الاثنين، 19 يناير 2009

تراثنا الشعبى




مستنى اسمع رايكم فى الغنوتين الجامدين دول ... و طبعا الناس العتيقه هما اللى هيفتكروهم
و انا كان عندى غنوة تالته اسمها سى احمد بس حفاظا على الاداب العامه ماينفعش انزلها
ادينى مستنى اسمع رايكوا بصراحه

عشان تسمعوا بوضوح اعملوا Pause لعمنا صلاح جاهين فى الركن الشمال من تحت شويه

هناك 6 تعليقات:

fnoonh يقول...

ايش معنا الغنيتين دول بالذات بس بجد انا كنت هموت من الضحك وانا بسمعهم حقيقي هادفين جدا ورومانسية ايه هههههههههههههههههههههه
تقبل تحياتي

Che يقول...

fnoonh
مش شرط انهم يكون ليهم معنى
المهم انك ضحكتى من كتر الرومانسيه و الاهداف الخفيه اللى موجوده ورا الاغنتين
شكرا على التعليق و مستنى التعليق الجاى

ستيتة يقول...

اخر معرفتي بالفن والتراث الشعبي
ساكن في حي السيدة وحبيبي ساكن في الحسين وعشان انول كل الرضا يوماتي اروح لبروح امه مرتين

اما اللي انت حاطه ده فده من زمن الفراغ الزبوحلؤي وياريت اسمع فنان الشيعب اللي بيقول كوز المحبة اتخرم
ههههههههههههههههههههه

Che يقول...

عمتى ستيته
طبعا انا عندى ساكن فى حى السيده و شويه اغانى تانى لعبد المطلب
و بالنسبه لزمن الفن الزبوحلؤى فده اللى طلع منه الروائع اللى كونت الوعى الفنى لشعبان عبد الرحيم ( ربنا ما يوقعه فى كبسه تانى ) بالاضافه لعظماء الفن اللى ماليين حياتنا فى الايام دى
و طبعا عندى اغنيه كوز المحبه و كل اغانى الفترة الذهبيه دى من تاريخنا
متشكريين انك اعرتينا اذنك الموسيقيه لبعض الوقت

Unknown يقول...

اول زياره لمدونتك وانالله لن تكون الاخيره ايه الاغانى دي ومين دا اللى بيغنى والله التبس عليا الامر منا عارف دا راجل ولاست بس المهم انها اغانى لذيذة للفرفشه والرحلات الترفيهيه والكابريهات واهو نوع من الفنون من اجل التغير
تحياتى والى الامام دائما

Che يقول...

MEDUS
الاغانى بيغنيها جابر النمر و الشيخه سحر حمدى اللى كانت ايامها رقاصه لسه و كان ربنا لسه ماكرمهاش و خلاها تبقى الشيخه سحر
و فعلا الاغانى دة مفيش من وراها اى مقصد غير الفرفشه و الهلس
اما بخصوص الكباريهات فدى جزء كبير من تراثنا و مخزوننا الثقافى و جزء من تجربتنا فى الحياة
شكرا على اول زياره و مستنى تكرارها