الأربعاء، 29 أبريل، 2009

Marley And Me

عندى سؤال غريب شويه ، يا ترى انى الاحسن ان الانسان يكون مقيد ولا يكون حر ....... فى ناس بتعتبر الحب ضعف و ناس تانيه بتعتبره قوة .... ناس بتعتبره قيد و ناس تانيه بتعتبره حريه .... ناس بتعتبره نهايه و ناس بتعتبره بدايه ....... ناس بتعتبره اكبر حقيقه و ناس بتعتبره اكبر وهم ......... مش مهم انت بتعتبره ايه المهم انك جربته ولا لا ؟
طيب سؤال تانى ... لو انت جربته يا ترى النهايه كانت ايه ؟ ... يعنى كانت قصه حب فاشله و لا ناجحه ... مثلا انا اعرف واحد بيعتبر ان الانسان لازم يفشل فى الحب عشان ينجح فى حياته العمليه .... كنت بأتكلم مع صديقه عزيزة و قالتلى ان الحب ده عبارة عن اكبر اكذوبه و وهم احنا بنعيش فيه ... و اعرف ناس تانيه ممكن تضحى بأى حاجه عشان الحب .... يعنى الموضوع ملوش مقياس و دايما كل مرة بشكل
سؤال كمان على الماشى ...... احنا اللى بنختار الحب ولا الحب اللى بيختارنا ..... يعنى مثلا الانسان فى مرحله معينه من حياته بيكون مهيأ انه يحب ولا الحب بيكبس عليه فجأة ........ طيب لو فى مرحله معينه يا ترى ايه احسن مرحله ممكن الانسان يخوض تجربه الحب فيها
سؤال رابع ( شكلنا فى لجنه امتحان ولا ايه ) ..... اذا افترضنا انك حبيت تتأكد انك بتحب بجد ازاى ، و بافتراض انك لقيت طريقه تتأكد بيها من حبك تتأكد من حب الطرف التانى ازاى ، مع الاخذ فى الاعتبار ان القلوب بين اصبعين من اصابع الرحمن يقلبهم كما شاء و عشان كده من احسن الادعيه اللى ممكن الانسان يدعى بيها هى اللهم يا مقلب القلوب ثبت قلبى على دينك
و اخيرا فى جمله عجبتنى فى ماستر سين فى فيلم Marley And Me و هو بالمناسبه فيلم جميل و يستحق المشاهده

الكلب ليس لديه رغبة فى السيارات الفارهة ، المنازل الكبيرة او الملابس الانيقه ... لعب التقاط الكرة على الشاطئ يكفيه تماما
الكلاب لا تهتم اذا كنت غنيا او فقيرا .. ماهر او ابله .. ذكى او غبى ......... احبهم من قلبك و سيحبونك فى المقابل
كم من الناس بمكن ان تقول هذا عنهم ؟
كم من الناس يمكن ان يجعلوك تشعر بأنك فريد و نقى و مميز ؟
كم من الناس يمكن ان يجعلك تشعر بأنك اسثنائى ؟

و تعليق اخير من عندى 99 % من الناس على اختلاف العلاقات الاجتماعية بينهم مايستحقوش يكونوا كلاب و اكيد كل واحد فى حياته شويه ناس من دول ........... سلام

هناك 19 تعليقًا:

مياسي يقول...

ما جربتش الحب عشان أعطيك رأيي

ومش جاي على بالي أحكي عن تجارب الناس التانيين

لأني زهقانه والأمور معي معركسه شوي!!!

Che يقول...

دايما سباقه بالخير يا مياسى
عامله ايه يا جميل
بالنسبه للحب اكيد هتجربيه لانه كاس دوار و كل واحد هياخد منه شفطه
و بالنسبه لتجارب الناس التانين معاكى حق ، دع الخلق للخالق
بس ايه اللى مزهقك يا جميل .. طمنينى عليكى

مياسي يقول...

