tag:blogger.com,1999:blog-80727301897192625462024-03-05T09:34:03.372-08:00خمسه جدChehttp://www.blogger.com/profile/08757708048111715204noreply@blogger.comBlogger116125tag:blogger.com,1999:blog-8072730189719262546.post-11198715670431023912012-05-08T04:35:00.002-07:002012-05-08T18:47:13.362-07:00ازاى تفكر 1<div dir="rtl" style="text-align: right;" trbidi="on">
<br />
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">اول
حاجة عايز اعتذر عن انى اخدت وقت طويل لغاية ما كتبت البوست ده مع انى واعد ناس
كتير انى اكتبه بس الظروف و الاحداث كانت زى ما انتوا عارفين ... زفت الزفت ......
ما علينا.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">ثانيا
او ممكن تسميه اولا بشرطة هو انى بجد مبسوط انى رجعت اكتب تانى بعد اكتر من 10 شهور من
عدم الكتابة، انا مستغرب اصلا ان البلوج لسه موجود بس فى كل الاحوال مبسوط انى
بمارس فعلا الكتابة من جديد.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">نيجى
للجد و نسيبنا من الاجتماعيات و الاحاسيس اللى هنعرف فى البوست ده انها ممكن
متبقاش بالاهمية دى او عشان كلامى ميبقاش صادم لناس كتير انها مهمة بس مش فى كل
حاجة ولا فى كل وقت .... انا النهاردة جاى اتكلم عن طريقة التفكير.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">انا
خريج علوم، و بعيدا عن انى كنت فاشل فى الكلية بس اتعلمت منها ان كل حاجة ليها
طريقة علمية فى التنفيذ حتى التفكير ..... هحاول اكتب الموضوع فى شكل نقط عشان
يكون سهل التتبع و مش مكلكع نظرا لأن اغلبية الناس مبيعرفوش ازاى يفكروا فى اى
موضوع بطريقة ممكن تؤدى لنتايج سليمة و اغلبنا بيعتمد على مبدأ الفهلوة حتى من غير
ما يعرف انه معتمد على المبدأ ده.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">اول
نقطة فى التفكير انه دايما بيكون بالعقل مش بالقلب ... يعنى مينفعش فى اى حاجة
تفكر بقلبك و تتوقع انك ممكن توصل لنتيجة صح فى اغلب الاوقات و ده لسبب بسيط مش عشان انا قلبى قاسى
اوى اوى او مش بحس كده و كده، انما عشان القلب بيحكم بالعاطفة فى حين انما العقل
"المفروض" بيحكم بالمنطق اللى هو اساس التفكير السليم.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">هدى
مثال عشان ميبقاش الكلام عايم و غير محدد .. نفترض ان فى خبر فى جورنال او مجلة و
انت عايز تحكم على مدى صحته و لو صح صح بنسبة اد ايه<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">اول
حاجة لازم تبص عليها هى مصدر الخبر ده و مدى مصداقية المصدر بناء على اخبار سابقة
... معنى كده انك لازم تاخد الخبر من مصدر معروف مش مجهل، يعنى مينفعش تعتمد فى
الاخبار على كلمة "بيقولوا" او "سمعت" عشان قبل اى حاجة تقدر
تفرق بين الخبر و الاشاعة.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">و لازم
ميكونش عندك احكام مسبقة على الخبر نفسه، ممكن المصدر يبقى ليك عليه احكام مسبقة بحكم مواقفه السابقة، بس برضه حكمك المسبق ده مش لازم يمنعك انك تحط احتمالية ان المصدر حتى لو كذاب ممكن يكون بيقول خبر صح و هدى مثال بأن اغلب الناس بتتريق على توفيق عكاشة مع ان مش كل الاخبار اللى بيقولها بتكون غلط بس الفكرة هو ايه اللى مطلوب يوصله من ورا الخبر او زى ما بيقول القول المشهور مقولة حق يراد بها باطل، يعنى مش كل الناس الصادقة
بتقول اخبار صح ولا كل الناس الكدابة بتقول اخبار غلط، خلى عواطفك مش موجودة و
تعامل بحيادية تامة مع كل خبر على حدة و دايما احتفظ بنسبة شك سواء فى الخبر او فى
مصدره لغاية ما يثبت العكس.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">تانى
حاجة بعد ما اتأكدت ان الخبر ليه مصدر معروف مش مجهل مينفعش تفترض ان الخبر كده
صحيح خلاص و انه مش اشاعة .. اوقات كتير الجرايد و المجلات او البرامج بتنشر اخبار
بتكون نص حقيقية، فيها جزء من الحقيقة، مش حقيقية على الاطلاق او اشاعات لقياس
التوجه العام ناحية موضوع بعينه او لتوجيه الرأى العام فى اتجاه بيخدم مصالح اللى
مسرب الخبر –ايا كان مدى صحته- او الاشاعة ... اللى اقصد اقوله بالنقطة دى انك –تانى-
دايما لازم تحتفظ بنسبة من الشك لغاية ما يثبت العكس، مينفعش تكون واثق بنسبة 100%
فى اى حاجة لأن المطلق غير موجود اساسا فى اى حاجة فى حياتنا.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">طيب
دلوقتى نتأكد ان الخبر صحيح مش اشاعة او موجود لتوجيه الرأى العام ازاى .. اى خبر
فى الدنيا حتى لو مش حقيقى بيكون ليه و لو جزء بسيط من الصحة على ارض الواقع، يعنى
حضرتك هنا هتعمل حاجة اسمها مطابقة الخبر على ارض الواقع و تشوف الخبر ده متشابه
مع اخبار سابقة -ثبت صحتها- ولا لأ لأن ساعات بتكون اخبار غلط بتأكد على خبر غلط او غير حقيقى ... و لو متشابه مع اخبار سابقة -ثبت صحتها- ايه مدى امكانية انه يكون
بيحصل فى الوقت الحالى ... طيب لو مفيش تشابه بينه و بين اخبار سابقة او قديمة
لازم تقيس الخبر ده على الارض موجود ولا مجرد كلام و خلاص ... بعد ما هتعمل النقط
دى كلها هتكون كده عرفت الخبر صحيح ولا اشاعة .. مثال على كده مثلا مينفعش انك
تصدق خبر من نوعية الاخبار اللى كانت موجودة فى اول الثورة ان "البلطجية
دبحوا كل اللى فى عباس العقاد و طالعين دلوقتى على مكرم عشان يدبحوهم".<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">خلاص
اتأكدنا دلوقتى ان الخبر صحيح و مش اشاعة .. نيجى للنقطة التانية و نشوف مدى صحة
الخبر نفسه اد ايه و دى بتتحدد لما بتربط الخبر ده بباقى الاخبار المشابهة ....
