الاثنين، 2 فبراير، 2009

اعادة نشر

كان نفسى اكتب حاجه جديده بس قلت اعيد نشر بوست قديم ليا يا رب يعجبكوا ....... كان معكم عمرو من عند وجدى باشا و حرمه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تفتكرو الرقابه ليها لازمه ولا خلاص وجودها زى عدمها

انا باسأل بمناسبه الاعلانات و الافلام اللى حوالينا ... فى حاجه واحده بس مشتركه فى اغلب اعلاناتنا اللى بتعلق معانا بتكون ليها اسقاطات جنسيه , بعضها بيكون صريح و البعض الاخر بيكون مستخبى ... انما على مين على رأى محمود عبد العزيز احنا اللى بنطلع الجنيه من بذر العنب و عارفين العفريت مخبى ابوه ( ابوه مش ابنه واخدين بالكم من الجبروت )

مثلا كل اعلانات الفياجرا ( طبعا الامريكانى مش المضروبه اللى ملهاش فايده و اسألو الستات على رجالتهم - ربنا يستر على ولايانا ) .. فاكرين اعلان الشاليمو بس الاشد منه الاعلان بتاع الصور اللى بتتعلق على الحيطه قال يعنى لما خد فياجرا عمل كل ده - ممكن واحد منكم يقول انى حاقد عليه و ده أرد عليه و اقوله ربنا يزيده و اللى اداله بالمغرفه يدينا بضهرها - و ممكن واحد تانى يقول ان الرجل صحته حلوة و ان بس كان عنده شويه احباطات و ضغوط الحياه بس الفياجرا جلته و لمعته و يا بخت مراته بيه ( زى فى مسرحيه العيال كبرت لما سعيد صالح بيسأل كريمه مختار على حسن مصطفى و قالتله انه يا عينى بيشتغل لحد الفجر - مع ان امنيه سعيد صالح نفسه ان ربنا يقدره و يشتغل لغايه الضهر - طبعا و انتو فاهمين الشغل ممكن يكون متعب ازاى )

ما علينا سيبنا من اعلانات الفياجرا لان ممكن واحد يقول انها بتعلن عن منتج يهم الناس من الناحيه الجنسيه فلازم يكون كده مع ان فى اعلانات عن حاجات منافسه للفياجرا و اعلانتها شيك

زى اعلان سنافى .. و على فكرة الاعلان ده ليه اتنين version واحد مصرى و التانى خليجى و الاتنين نفس الفكرة بس المعالجه مختلفه جدا

ال version المصرى الراجل بيخش على البيت يلاقى المزه ( و لازم تكون مزه عشان تكون مستنياه بالشكل ده مع الاخد فى الاعتبار طبيعه الست المصريه و هوايتها انها تنضم لجمعيه اشجار الجميز السريه من كتر اكل المفتقه و المحشى ) المهم المزه متشيكه و لابسه قميص نوم ممكن يصحى واحد ميت مش واحد شحنه خلصان زى الراجل جوزها و مع كده الراجل شكله كفران و طالع عينه و عين اللى خلفوه نفر نفر لغايه قبل سيدنا ادم بشويه ولما تلاقى مفيش منه رجا تقوم تنام يا كبد امها و ليله جوزها سودا ان شاء الله

ال version الخليجى حاجه تانيه خالص .. الست لابسه عبايه محترمه و الراجل زى الفحل و مش محتاج سنافى ولا حاجه بالعكس ده ممكن يصنع سنافى لو عرق شويه و مش فاكر بتقوله ايه بس هو اسمه ابو عبدالله و نتيجه للاعلان انا متاكد انه ابو عبدالله قام بالواجب و زياده حبتين ده حتى من كتر الواجب ممكن تكون مراته ماتت

