الاثنين، 12 يناير 2009

البلوجاتيه

الفقره الاولى "عزيزتى ..... قبل ما نتكلم على مواقف غيرنا نشوف احنا بنعمل ايه وساكتين على ايه مدونة ........ فى عز ضرب حماس وغزه والشهداء اللى بتبكى عليهم بتقول يبقى حماس والاخوان والجهاد إلى اسفل السافلين ربنا ينتقم من الحمساوية ومن الاخوان ومن الجهاد طبعا مفيش اسرائيل ولا امريكا انا بعتبرها سافله وخايبه وبقول ربنا ينتقم منها بدم الشهداء حضرتك بتخش عندها وشايفها ايه وبلاش نتكلم عن حكامنا وضعفهم لانكم اضعف من حكامكم بسكتكم وترحبكم بالقذره دىمستنى رائيك وموقفك الواضح والحاسم التدويين راى وموقف مش صحبة ولمه وتبادل زيارات بالذات فى موضوع خطير كده وبلاش تقولى ده راى دى عمالة وخيانة وقذراة وزبالة وشوفوا ده فى مصراوى شاهد عيان: حماس لم تقتل الضابط المصريhttp://www.masrawy.com/News/Egypt/Politics/2009/january/1/rafah.aspxوده لينك الموضوع ... اه قريت تعليقك عندها ويا ريت اهم من الكلام فعل ورد فعل وردك عليها مش بنفس غضبك فى بوستك ودعائك سلام " .... انتهى التعليق الاول
الفقره التانيه " ............... بالنسبه لمدونه القذره ....... انا بتكتب تعليقات عندها كتير جدا بس ولا تعليق ليا اتنشروالتعليق اللى انت شوفته ده ده الوحيد اللى هى نشرته سبحان الله وهى اصلا عامله اشؤاف على التعليقات يعنى مش تقول انى مش رديت عليها كويس لا والله ربنا العالم انى من اول ما دخلت التدوين وانا بنقضها اصلا ويمكن هى نشرت التعليق ده اللى انت شوفته عشان انا مغلطتش فيها زى ما كنت بغلط قبل كده " ..... الرد على التعليق الاول انتهى
متابعه على الرد من صاحبه التعليق الاول " عزيزتى ..... هو انتى كمان ممنوعه من التعليق عندها بس انتى بتنزلك تعليقات نا ممنوع تنزلى اى تعليق حتى لو قوتلها يا قمراصلى عندى دليل قذارتها لو تحبى ابعتهولك معلش انا فكرت لما شوفت التعليق ان بينك وبينك تواصل وانا غارف انها قذرة وصعب محترم يتقبلها وابعتيلى لينك مدونة ....... علشان احييه وكمان واجب غلينا نتكلم مع اللى نعرفهم وبيخشوا مدونتها ما يا ياخدوا موقف منها يا احنا ناخد موقف منهم ده بذمتك مش شئ قليل على غزه وشهدائها ايه رائيك هتخدى موقف من كل اللى يخش عندها شكرا وتحياتى سلام " ... انتهت المتابعه
رد على المتابعه " ....... دى مدونه الاخ ..... صاحب مدونه ........ زى ما طلبتيها ...... ومش عرفت اجيب لحضرتك لينك المدونه اللى رد فيها على قذره ..... لانه والله مسافر وانا متضامنه مع حضرتك وانا هاخد بالفعل موقف من كل اللى بيتابعوها وبيعلقوا عندها وحسبى الله ونعم الوكيل ده كفايه انها حاطه صوره النقاب واللحيه وبتقول عليهم جهل وتخلف وبتشتم فى الجماعات الاسلاميه زى الاخوان وحماس بجد ربنا ياخدها احسن هو ومدونتها لانها بتسبب فتنه كبيره اوى " ... انتهى الرد على المتابعه
متابعه على رد المتابعه " عزيزتى ....... شكرا على كلامك وموقفك ما لازم يكون لينا مواقف مع الزباله ومن بيحب يتعامل مع الزباله برضوا وهعمل قايمة سودة مع كل حد بيخش عندها ومتمسك بالدخول عندها رغم كل كلامها بحجة الحوار واختلاف الراى زى الضعفاء من الامة والحكام وانا مكسبش مدونيين واخسر نفسى مش للدرجه دى اتمسك بمعرفة مدونيين مش عارفيين الهجوم على الشهداء مصيبه اد ايه شكرا على موقفك وبخصوص كلمتك الهجوم على اللحيه والنقاب هعتبر اللى بيخش عندها ملحد بلا دين انسانيته تخليه ميخشش عندها لهجومها على القتيل مش القاتل سلام " .... انتهت المتابعه
رد جديد على الرد " ربنا يكرمك وجزاك الله خيرا وده واجب علينا والله تجاه المدونه القذره دى وحسبى الله ونعم الوكيل فيها وفى كل من يؤيدها والله ما احنا ناقصين الاشكال دى نورتنى بجد وسعيده بمرور حضرتك فى مدونتى المتواضعه " ... انتهى الرد
شكر " عزيزتى حبيت اشكرك على موقفك واتمنى ما تترجعيش عنه مهما كان المدون اللى بيخش عند ..... بالنسبالك سلام " ... انتهى الشكر
رد على الشكر " انا عند موقفى ومش هتنازل ابدا ان شاء الله نورتنى والله فى مدونتى وشكرا جدا لاهتمام حضرتك " .. انتهى الرد على الشكر
انا ماعملتش اى حاجه غير انى شلت الاسماء من التعليقات بس .... انا مش هاقول اى حاجه غير كام تعليق صغيرين جدا
الناس دى شايفه ان الحوار ده ضعف و حاجه مالهاش لازمه لانهم الظاهر على اد تدينهم الشديد ماسمعوش الايه " ادع إلي سبيل ربك بالحكمة والموعظة الحسنة وجادلهم بالتي هي أحسن " او " وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ * وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ " او ممكن يكونوا بيعتبروهم مدسوسين على القرآن و العياذ بالله
تانى حاجه الناس اللى اتكلموا و قالوا كلمه " قذره" فى اكتر من موضع تقريبا ماسمعوش حديث الرسول عن انه ينهى عن الغيبه و هى ذكر اخاك بما يكره و ان كان فيه .. او برضه جايز بيعتبروا الحديث ده اسناده ضعيف او منحول
تالت حاجه انهم اعتبروا كل اللى هيدخل المدونه بتاعت " القذره " على حد كلامهم ملحد و كافر و ماعندوش دين و برضه تقريبا نسيوا انه اتنين مسلمين واحد فيهم قال التانى انت كافر فقد باْ بها احدهما .. بس الظاهر انه عندهم معلومات من ربنا من المسلم و من الكافر و من الملحد
اخر حاجه صاحبه المدونه اللى كانت بتنشر و بتابع الردود و قالت انه ما اتنشرت ليها غير رد واحد عشان ماغلطتش فى صاحبه المدونه كتير زى كل مرة منقبه
و بعد ده كله بيقولك و الاخوان مالهم ..... يا خى ..... ( ولا بلاش دى على راى فريد شوقى الله يرحمه ) .. ملحوظه اخيره انا ما نشرتش اى اسماء لانى مش عايز اشهر بحد و لان الاتنين اللى كانوا بيتكلموا اقل من انى اذكرهم .. انا بس كنت بانشر موقف و طريقه تفكير مش اكتر ولا اقل