ليه؟؟ لأن مفيش خبر بيكون متفرد كده بذاته و ملوش ارتباط باخبار تانية ... عشان
اقرب النقطة للفهم ممكن تبص للاخبار على انها عاملة زى شبكة المواسير كلها ماسكة
فى بعضها ... عمرك شفت ماسورة موجودة لوحدها و مش موصلة على اخواتها و مع كده
متكاملة فى المنظومة و شغالة بطريقة صح!!!<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">نقطة
ربط الخبر ببقية الاخبار المشابهة ليه فايدة تانية غير انه بيساعدك على قياس مدى
صحة الخبر، انه كمان بيساعدك انك تكتسب معلومة اضافية لأن الخبر المفروض بيحتوى
على معلومة واحدة على الاقل، يبقى لما تربط خبرين ببعض انت هنا اصبح عندك معلومتين
و كل ما تربط اخبار اكتر ببعض كل ما تجمع
معلومات اكتر و المعلومات عمرها ما بتضر و دايما بتفيد .... بس متروحش مثلا
تجمع معلومات حربية و بعدين لما تتمسك تقول عمرو هو اللى قالى اجمع معلومات،
ساعتها هبيعك و هكون اول واحد يشهد عليك و هوصلك بأيدى للحبل.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">نيجى للنقطة
اللى بعد كده و دى مهمة و هى نقطة تحليل الخبر ... دلوقتى انت عندك خبر اتأكدت من
صحته، و قيست مدى صحته اد ايه، و ربطته بأخبار تانية و بالتالى جمعت معلومات و زى
ما اتفقنا ان المعلومات دايما مفيدة ... تقدر ازاى تستفيد من المعلومات.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">عشان
اقرب النقطة دى للفهم المعلومات اول ما بتاخدها بتكون فى صورة خام مينفعش تستفيد
منها، لازم تدخلها مصنع و تظبطها عشان تخليها فى صورة قابلة للاستخدام ... المصنع
ده هو دماغك، و تظبيطها هو انك تحللها، و الصورة القابلة للاستخدام انك تعرف ايه
المطلوب من المعلومة توصيله لأن كل معلومة بتخدم غرض معين انها توصل رسالة معينة
للى يقدر اولا انه يتلقى المعلومة و ثانيا انه يفهمها صح و يفهم المقصود منها ايه
بالظبط.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
<div class="MsoNormal" dir="RTL" style="direction: rtl; unicode-bidi: embed;">
<span lang="AR-EG"><b><span style="font-size: large;">انا
هقف عند نقطة تحليل الخبر و مستنى اى حد عنده اى سؤال عشان نتناقش فيه و كمان عشان
الموضوع فعلا كبير و متشعب و مينفعش يتشرح كله فى مرة واحدة و بعتذر مقدما لو كان
اسلوبى مش حلو او مش بسيط او بيتوه و باب الاقتراحات لتحسينه او تبسيطه مفتوح لكل
الناس ... سلام.<o:p></o:p></span></b></span></div>
<div class="MsoNormal" dir="RTL" style="direction: rtl; unicode-bidi: embed;">
<br /></div>
</div>Chehttp://www.blogger.com/profile/08757708048111715204noreply@blogger.com2tag:blogger.com,1999:blog-8072730189719262546.post-3570637498234794492011-07-17T06:28:00.001-07:002011-07-17T06:28:54.520-07:00جزيرة الميدان<div dir="rtl" style="text-align: right; font-weight: bold;"><!--[if gte mso 9]><xml> <w:worddocument> <w:view>Normal</w:View> <w:zoom>0</w:Zoom> <w:punctuationkerning/> <w:validateagainstschemas/> <w:saveifxmlinvalid>false</w:SaveIfXMLInvalid> <w:ignoremixedcontent>false</w:IgnoreMixedContent> <w:alwaysshowplaceholdertext>false</w:AlwaysShowPlaceholderText> <w:compatibility> <w:breakwrappedtables/> <w:snaptogridincell/> <w:wraptextwithpunct/> <w:useasianbreakrules/> <w:dontgrowautofit/> </w:Compatibility> <w:browserlevel>MicrosoftInternetExplorer4</w:BrowserLevel> </w:WordDocument> </xml><![endif]--><!--[if gte mso 9]><xml> <w:latentstyles deflockedstate="false" latentstylecount="156"> </w:LatentStyles> </xml><![endif]--><!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0in 5.4pt 0in 5.4pt; mso-para-margin:0in; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} </style> <![endif]--> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">جربت تتخانق مع سواق تاكسى او سواق ميكروباص قبل كده ... لو عملت كده هتكتشف انك بمجرد ما السواق ينزل كل سواقين التاكسى او الميكروباص هيقفوا و ينزلوا و يساندوا زميلهم ( و انا هنا قلت زميلهم لأنه ممكن يكونوا ميعرفهوش اصلا او اصحاب ) ، و يبتدوا يتكلموا معاك بالذوق و خلاص و معلش يا استاذ ، لو انت اللى صح و هو اللى غلطان .. و لو لقوا انك هتبتدى تبلطج يبقى فى احتمال لا بأس بيه انك تاخد علقة محترمة تخليك تبوس ايد كل سواق تشوفه بعد كده .... انما لو انت اصلا اللى غلط و السواق اللى صح يبقى هيتحط عليك من غير كلام كتير و من غير ما حد يسمع اسبابك او دفاعك</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">جرب نفس الحكاية انك تتخانق على قهوة او فى شارع انت غريب عنه ، نفس الموقف هيحصل و هتلاقى الناس اتلمت عليك .... و نفس المثال بيمشى على كل طوائف و طبقات الشعب ....... كل الشعب الا الناس اللى موجودة