ابو عبدالله بيفكرنى بصديق مايتخيرش عنه كده صحه و فحل بجد .. صديقى ده لما اتجوز كان فاكر ان اهم حاجه فى الجواز هى اوضه النوم و اهم جزء فى اوضه النوم هو السرير ( بس خف بعد كده و بأه يلعب معاها مساكه فى الشقه كلها ) و كل مانكلمه و نقوله بالراحه على البت يقولنا انا بقالى 27 سنه محروم ( تقولش داخل ماراثون ولا هيصحى الصبح يلاقيها قفلت الدكان _ ما علينا و ربنا حليم ستار ) كنا بنقول انه فى مره هيكون معاها و بعدين يقولها مبتتكلميش ليه يقوم يلاقيها ماتت تحته و هو مش حاسس

اخر اعلان على المنشطات الجنسيه و بعدين نغير السيره البطاله دى الاعلان بتاع الاتنين الستات اللى واحده بتشكى للتانيه ان جوزها بأه مابيعرفش على رأى هانى رمزى تقوم التانيه زى الحاوى مطلعلها القرص الاحمر اللى رجع حامد يكون جامد ( حامد ده اسم جوزها - ولا تعليق )

فى اعلانات بتاعت حاجات بريئه زى الشيكولاته .. فاكرين شيكولاته كورينا اللى العيال بياخدوها فى الضلمه ( والله الاعلان كده و انا مش جايب حاجه من عندى ) الاعلان ده قعد فترة و بعدين بطل يجى تقريبا عشان مبقاش فى حته ضلمه العيال ياخدو كورينا فيها

و فى كمان اعلان بتاع جامعه خاصه .. تلاقى واد امور و مسمسم كده و يقولك انا باخد فيها ( مع انه شكله باين عليه و مش محتاج يقول انما تقول ايه , هو البنى ادم كده ربنا يستره من فوق سبع سموات عشان هو يفضح نفسه ) و بعد الواد المسمسم بت صاروخ برضه بتقول انها بتاخد فيها و يتوالى الشباب ( مكنتش عارف ان الناس دى كلها بتاخد فيها ) و بعدين يطلع راجل محترم لابس بدله شيك و يقولك انا بأه اللى بديهم فيها و هوب قبل ما مخك يروح لبعيد تنزل التترات باسم الجامعه اللى الناس دى بتاخد فيها ( بسبب البنات الجامده اللى فى الاعلان كان عندى ناس صحابى نفسهم نفسهم يشتغلو فى الاستف بتاع الجامعه عشان يدو فيها هما كمان يلا مهى سايبه بأه و مولد )

كمان كان فى اعلان عن بنك بس انا مش هاقول اسمه لانى مش قصدى التسييح ولا حاجه بس الاعلان ده قديم و ماجاش كتير فيمكن ناس كتير ماتفتكروش بس اللى شافه اكيد هيفتكرو

جايبين صوره تمثال اللى اسس البنك و هو بيبص للبنك و بيقوله بنك .... انا اللى بادعك و بانيك ( كلام عادى اهو انما ازاى احنا اساتذه فى اننا نطلع كلام مش موجود و الصراحه الناس هنا متعبتش كل اللى عملوه انهم نطقوا الاعلان بالعاميه زى ما الاعلان بيتنطق و افهموها انتو بأه بعد كده ) و الظاهر حد قال الرقابه فلغت الاعلان

سيبنا من الاعلانات و خلينا فى الافلام

كل فيلم تلاقى البطل بيقول انه عنده مشاكل مع الرقابه عشان الرقابه مش موافقه على كذا و كذا و البطله تطلع فى الجرايد و تقول عادى انى البس مايوه قطعه واحده ( اللى هيا النضاره بتاعت الشمس ) و ان النضاره دى ليها معنى عميق الرقابه مقدرتش تفهمه

مع ان اللى يبص على الافلام بتاعتنا يحس ان احنا معندناش رقابه او ان الرقابه عندنا شويه موظفين مش فاهمين او ( و ده الاحتمال الاكبر ) ان الرقابه بتتعامل معانا على اننا احنا اللى مابنفهمش

زى فيلم دبور كلمه A7A و دى كلمه كل اللى بيشيت فرانكو اراب عارف معناها و كلمه قلبى على والدى انفطر و قلب وادى عليا motherfu*ker ودى كلمه صريحه اهى بس عادى برضه خل الناس تتفرج و تنبسط و ملهاش لازمه ننكد عليهم فى العيد ( و دى حركه ذكيه عشان استهلاكنا من الفياجرا مايزيدش )

انا اقتراحى اننا نلغى الرقابه و نخلى كل واحد ضميره هو الرقيب ( بما اننا كلنا ضميرنا صاحى يبقى مش هنحتاج الرقابه )

و سلملى على الترماى


هناك 17 تعليقًا:

EmY يقول...