حلوه شفطه هاي:) بس تصدق هاي المقوله ما بتنطبق على كل الناس

المهم

أبدا هو فيه غيرها؟ الدراسه الأموره الحلوه اللي ماشيه تمام !!! كل يوم بتكتشف شيء جديد بيخرّب عليك المسائل!!!

يا صبر أيّوب بس!!

Che يقول...

مياسى
ربنا يكون فى عونك فى الدراسه ، عشان كده انتى مش ظاهرة على المسنجر
و سعيد انك عجبتك الشفطه :) هههههههه
ربنا معاكى يا جميل

adel يقول...

ههههه
انا اتفرجت علي الفيلم من زمان و هو فعلا جامد قوي قوي

و فعلا في ناس كتير متستحقش تكون كلاب و انا بعشق الكلاب اساسا و بحبهم اكتر مابحب البني ادمين للاسف

و مش لازم الحب يفشل عشان انت تنجح
بالعكس بقي
في ناس بسبب فشل الحب ممكن تموت و تفشل في حياتها عموما

اللي قالك الكلام ده ...بيطبق حالته الشخصية علي باقي الناس و ده مش صح

انا معرفوش بس ده واضح من الكلام و ده رأي

Bant El7ag Dracula يقول...

بص يا عمور

الحب بيتححد بكل دا

ازى كان ضعف والا لا حريه والا لا

بلشخصيه الا بترتبط بيها

يعنى لو كويسه وبتقدر ضعفك وبتحسبه قوه

يبقى هى دى القوه

وممكن شخصيه تانى تدوس عليك علشان ضعيف

فكلها حسب الشخص الا هترتبط بيه

يلا يا معلم علشان متقلش عليك

MǿиY El-Shreef يقول...

الحب مالوش مقياس ابدا

يعني على حسب شخصيه كل واحد

ومش هتقدر تتأكد اذا كان حب حقيقي او لا الا ف نهايته

سواءانتهى ع خير وبقى ارتباط رسمي او انتهى بفراق

وفي فراق ممكن يبقى من الحب نفسه

وفي فراق ممكن يوجع اوي

عموما الموال ده طويل اوي

بس انت اوجزت عنه ف اخر كلامك

سلام :)

magi يقول...

ازيك يا تشى
غايب ليه من فتره؟

ندخل بقى فى الموضوع
لما تبقى انت الى بتدور على الحب اعرف ان عمره مهيبقى بجد لان الناس كلها فى فتره من فترات حياتها بتدور على الحب لاسباب كتير زى الهروب من مشاكلنا زى الاحساس بالوحده
الحب الى بجد الى تلاقيه صدفه من غير معاد يكبس عليك فجأه كده فى وقت عمرك ما توقعت انك تقع فيه او تحب البنى ادم ده بالذات

Che يقول...

بنت الخال دراكيولا
انا موافقك على كل اللى انتى قلتيه ، بس برضه يفضل سؤال مهم
ممكن نحب من غير ما ننجرح ولا لازم ننجرح عشان نعرف الحب
و بعدين يا ستى تقلى براحتك
بيتك و مطرحك ولا اقول كهفك بدل بيتك
نورتينى يا جميل

Che يقول...

مونى
فينك من زمان مش باينه ليه ولا انا اللى كنت مش باين
واضح ان كلنا اتفقنا على حاجه واحده مع انه نادرا ما بيحصل ان الحب ملوش مقياس
و يا ريت اكون اوجزت انما المشكله ان الموضوع ده طويل زى ما انتى قلتى
نورتينى يا جميل

Che يقول...

ماجى
ازيك يا جميل عامله ايه
انا كنت مختفى فى القوقعه بتاعتى شويه و بعدين خرجت منها
انتى عملتى ايه و ايه الصورة الجامده اللى انتى حاطها فى البلوج بتاعتك بحبها و هاسيبها
انتى سافرتى ولا لسه ، طمنينى عليكى و على اخبارك
المهم نخش فى الموضوع ، انا متفق معاكى لانى كتبت ان الحب بيكبس على البنى ادم فى الوقت اللى هو مش مستنيه
بس برضه تتأكدى منين انه ده حب اصلا عشان تحافظى عليه ... سؤال صعب و انا عن نفسى مش لاقيله اجابه
نورتينى يا جميل

magi يقول...