فى التحرير</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">الحاجة المحيرة هنا هى امتى الانفصال ده حصل بين " الشعب " و بين باقى الناس اللى فى التحرير ... يعنى انا فاكر انه فى بداية الثورة و لغاية يوم 2 فبراير تحديدا كان فى ناس مع الميدان و ناس ضده ، بس بعد موقعة الجمل يوم 2 فبراير الشعب كله بأه مع الميدان و اللى كانوا ضد الميدان هتلاقيهم كل الناس اللى بتتحاكم دلوقتى ، و فضلت الناس فى حالة شهر العسل دى مع الميدان لغاية بعد التنحى بأسبوع كده</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">اول انشقاق حصل حصل بعد اللقاء الشهير بتاع علاء الاسوانى مع احمد شفيق ، بس كان انشقاق صغير و كان راجع لفكرة السلطة الابوية الموجودة عندنا فى مصر مش اكتر و كان مش مهم أوى ، لأن اغلب الناس شافت فيه انه اساءة ادب من الاسوانى تجاه واحد فى سن ابوه مش اكتر ولا اقل و كان موقف ناحية الطريقة اللى الاسوانى اتكلم بيها مع شفيق مش موقف من الثورة فى حد ذاتها</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">الانشقاق التانى و اللى حاليا هو ده اللى بنعانى تبعاته كان انشقاق الاستفتاء ... و الانشقاق ده فعليا قسم البلد قسمين ، ناس قالت آه و ناس قالت لأ ..... المشكلة ان اللى كان نازل يقول لأ قالها عشان مش عايز دستور 71 ولا عايز تعديلات عليه و عايز الدستور ده يتلغى و يتعمل دستور جديد او وثيقة دستورية او اعلان دستورى مؤقت ..... و اللى قال آه قالها عشان الاستقرار و انه بدل ما نعمل دستور جديد نعدل اللى باظ و اترقع فى دستور 71 الى ان يقضى الله امرا كان مفعولا</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">بس الغريب ان المجلس العسكرى ( بصفته القائم بأعمال رئيس الجمهورية ) قلب نتيجة الاستفتاء .. يعنى النتيجة الاحصائية كانت فى صالح اللى قالوا آه بنسبة 78 % تقريبا ، بس النتيجة الفعلية اللى اتطبقت كانت فى صالح اللى قالوا لأ لأن الدستور اتلغى و اتعمل اعلان دستورى ، و دى مجرد ملاحظة انا مش فاهمها لغاية دلوقتى</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">و عدت الجمع و المليونيات ما بين اقبال من كل الطوائف و الاحزاب و التيارات الى جمع مليانة اختلافات و انشقاقات و حسابات و توازنات سياسية .... بس حاليا الناس اللى فى التحرير حاسيين انهم واقفين لوحدهم ضد البلد كلها</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">يعنى ضد الجماعات الدينية عشان موضوع الدستور اولا ولا الانتخابات اولا ... و ضد المجلس العسكرى لأن المجلس العسكرى شايف ان بعض من فى التحرير و الميادين الاخرى زى الاربعين فى السويس و عند القائد ابراهيم فى الاسكندرية بعضهم مخربين او بلطجية او عايزين يوقفوا الحياة الطبيعية و يعطلوا عجلة الانتاج ، و ده بالمناسبة نص كلام المجلس العسكرى مش صياغة من عندى</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">و كمان ضد الحكومة لأن الحكومة بمباركة المجلس العسكرى او بأمره طلعت قانون تجريم الاحتجاجات اللى مطاطى جدا و ممكن فى اى وقت يتم تطبيقه و ساعتها ناس كتير هتضيع ... و الاهم و الاخطر من دول كلهم انهم حاليا فى حالة عداوة بتتراوح شدتها مع الشعب .. الشعب اللى هو الناس البسيطة اللى مش منتمية لأى حد ولا مسيسة ولا اى حاجة ، الناس العادية اللى بتمشى فى الشارع</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">الوضع حاليا ان التحرير اصبح جزيرة معزولة عن البلد كلها بالناس اللى فى البلد ... و مع كده الناس اللى فى التحرير اخدت بالها من النقطة دى و رفعوا مطالب مينعفش اى حد يختلف عليها سواء من سرعة محاكمات و انها تكون عادلة و علنية ، او قضية حقوق الشهداء و المصابين فى احداث الثورة ، و مسألة البعد الاجتماعى من ناحية الحد الادنى و الحد الاقصى للأجور ، و مشاكل زى التعليم و الصحة و الاسكان ، و عدم الدخول فى صدام سواء مع المجلس العسكرى او الحكومة او الناس و تصعيد فكرة الاعتصام لفكرة العصيان المدنى الاجبارى ( مع ان الاصل فى العصيان المدنى انه يكون اختيارى ) ، و برضه بعدوا عن الصدام حوالين الدستور اولا و الانتخابات اولا و خلوها مصر اولا و الثورة اولا</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">بس الغريب انه برغم كل التغييرات اللى حصلت فى فكر المعتصمين و المتظاهرين فى التحرير الا ان التحرير لسه فى وضعية الجزيرة المعزولة و محدش قابل كل التغييرات و التنازلات ان جاز نسميها تنازلات و لسه مستنين اكتر من " بتوع التحرير " ، و الاكتر ده اللى مستنينه انهم يروحوا بيوتهم و يعرفوا ان الثورة اتعملت و يسيبوا " الكبار " بأه يشوفوا شغلهم عشان البلد " متخربش " اكتر مهى خربانة و متغرقش بينا كلنا</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">انا كنت ضد التصعيدات الغير محسوبة من المتظاهرين و المعتصمين ( و انا بقول كده مع انى بنزل التحرير على طول ، بس بحاول