هناك 6 تعليقات:

ستيتة يقول...

ابن اخويا
دي آفة العصر اللي كنا بنتكلم عنها في موضوع المساجد
كله مشغول بعيوب غيره وهو شخصيا معيبة
دي الحقيقة الوحيده دلوقتي
تقريبا لما بنبص على عيوب الناس بنتلهى عن النظر لبلاوينا
تحياتي ياباشا

Che يقول...

عمتى ستيته
ربنا يخليكى ليا .. و دى فعلا افه من افات العصر من افه العصر لاننا و الحمد لله مليانين افات ( و انا باكتب افات افتكرت الماده بتاعت الافات و الماده بتاعه الكنترول - حته على الماشى لاستجلاب الماضى الذى تحنين اليه يا عمه ) .. و ربنا مايحرمنى من تعليقاتك ابدا يا عمتى

GiGi world يقول...

اولا شكلك بتحب علوم قوي اهو طيب ليه حبيتها وقعدت فيها كتير
المهم اولا انا شكلى غبيه
هو مين اللى بيشتم فى حماس والاخزان هى صاحبه المدونه ولا اللى بيعلقوا
ده ثانيا
نيجى لثالثا اسوء حاجه فى عالم التدوين ان مفيش حد بيخاف من حاجه وبالتالى سوري يعنى تلاقى ناس بيبان عليها اخلاقها والملكان اللى اتربت فيه وهى بترد على التعليقات
او بتكتب بوست
على فكره انا فى مدونين بحترهم قوي بس بدايق منهم ساعات جدا لما بيكتبوا موضوعات فعلا فيها الفاظ فظيعه
مش هى دى الحريه ولا الفتاكه انى بعرف اشتم بس ده منتشر قوي على المدونات
تحياتى يازميل

Che يقول...

GiGi
انا فعلا كنت باموت فى علوم و عشان كده ماكنتش قادر افارقها
اللى بيشتم فى حماس و الاخوان البنت اللى بيقولوا عليها " قذره " و مدونتها " قذره " و الاتنين اللى انا جايب حوارهم عباره عن واحده صاحبه مدونه ( بس مش القذره ) و التانيه اللى بتعلق على البوست بتاعها و بالمره يشتموا شويه فى " القذره " و مدونتها
و بالنسبه انه محدش بيخاف من حد فى المدونات فده صح لان فى النهايه " كل اناء ينضح بما فيه " و الاتنين اللى انا كتبت حوارهم واضح هما الاناء بتاعهم مليان ايه
و فكرة ان فى مدونين بتحترميهم بس مابتحبيش لما يستخدموا الفاظ صعبه بس مع كده بتفضلى تحترميهم فده شئ احييك عليه
تحياتى لك يا زميله ( كنت عايز اقولك يا رفيقه بس خفت نتاخد قضيه شيوعين فقلت زميله احسن ) .. مستنى المزيد من التعليقات منك

sandy يقول...

معنديش رد احسن من اللى قلته عمتك ستيته وسلام

Che يقول...

Sandy
ربنا يخليكى يا جميل .. تعليقين فى يوم واحد .. ايه الهنا اللى انا فيه دى يا ربى
و عندك حق فى تعليقك اللى هو تعليق عمتى ستيته