للعرب آفه كبرى و هى التى رصدها عمنا ابن خلدون و لخصها فى جمله واحده " آفه العرب حب الرئاسه " .... و للعرب منذ قديم الازل آفه اخرى عبر عنها الشاعر ببيتين شعريين
و لقد نصحت لهم بمنعرج اللوى ....... فلم يستبينوا الرشد الا ضحى الغد
و ما انا الا من غزيه ان غوت ........... غويت و ان ترشد غزيه ارشد
ننصح الناس بالحق و لكننا نتبعهم فى الباطل ..... ثقافه القطيع كما قالت الصديقه مياسى
ماليش نفس اتكلم اكتر من كده لانه اللى انا قلته زياده و اكتر من الزياده كمان .... ربنا يرحمنا برحمته
هناك 12 تعليقًا:
السلام عليكم ورحمة الله وبركاته
صح ربنا يرحمنا برحمته
بس ياتري عملنا ايه علشان نترحم في الدنيا مع العلم ان هذا ليس قنوط من رحمة الله بس اكيد علشان نستحق الرحمة علي الاقل لازم نحافظ علي كرامتنا
تحياتي
الي اللقاء
Kemet
احنا عملنا كتير .. مؤتمرات و شجب و تنديد و تهديدات شفويه طوال الوقت
عايزانا نعمل ايه اكتر من كده .. تكونيش عايزانا نحارب لا سمح الله
يعطيك العافيه
زي ما بنحكي كفيت ووفيت
ع فكره مقدمة ابن خلدون اللي بيحكي فيها عن العرب ممتعه جدا وصحيحة الى حد كبير
الله بيعين
مياسى
الله يعافيكى ... و طبعا لا يمل من ابن خلدون الا جاهل
تحياتى و منتظر المزيد
حقيقى الواحدتعب من كل اللخبطه دى
ومن اللى بيحصل المهم فى الخر الناس بتموت
واحنا بنتذل اكتر وراسنا فى الطين واسوء امه بعد ماكنا خير امه
بجد بجد ربنا يرحمنا برحمته ياااااارب
GiGi
معنديش اكتر من كلمتين
آميييييييييييييين يا رب
متقولش اه العرب لانهم اصلا مش عرب ده غير المشكله فى الحكام مش فى الشعب ولو المشكله فى الشعب فنسبه ضئيله منهم وبعدين ماتترحش مشكله احنا كلنا عرفنها وعيشنها ادينى حل او جواب او قول او فعل اولى نقدر نمنعهم ازاى وعلى راى المثل اديها مايه تديك تراوه
انت عارف انا قرأت اللي كتبته من ساعة ما كتبته
بس ياعمرو فعلا مش عارفه اقول ايه
كل يوم الصهاينة تقتل خمسين واحنا نمسك في بعض سب وشتم اكتر من الاول
انا تعبت ومش عارفه اتكلم
تعالى للبلوج فيه موضوع يغير المود
تحياتي لقريحتك اللي مش عارفه جبتها منين
استمتعت وانا اتصفح مدونتك
تحياتي
Sandy
على فكرة مشكله حب الرئاسه و ثقافه القطيع موجوده فى العرب كلهم حكاما و محكومين ماعدا نسبه قليله جدا هى التى تثبت انها الاستثناء من القاعده و ليست القاعده فى حد ذاتها
و بعدين انا ماكنتش باطرح مشكله فضلا عن انى اقول حلها ... احل مشاكلى انا الاول عشان اعرف احل مشاكل الناس
مستنى المزيد من التعليقات و التعبير عن الرأى
عمتى ستيته
مش انتى بس اللى مش عارفه تقول ايه لاننا من كتر ما اتكلمنا حتى الكلام اللى كنا بنقول عليه مالعليهوش جمرك و ببلاش مش قادرين نتكلمه
و ادينى جاى هوا عشان اغير الموود بتاعى
و متشكر جدا على مجاملتك الرقيقه
ماتغيبيش عليا عشان تعليقاتك و رأيك بيوحشونى دايما
Misrdream
و انا تشرفت باستمتاعك بمدونتى
فى انتظار نعليقاتك دايما
إرسال تعليق