اكون محايد ) و كنت مبسوط بالتغييرات اللى حصلت و ابتدت تتنفذ على ارض التحرير ..... بس مع كده انا شايف انه مفيش تنازلات تانية او كروت تانية فى ايد " بتوع التحرير " ممكن يلعبوها .... لأنه ساعتها لازم نسمى اللى حصل من 25 يناير لغاية دلوقتى اى حاجة غير ثورة</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">انا نفسى كل الاطراف اللى انا قلتها متحطش الناس اللى فى التحرير فى كورنر و يبقى ضهرهم للحيطة و معندهمش حاجة يخسروها ، لأنه ساعتها فعلا النتايج هتبقى مؤسفة و كلنا هنخسر ... الحياة بتكون ماشية فى اتجاهين مش فى اتجاه واحد ، و مفيش طرف دايما بيتنازل و يدى و الطرف التانى دايما بياخد و بيستنى اكتر</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">لو اى حد فى ايده اى حل او اقتراح يا ريت يقوله ، بس يكون حل قابل للتنفيذ و يكون محدد مش حل هلامى او مستحيل ، صدقونى محدش ساعتها هيقول لأ لأن اغلب اللى بيعمل حاجة بيعملها عشان خاطر البلد مش عشان خاطر مصلحة شخصية</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG"> </span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">آخر حاجة انا فعلا خايف على الثورة منها هى مقولة قديمة اتقالت على ثورة عرابى ( اللى اتسمت بعد كده هوجة ) ، المقولة دى بتقول : الولس غلب عرابى ، و الولس يعنى الخيانة</span></span></p> <p class="MsoNormal" style="text-align:right" align="right"><span style="font-size:130%;"><span dir="RTL" style="font-size:14.0pt;mso-bidi-language:AR-EG" lang="AR-EG">متخلوش الولس يغلب التحرير</span></span></p> </div>Chehttp://www.blogger.com/profile/08757708048111715204noreply@blogger.com2tag:blogger.com,1999:blog-8072730189719262546.post-60394221657457352502011-07-04T18:22:00.000-07:002011-07-04T18:23:03.842-07:00عشرة ايام مثالية و آفة العرب<span style="font-size:130%;"><span style="font-weight: bold;">برغم انى مش من هواة ان اعيش فى الماضى بس هفكركوا بحاجة حصلت فى الماضى القريب جدا ، حصلت بداية من يوم 1 فبراير اللى فات لغاية يوم 11 فبراير اللى قريبا هنعتبره عيد قومى لمصر</span><br /><span style="font-weight: bold;">الحاجة اللى حصلت دى هى كانت حالة التوحد لكل اطياف و الوان الشعب المصرى ، و انا هنا استخدمت كلمة الشعب ككلمة عامة و مش قلت اطياف سياسية او اجتماعية او دينية لأن فعلا مصر فى العشر ايام دول كانت مقسومة جزئين بغض النظر عن حجم كل جزء ، جزء اسمه ميدان التحرير و هنا اعنى رمزية ميدان التحرير مش مكانيته و جزء اسمه ميدان مصطفى محمود و برضه اعنى رمزيته مش مكانيته .... برغم انى عارف انه فى الحياة الابيض و الاسود موجودين ، بس اللون الاساسى هو الرمادى بأختلاف درجاته و يفضل الابيض و الاسود للتمييز .. بس مصر فى الايام دى كانت ابيض او اسود .. ثوار او فلول .. ثورة او ثورة مضادة</span><br /><br /><span style="font-weight: bold;">اغلب اللى يعرفنى يعرف عنى انى ليبرالى النزعة و فى حالة عداء دائم مع كل استخدامات الدين فى الحياة السياسية و الاجتماعية لأنى مقتنع ان الدين مكانه القلب و ربنا هو بس اللى مطلع على اللى جوه قلوبنا ......... بس فى الايام دى مكانش فى حاجة اسمها اخوان ولا كنيسة ، لا سلفيين ولا علمانين ، لا مسلمين ولا مسيحيين .. كان فيها مصريين و بس ... و اظن الفيديوهات و الشهادات المصورة و المكتوبة عن الفترة دى تغنى عن اى كلام</span><br /><br /><span style="font-weight: bold;">افتكر اغلبنا ان الثورة خلصت يوم 11 فبراير الساعة 6 المغرب لما خلعنا حسنى ... و فضل الميدان و فضلت مصر فى حالة فرحة يمكن لمدة اسبوع او اكتر شوية بعد التخلى او التنحى او ايا كان الاسم اللى تفضله</span><br /><br /><span style="font-weight: bold;">اعترفنا كلنا اللى بيحب الاخوان و اللى مش بيحبهم انه لولا ثبات الاخوان فى الميدان يوم 2 فبراير يوم موقعة الجمل كانت الثورة دى خلصت ، و كلنا ابتدينا صفحة جديدة مع بعض او ده اللى انا كنت فاكره و اكتشفت بعد كده انى كنت عبيط</span><br /><br /><span style="font-weight: bold;">هاخدكوا مرة تانية للماضى بس المرة دى ابعد شوية و لمقولة شهيرة قالها ابن خلدون يمكن تفسر اللى احنا فيه دلوقتى ، ابن خلدون قال آفة العرب حب الرئاسة ... يعنى عندنا احنا بس اللى لما تلاقى اتنين ماشيين مع بعض لازم واحد فيهم يبقى تابع و التانى متبوع .... المقولة دى كانت السبب فى حالة الانقسام اللى البلد عايشة فيها دلوقتى و بكل اطيافها السياسية و الاجتماعية و الدينية </span><br /><br /><span style="font-weight: bold;">انقسام انه فى الاول بنقول انه فيه جماعات دينية و جماعات علمانية و ليبرالية و شيوعية و غيره ، مع الاخذ فى الاعتبار ان التقسيم ده غلط لأن العلمانية و الليبرالية و الشيوعية مجرد اتجاهات سياسية و اجتماعية مش