الخميس، 8 يناير، 2009

الصورة .. الحرب ... المعركه .. و اشياء اخرى

فى جمله انا مش فاكر انا قريتها فين بالظبط الا ان الجمله دى اثرت فيا تاثير كبير و بالتجربه العمليه اكتشفت اد ايه هى صحيحه و حقيقيه
الجمله دى بتتلخص فى الاتى : اول ما تبص على صورة من بعيد بتكون الصورة مش واضحه و تفاصليها مش باينه أوى .. تبتدى انت تقرب فالصورة توضح اكتر و يبتدى بيان جمالها و جمال الوانها ... تقرب اكتر فتبتدى تبان الشقوق الرفيعه اللى موجوده على الصورة و يبان الاماكن اللى الالوان باهته فيها و تفقد الصورة جزء من جمالها فى وعيك ... تحاول استعاده الصورة الجميله فتجد ان وعيك لا يساعدك على هذا و الحاجه النهائيه اللى بتفضل فى ذهنك هى اخر تفاصيل انت شفتها لانها هى دى الحقيقه .... اذا نجحت بمعجزة انك تستعيد الصورة الحلوة مره تانيه يبقى انت اصبحت على اول الطريق انك تضحك على نفسك و تحور الحقيقه لشئ اقرب لتصورك عشان تفرح ... اكيد مش هينفع نضحك على نفسنا و نقول الصورة مش مشققه و الوانها مش باهته انما دايما ينفع نبص ليها من زاويه تانيه و نحاول اكتشاف الجمال اللى فيها ... لانه فى النهايه مفيش حاجه قبيحه بنسبه 100% و بشكل مطلق اكيد فيها نسبه جمال ولو صغيرة
و اخيرا : اذا خسرت معركه فكن ذكيا بما يكفى كى لا تخسر الحرب كلها

هناك 6 تعليقات:

kemet يقول...

السلام عليكم ورحمة الله وبركاته

اول زيارة واول تعليق
سبحان الله

صحيح زاوية الرؤية للموضوعات تجعل كل انسان مختلف عن الاخر في التفكير وحل المشكلات وكذلك زاوية الرؤية للاشياء فان التفق الجميع علي شيء ما انه قبيح او جميل فانها لن تستمر الحياة
وكذلم ان ظل الانسان ينظر للشيء فيراه بنفس الصورة على طول الطريق فالحقيقه ان هذا الانسان قد مات

تغير زاوية الرؤيه معناها تغير في الخبرات

تحياتي
الي اللقاء

Che يقول...

Kemet
و عليكم السلام و رحمه الله و بركاته
شرفتنى باول زيارة و اول تعليق
التعليق بتاعك فى محله و صح جدا جدا ... المشكله اننا ساعات بنصر على زاويه واحده بس و بتكون يا اما الزاويه دى يا بلاش و بالنسبه ان الانسان اللى مابيغرش وجهه نظره ولا زاويته بيكون مات فده برضه حقيقه بس المشكله انه مش بيكون عارف انه مات و فاكر نفسه عايش
كل حاجه بتتغير احنا بس اللى مابنخدش بالنا الا بعد فوات الاوان و بعد ما التغيير يكون اتفرض علينا و بأه امر واقع لازم ننفذه بالقوه الجبريه

david santos يقول...

I love your posting and blog!!!
Congratualtions!!!

FREE PALESTINE

Sionism terrorist, no!!!!!!!!!!

ستيته حسب الله الحمش يقول...

السيد العزيز صديق جيفارا
ممكن اطلب طلب لله
وحياااااااااااة اللي كنت معاها ويارب ياشيخ تكون مبسوطة زيك
ممكن تكبر خط المدونة لأني نفسي اقرأ الموضوع التالت بتاع الخطوبة والجواز
بس الخط صغنون وانا عضمة كبيرة
انت كلامك عاوز اقعد عليه كده بمزاج
والخط مش مديني فرصة
الزيارة الجاية الاقي المدونة ان شاء الله صحيفة حائط

وشكرا لمرورك على بلوجتي وشربك التي في الفيفتي

Che يقول...

david santos
thanks for your nice comment
waiting you always and you r most welcome

Che يقول...

عمتى ستيته
انا متشكر على مرورك الكريم و بعدين بصفتك عمتى انتى مش تطلبى انتى تامرى و انا انفذ هوا ... و يا رب هى كمان تكون مبسوطه ( و لو مش مبسوطه تتبسط ) و انا كبرت الخط بتاع كل المواضيع عشان تقريها بمزاج و منتظر زيارتك الجايه على احر من الجمر
و انا اتشرفت بزيارة مدونتك مع انى ماشربتش غير كوبايه تى واحده بس مش مشكله الجايات اكتر من الرايحات