الأحد، 24 مايو 2009

الدرس الأخير



بعد ما الاسماعيلى قال هنكسب الاهلى و ناخد الدورى .... الاسماعيلى فعلا خده .... بس مش الدورى انما خد الدرس الاخير من جوزيه و لعيبه النادى الاهلى و انا بحييهم فرد فرد كل بأسمه و انا و انت و سمعنى سلام والله و عملوها الرجاله

بعد ما الزمالك ساب الاسماعيلى يكسبه و بعد ما كل الزمالكويه كان نفسهم الاهلى يخسر الاهلى كسب برضه

الاسماعيلى ممكن يجيب شويه مانجه يفعص فيهم او يلعب فى مناخير الزمالك او يلعبله فى اى حته تانيه زى شعره مثلا عشان الناس اللى نيتها وحشه متفتكرش انى قصدى انه يلعبله فى حته عيب ولا حاجه مع انهم على حد كلام جماهيرهم ولاد عم يعنى هما احرار سوا او يلعبله فى ودنه مثلا لو شعره مش عاجبه

و اخيرا ...... اديك تقول ماخدتش يا ناكر الجميل .... تشوف تقول ماشفتش متشكرين يا اصيل

الاهلى فوق الجميع و الزمالك و الاسماعيلى على رأى دبور ياخدوا فيزا

هناك 14 تعليقًا:

عاشقه وغلبانه يقول...

دول ولاد عم في بعضيهم ومالناش فيها

خليهم يلعبوا مع بعض زي ماهم عايزين
وقال ايه ابو جريشه علي النيل للرياضه بيقولك الاهلي كان مسنود علشان يكسب
ههههههههههههههههههههه
اضحكني هذا الرجل

Che يقول...

عاشقه
ازيك يا دوك و عامله ايه و ايه اخبارك ايه
طبعا ولاد عم و احنا ملناش فيه زى ما انتى قلتى
مش لاقى تعليق على كلمه مسنود ... اديهم لعبوا معانا و الحكم اجنبى ، عملوا ايه ..... ولا حاجه .... طلعوا ناس بؤ
نورتينى يا دوك

Magi Mostafa يقول...

انت كمان يا تشى
مش عارفه ليه الاهلاويه معندهمش روح رياضيه سواء خسروا او كسبوا
عموما مبروك

Che يقول...

ماجى
شكلك بتشجعى الاسماعيلى يا ماجى ولا يا ترى يطلع الزمالك
على كل انا مش عارف انتى سمعتى اللى اتقال على الاهلى طول الموسم ولا لا ... او حتى سمعتى اللى اتقال قبل الماتش ولا لا
على كل ماتش و خلص و الاهلى كسب كالمعتاد
الله يبارك فيكى يا جميل
نورتينى يا جميل

MaNoOoSh يقول...

انا جاية ابارك لكل الأهلاوية النهاردة.. المفروض نسمية يوم الأهلي التدويني)
وعلى فكرة انا اهلاوية بردو ومش عايزة العب فى اى حاجة
ههههههههههههههههه

Che يقول...

منوووووووووش
الله يبارك فيكى يا جميل ، و على فكرة النهارده يوم الاهلى على البوجز و على النت و فى كل مكان
و بيب بيب اهلى
نورتينى يا جميل

غير معرف يقول...

sa7 keda ya me3alem
ana 2ahlaweya daraga ola
o talabt mn mamty tshirt l el nady el ahly
salam ya me3alem

Che يقول...

Sola
kda fol gedan , 3shan bs kol wa7ed ye3rf m2amo
we belnesba le tshirt elnade alahly dah 3ande ana b2a hedya
salam ya gamel

MǿиY El-Shreef يقول...

هههههههههههههههه

الف مبروووووك ياجميل

عقبال السوبر

Che يقول...

مونى
الله يبارك فيكى يا قمر و يا رب السوبر
نورتينى

shorouk said شروق سعيد يقول...

ألف مبرووووووووووووووووووووووك
عقبال السوبر و الكونفدرالية إن شاء الله
مستر مانويل أكلته المفضلة الفراخ البيضة و مشروبة المفضل


المـــــــــــــــــانجة
نياعههههههههههههههههههههههههههههههههههههههههههههههههههه

Che يقول...

شروق
الله يبارك فيكى يا شروق و مبروط لينا كلنا
بس انا زعلان منك .. كده تزعلى الفراخ البيضه و المانجه مننا
ههههههههه

sandy يقول...

اه ده الزمالك هيفضل على القمه مهما حصل يا مشجع نادى كل من هب ودب بيشجعه غير احسنلك سلام sandy

Che يقول...

Sandy
مش مختلف معاكى ان الزمالك هيفضل على القمه ، بس السؤال قمه ايه بالظبط اللى الزمالك هيفضل عليها ،يعنى قمه الدورى اكيد مش هى لانه بقاله خمس سنين تقريبا بيلعب على المركز السادس و مشمهاش .... قمه البطولات برضه مش هى لان الزمالك دولاب بطولاته اد رف من اللى عندنا .... تيقى قمه ايه بالظبط اللى زمالك قاعد عليها
نورتينى يا ساندى و مبروك للزمالك القمه بتاعته