تيارات دينية عشان تكون بالضرورة معارضة للدين</span><br /><br /><span style="font-weight: bold;">برضه انقسام موجود مع ان اغلب الاطراف بيحاولوا انكاره على اساس ان الحاجة اللى بيتم انكارها بتبقى مش موجودة ، حاجة زى منطق النعامة كده فى دفن راسها فى الرمل .. الانقسام ده انقسام دينى بصحيح بين المسلمين و المسيحيين ... بس مع كده محدش بيتكلم فيه و مستنين انه يتحل من نفسه </span><br /><br /><span style="font-weight: bold;">حتى جوة الجماعة الواحدة فيه انقسامات ... مثلا الاخوان كان فيها حالة انقسام مكبوت و غير معلن بين شباب الجماعة و قادتها ، و بعد كده الانقسام ده خرج للعلن و دلوقتى فيه حالات فصل و تجميد و شطب عضوية موجودة فى اوساط الاخوان</span><br /><br /><span style="font-weight: bold;">السلفيين فيه بينهم و بين بعض انقسامات و للى عارف منهجية التفكير السلفى هيعرف ان السلفيين مش كلهم بينتموا لنفس مدرسة التفكير و انهم بينهم تباين و اختلاف فظيع يمكن يماثل تباينهم و اختلافهم عن كل من هو غير سلفى</span><br /><br /><span style="font-weight: bold;">الكنيسة فيها انقسامات برضه مع انها مكتومة بس ده ظهر بشكل واضح فى موقفين اولهم من ناحية توقيت الحدوث كان اعتصام المسيحيين عند ماسبيرو و الدعوات اللى اتقال انها طلعت من البابا شنودة لفض الاعتصام و بعد كده النفى ، و انا هنا مش بناقش لا الدعوات بالفض ولا النفى انما بتكلم عن الموقف</span><br /><span style="font-weight: bold;">و تانى موقف كان من اقباط المهجر اللى قالوا انهم هيتقدموا بطلب لفرض الحماية الدولية على مصر لحماية الاقلية المسيحية ، و الطلب ده نفسه مش جديد و اتقال قبل و كل مرة كنت بسمع رد البابا و موقف الكنيسة الرسمى من الطلب ده و ردود افعال المسيحيين العاديين حوالين الطلب ده بالرفض المطلق ، بس اللى اقدر اقوله و من غير اى مزايدات ان اللى اتغير حاليا نسبة المسيحيين العاديين اللى كانوا رافضين للطلب ده قلت و لو شوية و فى ناس فى مصر ابتدوا على الاقل يفكروا فى الموضوع ده ... و هنا برضه انا مش بتهم حد بالخيانة ولا اى حاجة انما مجرد بنقل حاجة موجودة فعلا</span><br /><br /><span style="font-weight: bold;">الاتجاهات الاجتماعية بكل اطيافها برضه فيها انقسامات ... يعنى مثلا حركة 6 ابريل فيها انقسام مروع و كان طالع فيها موضوع ان لما اتنين من حركة 6 ابريل يتقابلوا واحد فيهم يسأل التانى انت حركة ولا منظمة</span><br /><span style="font-weight: bold;">حركة دعم البرادعى و استقالات بالجملة و تلاسن و مقالات فى الجرايد من رموز بينتموا للحركة دى ، و انا هنا مش بهاجم اشخاص ولا اسماء انما كل اللى بعمله مجرد رصد و توثيق لحقائق موجودة على الارض</span><br /><span style="font-weight: bold;">الحزب الشيوعى بعد ما طلع على الارض و خلص مرحلة السرية زى كل القوى السياسية اللى كانت بتشتغل تحت الارض برضه فيه حالة انقسام و شوية منهم عملوا انقلاب و انسحبوا من الحزب و حاليا بيؤسسوا حزب جديد</span><br /><br /><span style="font-weight: bold;">هدى مثال واحد عشان اختصر كل الكلام اللى فوق ده ... يوم 6 يونيو اللى كان الذكرى السنوية لوفاة خالد سعيد ... اول حاجة كل التيارات الدينية قاطعت اليوم و مش نزلت ... التيارات المدنية و الاجتماعية بعضها نزل و البعض الآخر لا قال هينزل ولا مش هينزل فى ظل حالة الميوعة فى المواقف اللى كلنا بنعيشها و مبدأ خليك مع الرايجة عشان تكسب</span><br /><span style="font-weight: bold;">التيارات اللى نزلت منها تيار مش هكتب اسمه لأنى تانى مش بشهر بأشخاص انما بسجل مواقف ، التيار ده و انا كنت على كوبرى قصر النيل الساعة 5 العصر و ناس مننا بتجهز عشان تروح تكمل الوقفة قدام الداخلية فى لاظوغلى و كان واحد من اعضاء التيار ماشى على الكوبرى بيقول يا جماعة احنا هنتحرك كمان نص ساعة و نروح الداخلية و وراه ماشى واحد من قيادات التيار ماشى وراه ب 5 خطوات و بيقول يا جماعة احنا مش هنروح و هنفضل واقفين على الكوبرى و هنفض الوقفة الساعة 6 ... و قامت اكتر من خناقة بين الناس بسبب المؤيد لموضوع الوقفة قدام الداخلية و اللى رافض الوقفة دى و انتهوا الى ان اللى عايز يروح يروح على مسئوليته الشخصية مع معرفة انه مش بيمثل غير نفسه و فقط لا غير</span><br /><br /><span style="font-weight: bold;">انا بكتب الكلام ده قبل 3 ايام من جمعة 8 يوليو .. انا مش هقول اى اسامى على الجمعة دى .. بس يا جماعة اللى بيقول اسلامية ينزل ، و اللى بيقول مدنية برضه ينزل .... اللى بيقول الانتخابات اولا ينزل ، و اللى بيقول الدستور اولا برضه ينزل ... احنا محتاجين فى اليوم ده ننسى آفة العرب اللى قال عليها ابن خلدون و نثبت لنفسنا قبل ما نثبت لأى حد تانى اننا احسن من اى تصورات ممكن تتحط عننا و عن طريقة تصرفنا و عن ردود افعالنا</span><br /><span style="font-weight: bold;">كلنا لازم ننزل عشان لو