السبت، 14 فبراير 2009

الاهلى و الزمالك

و مازال الاهلى المتصدر و مازال الزمالك بياخد فيها ( طبعا اللى بياخد فيها دى الحصاله بتاعته اللى بيشيل فيها الاجوان عشان محدش نيته تكون وحشه و يرجع يقول عليا انى قليل الادب ) و يا جماعه حد يدى منديل لشيكابالا و يقوله امسحى دموعك يا آمال
بيب بيب اهللللللللللللللللللللللللللللللللللللللللللللللى

هناك 16 تعليقًا:

Zika يقول...

واووووووه اهلاوي
اسماء عوني كانت كاتبه بوست هايل عن الموضوع ده ههههه
بس انا احب اضيف
الزمالك عنده الاربع الماتشات الجيين مع مين
الاول : المصري في بورسعيد ( هيبقي تقيل عليهم )
التاني : الاسماعيلي ( تقيل عليهم اوي )
التالت : بتروجيت ( تقيل عليهم كييك )
الرابع : الاهلي ( يالهوي )
كده الزمالك عنده ارع هزائم كمان يعني تقريبا
هينزل
هينزل
هينزل

عاشقه وغلبانه يقول...

لحقت ماتش الاهلي بعد مافاتني 20 دقيقه
راجعه البيت جري
ههههههههههههههه

بابا قالي ان الزمالك خسر وشيكا عيط
هاشوف الاعاده بكره بقي
ده اهم من مكسب الاهلي النهارده خساره الزمالك
الدنيا لما بتدي مابتبخلش

Che يقول...

زيكا باشا
بالنسبه للزمالك ربنا يستر عليه و انا شايف انه يأجروه كله بوتيكات مش السور بتاعه بس و كده هيكون اكسبلهم
و بعدين ماكانش فى داعى انك تفكر الزملكاويه بمتشاتهم الجايه عشان ماتنكدش عليهم اكتر ما الزمالك نفسه منكد عليهم
و يا رب ينزل
ينزل
ينزل
نورتنى يا باشا

Che يقول...

عاشقه العسل
معلش يا ستى على العشرين دقيقه بتوع الاهلى و بالنسبه للزمالك فامش مشكله انك ماتفرجتيش عليه حتى العمليه مش ناقصه غم
و لو عايزه تشوفى شيكا و هو بيعيط خشى على يلا كوره و عيشى
www.yallakora.com
نورتينى يا دوك

Unknown يقول...

عييييييييب بجد عيب انا زملكاويه و انت كده بتجرح شعوري حرام عليك حرام و حياة عينيك حرام
سيبنا في حالنا بقي و كفايه الي حاااصل

هابي فالنتين يا جميل

Che يقول...

EmY
يعنى يا جميل هو انا اللى بالعب و باتغلب ولا الزمالك
و بعدين حرام عليكى انتى انك تقولى انك زملكاويه
اذا بليتم فاستتروا يا ايمى
هابى فالانتين يا قمر

ستيتة يقول...

هو انا عمري سألتك ياواد ياعمرو ياعثل ياثكر بتشجع ايه؟ نو .. ابسلوتلي

بس كنت متأكده أنك عاقل وناصح وواعي وفاهم ودارس وفله ياروحي وبتشجع الأهلي

هو فيه نادي غيره اساشا اساشا؟

يالا خلي حاجة تفرحنا حتى لو كانت ماتش هو احنا طايلين

حلوة امسحي دموعك ياآمال .. في الجووووووووووووووووووووون

Desert cat يقول...

انا الحمد لله لا اهلاوية ولا زملكاوية انا زمهلاوية
يعنى ماليش فى الكورة خالص
بس شيفاك مبسوط يا عمور
هو فى ايه
مش بقواك اان ماليش فى الكورة يابنى ههههههههه

Che يقول...

عمتى ستيته
طبعا انا اهلاوى و متعصب كمان برغن انى بأكره التعصب انما مش بأقدر امسك نفسى لما المسأله تيجى للاهلى
و بعدين انتى كده هتخلى الزملكاويه يزعلوا منى اكتر ماهما زعلانين عشان قلتى انه امسحى دموعك يا آمال فى الجون .. يعنى هما ناقصين اجوان
و عاش الاهلى حر مستقل يا عمه

Che يقول...

جميل يا قطه انك مالكيش فى الكورة ، بس الاجمل انك لو ليكى فيها تكونى اهلاويه زينا كده
و بعدين محصلش حاجه .. ماتخديش فى بالك
نورتينى و شكرا على التهنئه يا جميل

fnoonh يقول...

اها انا اهلاوية بس مش من زمان من اولى ثانوي بس
يعني بقالي سنتين بس بصراحة بحبه جدا وان شاء الله ديما هوه اليفوز

تقبل مروري

Che يقول...

fnoonh
مش مشكله من زمان او من قريب انك اهلاويه .. اهم حاجه انك اهلاويه و ربنا يسمع منك و نفضل نفوز على طول
نورتينى يا جميل

فتــافيت (رحاب الخضري) يقول...

والنبي قطع قلبي لما لاقيته بعيط لما الاتحاد علم عليهم
خلاص الزمالك بقى ملطشة .. كل اللي رايح واللي جاي يعلم عليه
وحصالته اتملت كده .. ممكن يفتح ودديعة في البنك اقله تجيبله اربااااااااااااح

وبيب بيب الهلي بيب بيب اهلي
الاهلي عمهم وحابس دمهم
الاهلي فوق الجميع

Che يقول...

فتافيت الجميله
والله شيكا صعب عليا مع انه لعيب اخلاقه مش اد كده و نسى ان الزمالك اللى بيعيط عليه هو نفس الزمالك اللى سابه و هرب على اليونان بس ما علينا و عفا الله عما سلف
و بعدين دلوقتى كل الناس بتعلم على الزمالك لدرجه ان التلاته بونت بتوع الزمالك بيكونوا مضمونين لاى حد يلاعبه
و بيب بيب اهلى
نورتينى يا جميل

اسماء عوني يقول...

يااااه تصدق انك ابن حلالي مصفي
واخيرا بقالي موافق علي كلامي
فرحة هزيمة الزمالك بارضه ليها طعم كده هههههههههه
واضح اننا هنشوفهم في ستاد بلدنا قريب

Che يقول...

اسماء الاهلاويه الجامده جدا
طبعا هزيمه الزمالك ليها طعم احلى من الشهد ( اللهم لا شماته ) بس برضه عشان يعرفوا ان الانديه مقامات
جامد جدا التعليق بتاع اننا هنشوفهم فى استاد بلدنا
نورتينى يا جميل