتميزين جدا وربنا يوفقك ويزيدك
تقبل تحياتي

Che يقول...

fnoonh
ربنا يخليكى على مجاملتك الرقيقه و مستنى تعليقاتك على طول

ستيتة يقول...

يالهوي هي وصلت اني التعليق رقم ستة عشر
خسيء اعداءكم وثكلتهم امهاتهم
اللهم ارحم عم ساندي اللي انا عاوزه اعرف ساندي ازاي بس مش مهم اللهم ارحمه هو وجميع اموات المسلمين
مش فاهمه حاجات كتير بس وماله ما انا بكره ها اقررك وجها لوجه ولا مخبرين امن الدولة
يارب تكون دلوقتي نايم وبترتاح ولما تصحى لاااااااااااااازم افهم فاهم يا ولد خوي؟

Desert cat يقول...

البقاء لله
الله يرحم عم ساندى ويصبر اهله

Mafrousa يقول...

ربنا يعمل الخير من الجميع
و يرحم الجميع
و يثبت الجميع عند السؤال

Che يقول...

عمتى ستيته
معلش انك التعليق رقم 16 بس هنعمل ايه .. حكم القوى اصل كنت انا و حروف بنت عمتى التانيه اللى هى تبقى بنت اختك بنتكلم شويه
و عندك حق المساله مش محتاجه مخبرين و لا محتاجه تقررينى انا هاخر لوحدى لما اشوفك و ساندى دى صديقه عزيزة .. شفتى انا قلت لوحدى ازاى
و فعلا كنت نايك و لسه صاحى

Che يقول...

Desert Cat
ربنا يتقبل الدعاء و شكرا على الزيارة و التعليق

Che يقول...

واحدة مفروسة
آمين يا رب العالمين ... شكرا على التعليق و على الدعاء

موناليزا يقول...

ربنا يرحم اموات المسلمين جميعا
وفعلا الدعاء سلاح خطير جدا
ربنا يتقبل دعائنا ويهدينا لما فيه الخير

Che يقول...

موناليزا
آمين يا رب العالمين و ربنا يسمع منك و يتقبل
شكرا على الزياره السريعه و مستنى تكرارها

سمكه واحده يقول...

صحيح كل ما اقرا بوست وارجع تاني الراجل اللي بيكلم في مدونتك ده بينرفزني وكل شويه يقول وري كل شباك الف عين وعين ويقول كلمه لو التصئنا وروح مسكتاه انا خفت بصراحه كمان صوته ينرفز وكل ما انزل اسكته وادور علي بوست تاني يشتغل
المدونه كلها تحفه ماعدا الراجل وصوته طبعا دي مونتك وحريتك بس الراجل بيخوفني وحسسني اني في صحرا وتيهه
بهزر
تحياتي

Che يقول...

سمكه
على فكرة الراجل ده عمنا و عم الناس كلها صلاح جاهين ... معلش ان صوته تخين شويه و معلش انه كلامه يخوف شويه ... بس الراجل ده بجد مثال للفنان الشامل
و رباعياته كلها حكم
هاحاول الاقى رباعيه تانيه ليه عشان احطها عشان ماتخافيش و ما تحسيش انك فى تايهه فى صحرا
و ربنا يخليكى على المجامله الرقيقه فى حق المدونه
نورتينى و زدتينى سرورا و مستنى تعليقات على طول منك