منزلناش ببساطة لا هتبقى اسلامية ولا مدنية و لا انتخابات ولا دستور ولا اى حاجة ... هنبقى احنا اللى ضيعنا كل حاجة من ايدينا</span><br /><span style="font-weight: bold;">برغم اننا مش عايزين نبقى فى حالة كل شئ او لا شئ انما لازم نعترف اننا ابتدينا نوصل لمشارف الحالة دى ، و الحالة دى فى اغلب الاوقات الخسارة بتبقى هى الاحتمال الاكبر فيها</span><br /><br /><span style="font-weight: bold;">مش لازم تتفق معايا ، و مش لازم تختلف معايا ..... بس لازم تنزل معايا</span><br /></span>Chehttp://www.blogger.com/profile/08757708048111715204noreply@blogger.com1tag:blogger.com,1999:blog-8072730189719262546.post-84906599827271872012011-05-22T20:21:00.000-07:002011-05-22T20:41:04.273-07:00العسكر ... و ليه لازم تنزل يوم 27<span style="font-size:130%;"><strong>يوم 24 يناير 2011 :<br />كانت الدعوات للثورة شغالة على الفيس و مع كده مظنش انه حد كان مصدق ان الثورة هتنجح<br /><br />يوم 25 يناير 2011 :<br />لغاية الساعة 2 الضهر كنت قاعد فى البيت و كنت فاكر انه مفيش حاجة هتحصل ، بس شوية و لقيت تليفونات من اصحابى اللى نزلوا<br />شوية كمان و ابتديت اشوف الفيديوهات و اللايف ستريمنج من موبيلات ناس كتير و ابتديت احس ان المرة دى غير كل مرة و جايز تبقى اول و آخر مرة نقدر نعمل فيها حاجة و نزلت<br /><br />يوم 11 فبراير 2011 .. الساعة 6 المغرب :<br />قاعد فى البيت بستريح و بدور على حاجة اكلها و بجهز نفسى انى اخد شاور عشان انزل الميدان تانى ، و ساعتها عشت احلى 30 ثانية فى حياتى لما طلع عمر سليمان علينا و عرفت اننا قدرنا لأول مرة نغير الامر الواقع و نرسم مستقبلنا بأيدنا مش حد يرسمهولنا<br /><br />يوم 27 مايو 2011 :<br />ممكن اقولك اسباب كتير ملهاش اول من اخر يخليك لازم تنزل<br />منها مثلا ان المجلس العسكرى بأفعاله ضحك علينا و ممشى الامور زى ما هو عايز مش زى ما احنا اصحاب البلد و اصحاب الثورة عايزين<br /><br />منها مثلا ان المجلس العسكرى بيتعامل معانا على انه الداخلية بس بشكل مطور و جديد و بيقبض على ناس و بيضرب ناس و بيسجن ناس .. يعنى طبق الاصل من الداخلية القديمة<br /><br />منها مثلا ان المجلس العسكرى بيقول علينا نفس اللى مبارك و نظامه كان بيقولوه علينا اننا قلة و مغرضين و مندسين و هنتحرش بعناصر الشرطة و عناصر الجيش ... انا لما قريت الخطاب ده حسيت انى فى ايام ما قبل 11 فبراير مش كملنا اكتر من 100 يوم على تنحى المجحوم<br /><br />منها مثلا ان مبارك و كل عيلته و كل وزارته و كل مجلس شعبه و كل رجال اعماله محدش فيهم اخد اى حكم و فى الغالب لو مدينا خط الاحداث الموجودة دلوقتى هنلاقى محدش فيهم هياخد احكام فى حين ان حته امين شرطة لبس البدلة الحمرا و اخد اعدام فى مفيش كام يوم عشان يا دوب قتل 18 متظاهر زى ما المحكمة قالت .... يعنى اهو فيه احكام اعدام و فيه قضاء سريع مش زى ما بيتقال لينا ان القضايا دى لازم تتظبط<br /><br />منها ان مفيش ولا مطلب و بكرر ولا مطلب اتحقق لغاية دلوقتى من مطالب الثورة ... دى حتى اول مطلب فيها اللى هو الشعب يريد اسقاط النظام ماتحققش و النظام لسه موجود و صاحى و بيلعب<br /><br />و طبعا فيه اسباب كتير جدا جدا جدا ...... بس انا هقول ايه اللى هيخلينى انزل يوم 27 مايو<br /><br />انا هنزل عشان انا اتربيت على انى ماخدش عزا حد غير لما اخد حقه ، و لغاية دلوقتى كل الشهدا اللى ماتوا محدش اخد حقهم<br />يعنى انا ممكن اسامح فى حقى عشان ملكى .. انما مقدرش اسامح فى حقهم عشان مش ملكى و عشان اقدر ابص لنفسى فى المراية و مش احتقر نفسى<br /><br />انا هنزل عشان الاحساس اللى عشته فى التلاتين ثانية بتوع خطاب التنحى كان احلى احساس عشته فى حياتى زى ما قلت و عايز اعيشه مرة تانية<br /><br />و اهم سبب انا هنزل عشان لأول مرة بقول بقلب و يقين و اقتناع كامل ان دى بلدى و دلوقتى بلدى عيزانى و مينفعش انفض و اقعد فى البيت و ابقى من رواد حزب الكنبة<br />مش عارف اذا كانت الاسباب اللى انا قلتها كفاية بالنسبة ليك ولا مش كفاية ..... و جايز يبقى ليك اسباب تانية غير اسبابى<br />بس بغض النظر عن اى اسباب و عن اى اختلاف فى اى حاجة سواء فى عقيدة او وجهات نظر ... يوم الجمعة 27 مايو لازم الاقيك جنبى فى الميدان عشان فى الآخر الحاجة الوحيدة اللى انا متأكد منها ان دى بلدى زى ما هى بلدك<br /><br />مقدرش اقول ايه اللى هيحصل يوم 27 مايو .. يمكن نتضرب .. يمكن نتسجن .. يمكن نموت ..... الله اعلم<br />بس اللى اقدر عليه و عارف انه هيحصل هو ان فيه تضحيات لازم تتم عشان البلد دى تبقى احسن و انضف و عشان الثورة ماتتسرقش مننا لأننا دفعنا تمنها غالى أوى و بأغلى حاجة ممكن تدفعها و هو دم الناس اللى ماتت عشان انا النهاردة اكون بكتب البوست ده و تكون انت النهاردة بتقرا البوست ده </strong></span><br /><span style="font-size:130%;"><strong>لو