والله انت عسل
انا اول مره اقري البوست ده مقرتوش لما اتنشر قبل كده بس بجد جميل

انا بصراحه مش لاقيه لازمه للرقابه يعني هو الشعب ساذج ولا برياله بعدين بيقدمواافلام تافه و مالهاش اي قيمه لا اجتماعيه ولا فنيه يبقي الرقابه بتعمل ايه لما يتقدملنا فن هابط بالشكل ده

الرقابه مجرد دعايه علشان المنتج يروج لفيلم يقول ان الرقابه معترضه علشان الناس دماغها تروح للجنس و يدخلوا الفيلم علي اساس انه هايشوفوا الي عمرهم ما شافوا قبل كده و طبعا احنا شعب مكبوت يا معلم يعني هييييصه بقي

اعلان الصور و الكبريت دول كانو مسخره و طبعا خلي السلاح صاحبي

بجد احنا ناس رايقه

kemet يقول...

السلام عليكم ورحمة الله وبركاته

الرقابه
انت لو شفت الافلام اللي نزله الموسم ده ووف موسم العيد تقريبا تتأكد ان مافيش رقابه
القبلاتالصريحة ولا الامريكاني دا الامريكان المفروض ياخدوا كورسات عندنا ومن ناس غريبه جدا تطلع في البرامج تحس انه من البيت للجامع للاستوديو ولما تشوف افلامه يقولك اصلها بتخدم دراما الفيلم

مافيش رقابه والرقيب هو الله

تحياتي
الى اللقاء

اسماء عوني يقول...

احم احم
طيب انا هقرا بقيت البوستات وهاجيلك تاني
:D
انا بهزر طبعا
هو رغم اني فيه حاجات للاسف مافهمتهاش زي بتاعة التمثال دي
بس ياريت لو حاجه مش كويسه ماتوضحهاش خليني مش فاهمه

انا تاني موضوع اقراه في اسبوع عن الرقابه عندك وعند زيكا
انا بجد حاسه ان مافيش رقابه
او الرفابه علي حدود معينه بس اللي هي بتضر بمصالح اشخاص معينه اكيد انت عارفهم
تحياتي

Che يقول...

EmY
ربنا يخليكى يا جميل و شكرا على مجاملتك
بالنسبه للرقابه انا شايف نفس اللى انتى شايفاه ، بس نقول ايه .. احنا رأينا ملوش لازمه فى البلد دى
كان عندى نماذج اعلانات كتير بس دول اللى كان ممكن اكتب عليهم ... و فعلا مفيش حد اروق مننا
دايما منورانى يا جميل

Che يقول...

Kemet
و عليكم السلام و رحمه الله و بركاته
الحمدلله مادخلتش افلام خالص العيد ده .. بس عندى ملحوظه ضغيره على الماشى كده .. مفيش حاجه اسمها بوسه امريكانى اسمها بوسه فرنساوى french kiss او بوسه شفايف على رأى ياسمين عبد العزيز فى فيلم 1/8 دسته اشرار
نورتينى و مستنى تكرار الزيارة و التعليقات الجديده

Che يقول...

اسماء
احسن انك مفهمتيش بتاعت التمثال و انا معنديش نيه اوضحها ... هههه
انا لسه مقرتش موضوع زيكا لانى كنت مسافر و لسه راجه بس هاروح اقراه حالا
و رأيك صح بالنسبه للرقابه و طبعا انا عارف قصدك على مين
نورتينى و مستنى زيارتك على طول

حروف (دلو مرة ثانية وجرح ثاني سابقا) يقول...