حمد لله على السلامه
بتاعتى ايه بس يا تشى ربنا امر بالستر برده
ههههه
لا لسه السفر قدامه شويه
سلامى ومتغبش كتير كده

Che يقول...

عادل باشا
ازيك يا حبيبى عامل ايه ، كده برضه يا عادل اغيب ماتسألش عليا .. ماشى
المهم الفيلم جاكد جدا جدا جدا
و معاك ان فى ناس اقل من الكلاب بس ليه الاسف انك بتحبهم اكتر من البى ادمين ، فى بنى ادمين مايستهلوش غير اللى فى رجلك و ساعات مايستاهلوش دى كمان
رأيك صح بالنسبه للى قال ان الانسان لازم يفشل فى الحب عشان ينجح فى حياته لانه فعلا بيتكلم بناء على تجربه شخصيه
بس فى الاخر كلنا بنعمل كده
نورتنى يا باشا

Che يقول...

ماجى
ربنا فعلا امر بالستر بس سيبك انتى العشق عشق الروح و عشق الجسد فانى .... هههههههه
ربنا معاكى و يوفقك بس لما تسافرى افتكرينا و ماتنسيناش
نورتينى يا قمر

MaNoOoSh يقول...

بيتهيئلى انه ليس لنا اى اختيار فيمن نحب ومتى يكون الحب.. بس اختيارنا بيكون ازاى نعامل اللى بنحبة وايه هى حدودنا معاه وايه هى الحدود اللى بنرسمهالة فى المعاملة معانا.

Che يقول...

منوش
ازيك يا جميل عامله ايه و ايه اخبارك و اخبار الدنيا معاكى
انا بيتهايئلى ان اللى بيتهايئلك صح ، بس بالنسبه لطريقه المعامله صدقينى و عن تجربه انتى ممكن تتحكمى فى الطريقه اللى انتى تعاملى بيها اللى انتى بتحبيه انما ازاى يعاملك فده اختياره هو و مهما اتهيئلك انك تقدرى تحطى حدود احب افكرك ان الحدود اتعملت عشان نكسرها و نعديها
نورتينى يا جميل

hamada يقول...

جروب جريدة الصباح العربي أول جريدة عربية تهتم بكل ما يخص المدونات والمدونين
http://www.facebook.com/group.php?gid=78080770039

سمكه واحده يقول...

الحلو قال جيلي ولا جاشي
بقيت اكلم روحي وانا ماشي

اهو ده ردي ههههههه
اصل الاغنيه حلوه واحلي جزء يا لالالي

هو انا معرفش اقول حاجه يعني جيت امسي وكده, كمان موضوع الكلاب واللبني ادمين لا الحمد الله كلهم تمام يعني لسه مشوفتش حد ميستهلش كلهم ناس ربنا يصلح حالهم
اما موضوع الحب اهو الناس كلها بتحب بعض وكلنا كويسين ومحدش بيكره حد ولا فيه حقد ولا حسد ولا حاجه لاسمح الله!!!
والدنيا كول خالص اهو زي منتا شايف
هو عن راي مش حب هو اعجاب انبهار تعود كلام من ده لكن الحب دي حاله احنا بنوهم نفسنا بيها وخلاص والله اعلم
تحياتي
طب بزمتك ده حتي
بيهجورني ويقول معلشي
طب اوري للناس ازاي وشي يعني!!!!!

Che يقول...

سمكه
معلش يا جميل انى اتأخرت فى الرد بس ليا عذرى ... عجبنى انك رديتى بكلام الاغنيه ... يمكن يكون الحب وهم و يمكن يكون حقيقه ... احلى حاجه فى الحب انه مش محدد و ليه شكل واحد و دى برضه اوحش حاجه فيه
نورتينى يا جميل