انت نزلت يوم الجمعة 27 مش هنبقى لا قلة و لا مندسين ، بس لو منزلتش هنبقى قلة و مندسين ..... الفرق الوحيد انى هبقى قلة و مندسين و انا فى الميدان و انت هتبقى قلة و مندسين و انت فى بيتك .... الاختيار ليك</strong></span><br /><span style="font-size:130%;"><strong><br />سلام دلوقتى و اشوفكوا يوم 27 لو لينا نصيب و لينا عمر<br /><br /></strong></span><span style="font-size:130%;"><strong></strong></span>Chehttp://www.blogger.com/profile/08757708048111715204noreply@blogger.com4tag:blogger.com,1999:blog-8072730189719262546.post-90001877159028533172011-04-23T05:10:00.000-07:002011-04-23T05:12:56.716-07:00مقتطفات<span style="font-size:130%;"><strong>النور من عينك بيجري<br />على قلبي وباستيكته بيمحي الضلمة<br />وفي روحي بيسري<br /><br />كم وداع لازم اذاعة القلب تذيع<br />وكم رحيل هيعدي والقلب وياه هيضيع<br />كم مرة لازم تتوجع علشان تكبر وتتعلم<br />ان الخماسيين الخانقة بتجي من قلب ربيع<br /><br />يارعشة برد لمست روحي... قلبي انتبه<br />معرفش قلبي ببرد حس ولا بدفا<br />قلبي اللي نام سنين في الأسى<br />صحي فجأة على همسة<br />بتقوله قوم الدنيا بالحب احلى<br />الدنيا بالحب ونسة ومتونسة</strong></span>Chehttp://www.blogger.com/profile/08757708048111715204noreply@blogger.com4tag:blogger.com,1999:blog-8072730189719262546.post-42969545177853075932011-03-28T16:28:00.000-07:002011-04-03T23:13:23.278-07:00الفيل ابو زلومة<strong>ايام الكلية كان عندى واحد صاحبى لما كان يسمع عن موقف بيتم استغلاله او الكلام عنه بشكل مبالغ فيه مايناسبش حقيقته يقولك ام الفيل ابو زلومة ، لأن كان معتبر الفيل اكبر حاجة عايشة و بالتالى ام الفيل هتكون اكبر منه <br />طبعا ماكنش ينفع نقنعه ان الحوت اكبر من الفيل و نقعد نقوله الحوت الابيض و الحوت الازرق و ندخل فى التاكسونمى ، مع ان التاكسونمى كان مادة اساسية عندنا فى الكلية ... التاكسونمى بالمناسبة هو علم التسمية اللاتينى لكل الكائنات الحية <br />المهم افتكرت صاحبى ده لما سمعت الخطبة الشهيرة اللوذعية بتاعت حبيب قلب السلفيين محمد حسين يعقوب بتاعت غزوة الصناديق ... و للناس اللى مش سلفيين و مش عارفينه ده صاحب اشهر شريط دينى كان بيتباع على الارصفة و كان شغال فى كل ميكروباصات مصر و اسمه انت مبتصليش لييييييييييه ( و لازم تزعق عند كلمة ليه و تمدها عشان عم يعقوب كان بيعمل كده ) ، و لما سمعت الفيديو نسيت موضوع الحوت الابيض و الحوت الازرق و قلت ام الفيل ابو زلومة ايه اللى الراجل ده بيقوله <br />مش هتكلم على الفيديو نفسه لأن الفيديو ده خد اكبر من حقه سواء بالنسبة للفيديو نفسه او بالنسبة لشخصية المتحدث ، انا هتكلم على التبرير اللى قاله بعد ما لقى الموجة عالية عليه و لقى انتقادات من كل الناس تقريبا ، سلفيين و اخوان و مثقفين و حتى ناس عادية ، و يمكن ده يوضح طريقة تفكير السلفيين و تعاملهم مع الأزمات خصوصا انه تكرر فى اكثر من موقف مع اكثر من شخص و على سبيل المثال لا الحصر محمد حسان و موضوع الآثار ، بس دى نقطة هنيجى ليها بعدين <br />يعقوب قالك انه كان رد فعل طبيعى للفرحة لأن نتيجة الاستفتاء كانت مفاجأة ليه و هو قاعد فى الدرس ، و انا استغربت من التبرير ده لأنه كل الناس كانت عارفة قبل الاستفتاء ان النتيجة النهائية هتكون نعم ، و انا كواحد من الناس اللى قالوا لا كان اقصى طموحاتى انه تيجى نسبة اللى قالوا لا مرتفعة نوعا ما و توصل تبقى ثلث يقول لا و ثلثين يقولوا اه عشان احس انه حصل تغيير حقيقى فى تفكير الناس مش مجرد تغيير فى اشكال اللى هيقعدوا على الكراسى <br />و لو صدقنا تبرير عم يعقوب يبقى معنى كده انه معندوش ثقافة سياسية من اى نوع ، و كمان مش مهتم حتى انه يتفرج على اى برامج فى التليفزيون كانت بتتكلم على الموضوع ده ، يبقى يا عم يعقوب لو مش بتفهم فى السياسة يبقى مش تتكلم عليها و سيبها لناسها و خليك فى مبتصليش ليييييه <br />برضه قال انه كان واخد الموضوع كله كنوع من انواع الهزار و مريدينه قالوا نفس الكلام و انه لو احنا عارفين يعقوب كويس كنا فهمنا ده ، و انا هنا استغربت لكذا سبب منهم انه لو كان ده هزار يعقوب يبقى انا اقدر بضمير مطمئن اقول انه كان بيهزر فى كل برامجه لأنه بيتكلم بنفس الطريقة و انا مش بتبلى عليه و اليوتيوب موجود و تقدروا تشوفوا برامجه و تحكموا بنفسكوا منهم <br />كمان انى حتى لو افترضت انه فعلا كان بيهزر ، يبقى كان المفروض اى حد يقوله لو هو مش عارف انه مينفعش يهزر فى الموضوع ده ، لأن الهزل فى مواضع الجد مش من سيم العلماء ، ده بأفتراض انه من العلماء فعلا مش مجرد ظاهرة صوتية زى اغلب شيوخ الفضائيات اللى كانوا زمان شيوخ الرصيف و ربنا فتح عليهم و اصبحوا شيوخ الفضائيات <br />برضه قال فى تبريره لكلمة اللى مش عاجبه البلد يمشى و شوح بدراعه كله و هو ما شاء الله