يا استاذ ياستاذ ترجمة حتنزل امتي المثل بتاع ولدي قلبه انفطر الكلمة اللي بالانجلش مش فهماها قال يعني البوست فهماه يالا اهي تفارح قبل العيد
سلام اوانت عامل ايه دلوقتي

Che يقول...

حروف اللى كانت مستخبيه
الترجمه مش هتنزل خالص لان الفيلم ده للكبار فقط
انا تمام الحمدلله .... انتى عامله ايه
طمنينى عليكى

Zika يقول...

المره اللي فاتت كانت اول زياره فعلا
بس واضح انها مش اخر زياره
مدونتك هايله بجد والله
البوست ده من اكتر ما قريت مسخرتا واخد بالك من ( مسخرتا ) دي في حياتي
تحفه
ومش عارف اضحك عالبوست ولا علي تعليق اسماء عوني
تحياتي

Che يقول...

Zika
ازايك يا زيكا باشا .... معلش انى مقصر و لسه ماقرتش موضوعك بس غصب عنى والله
و اهلا بيك سواء اول تعليق او التعليق رقم 100 فى عين العدو ، انت صاحب مدونه مش ضيف
و ربنا يخليك على مجاملتك ( و طبعا خدت بالى من مسخرتا ) ... و طبعا أسماء ماتتوصاش ربنا يخليها تعلق عندى دايما و تتحفنا ببوستاتها الجامده
نورت يا باشا و مستنين تكرار الزيارة

فتافيت يقول...

ههههههههههههههههه

يا عمرو باشا كبر دماغك .. شوفت اعلان الفياجرا لما كان عايز يجيب حاجة ساقعة من تلاجة الحاجة الساقعة والعملة كانت حالة راضية .. انا لغيت دلوقتي مش عارفة انا قومت من قصاد التليفزيون ازاي لحد مادخلت اوضتي من كسوفي علشان ابن عمي كان قاعد .. الاعلان ايه ما شاء الله شارح نفسه شرح وافي جدا ولا سلاح التلميذ في زمانه والنبي

كبر كبر .. راقبة ايه يا عم .. ده كفايا الاغاني وتصوير الاغاني ويلهوووووووووووي على كلمات الاغاني

صلي على النبي

Che يقول...

فتافيت هانم
ازيك يا فندم .. مش بتزورينى ليكى مده ، لعل المانع خير
انا مشفتش اعلان الحاجه الساقعه ده ( يا خسااااااااااره ) .. و بعدين الاغانى و الكليبات دى موضوع تانى خالص
و اللهم ما صلى عليك يا نبى الف مره
نورتينى يا جميل

فتافيت يقول...

انت الي مختفي

وتصدق زعلتني انك ما شوفتش الاعلان.. يا خساااااارة فاتك نص عمرك

ههههههههههههههههه

بس فكك انت بس من الاكتئاب ده .. وربنا كبير

Che يقول...

فتافيت
ادينى ظهرت تانى اهوه
و فعلا انا حاسس بالندم انى ماشفتش الاعلان ده
و الاكتئاب الحمدلله خد وقته و مشى
منورانى دايما يا جميل

بث تجريبي يقول...

الله يخربيت ام الاعلانات دى اللى مش بتيجى غير لما نكون كلنا قاعدين قدام التليفزيون ويجى الاعلان من دول وهوب تحس انك عاوز تستعبط وتقوم تروح تشرب او تروح الحمام على اساس انها حبكت دلوقتى يعنى .... ويا سلام بقى لما اصغر اخواتك بصوت عالى يقول يعنى ايه فياجرا يا بابا...
والله ابويا بيصعب عليا مووت..
..............
بالنسبة لحكاية الرقابة دى فدى بقى عاوزة ليها بوست لوحده.

غير معرف يقول...

ana nfsy mooooot ashof el e3lan bta3 el gam3a de ... plzzz elly 3ndo el video bta3 el e3lan da y7ot el link ;D

Che يقول...

غير معرف
انى اعلان بالظبط فيهم