دراعه طويل انه مقصدش اللى اتفهم ... اصلا فى الفيديو نفسه بتاع غزوة الصناديق قال الناس اللى مش عجباهم البلد عندهم تأشيرات امريكا و كندا ، و انا هنا هكون اكثر شجاعة من يعقوب نفسه و اقول هو قصده على المسيحيين لأنه معروف ان المسيحيين هما اللى معدل الهجرة للبلدين دول تحديدا عالى عندهم ، بس هو الظاهر خائف من تهمة الطائفية او سابها لذكائنا <br />المهم فى التبرير جه و قال احنا عارفين ان البلد مش بتاعتنا ( قصده على السلفيين او على الشيوخ ، الله اعلم قصده بالظبط ) ، طيب بأفتراض انه فعلا يقصد الكلام ده ، انا لو مقتنع ان البلد دى مش بتاعتى مش هتعب نفسى فيها او عليها و حتى لو ذهبت الى حيث القت <br />و بعدين قال تعبير غاية فى التطرف و قال احنا طلاب آخرة ، و هنا فى اتهام صريح و ضمنى لكل الناس ما عدا عم يعقوب و الناس المقتنعة بيه انهم طلاب دنيا و اننا بنتقاتل على جيفة و هو مش عايز غير الجنة و سايبلنا الدنيا نشبع بيها <br />و بعدين قال ان الناس متربصة بيهم ( و هو هنا اكيد يقصد التيار السلفى كله ) ، و انا هنا استغربت من اللى قاله ، لأنى طبيعى لما انتقد شخص هنتقده على كلامه مش على نيته لأنه لا يعلم النوايا غير ربنا و انا مش شققت عن صدره و شفت جواه ايه و نيته ايه ، انا اكيد هتكلم على كلامه بنصه و حرفيته ، مش على قصده ايه من ورا الكلام ده <br />الغريب انه مش برر موضوع تكبيرة العيد اللى اداها و خلى الناس تؤديها معاه ، و برضه برغم كل اللى قاله فى شرح الفيديو بتاع الغزوة قال انه مش متراجع عنه ... يعنى بالبلدى ايوة انا كنت اقصد اللى انتوا فهمتوه و اخبطوا دماغكوا فى الحيطة <br />بعض الناس قالولى انهم استغربوا من محاولة يعقوب لتجميل و تخفيف وقع اللى قاله ، قلتلهم انى مكنتش مستغرب ، بالعكس كنت مستنى اشوف هيعمل ايه لما موجة النقد تيجى عليه ، لأنه ملوش غير طريق من اتنين ، يا يتراجع عن تصريحاته و يقول انه اتفهم غلط و ده اللى انا كنت متوقعه ، او يشهر سيف التحدى و يعتمد على تأثيره و على كتلة السلفيين فى الشارع و يقول اه انا كان قصدى كده <br />و الحق يقال ان عم يعقوب مش خيب املى و كسكس لورا ، و ده مش عيب فأن يكسكس فقد كسكس اخ له من قبل و انا هنا بتكلم على محمد حسان فى موضوع اباحة بيع الآثار و طمس معالمها ، يعنى ليهم سابقة و السكة بتاعت التبرير و التراجع و اتفهمنا غلط مش غريبة عليهم <br />اخيرا انا لازم اعترف انى ضد منهج تفكير الاخوان و ضد منهج تفكير السلفيين ، بس انا شفت شيخ اسمه اسامة القوصى على اون تى فى مع يسرى فودة و لقيته فى غالية الاعتدال و الله اعلم هو فعلا كده ولا ده نوع من انواع التقية او نوع من استعارة الافكار قدام الكاميرا ، و قلت طيب مهو فيه منهم ناس ممكن نلاقى معاهم نقط كتيرة مشتركة <br />و بعد الحلقة فوجئت ان السلفيين بيقولوا ان اسامة القوصى مش سلفى و انهم بيتبروا منه و انه لا يمثل الا نفسه .... يعنى يا ربى حتى الوحيد اللى يعجبنى يطلعوه من ملة السلفيين كلها <br />آخر حاجة احنا كلنا مستنين مرحلة المواجهة مع التيار السلفى اللى واضح انها بالمعدل ده مش هتيجى متأخرة و هتكون اقرب مما نتصور ..... سلام </strong>Chehttp://www.blogger.com/profile/08757708048111715204noreply@blogger.com2tag:blogger.com,1999:blog-8072730189719262546.post-83220582120664973362011-03-16T17:53:00.000-07:002011-03-17T06:14:46.300-07:00اه و لا<span style="font-size:130%;"><strong>مش هتكلم كتير على نص التعديلات الدستورية لأنه تقريبا احنا لينا اسبوع مش بنتكلم غير على التعديلات دى ، انا عايز اتكلم على شوية حاجات تانية النهاردة<br /><br />اول نقطة :الاستفتاء ده هيكون على التعديلات الدستورية لدستور 1971 .. صح كده .... اظن صح<br />معنى كده انك ضمنيا رايح تستفى على انك عايز دستور 1971 يفضل موجود و لو لفترة مؤقتة ولا لأ<br /><br />تانى نقطة : فيه ناس رايحة تقول اه لمجرد انها تستريح و خلاص و ده بيفكرنى بالمقولة الشهيرة اللى كانت موجودة ايام الثورة ما تخلصوا الثورة بأه عشان ورانا اشغال و متعطلين .... و كان الرد الاشهر على المقولة الجامدة دى هو اننا شفنا ثورات بتنجح و ثورات بتفشل بس مشفناش ثورات الناس عايزاها تخلص عشان وراها شغل الصبح و العيال عندهم مدرسة و مش بيروحوا النادى و مؤخرا على رأى الحاجة عفاف شعيب عشان محلات البيتزا قافلة و مش عارفة تجيب لبنت اختها بيتزا و فى نفس الوقت ( و شوف حكمة ربنا يا مؤمن ) الكبابجية قافلين و ابن اخوها اللى عنده سنتين بيقول ريشة ريشة عايز ياكل ريش<br />ناس تانية بتقول عشان الجيش يمشى ، مع انه لو بصينا لكلام اللواء مختار شاهين النهاردة فى المصرى اليوم قالك انه بعد الاستفتاء لو قلنا اه الانتخابات البرلمانية هتتم فى شهر سبتمبر ، و مجلس الشعب و مجلس الشورى فى اول اجتماع هينتخبوا اعضاء الهيئة التأسيسية اللى هتحط الدستور فى خلال 6 شهور ، و الاعضاء دول هياخدوا 6 شهور لغاية ما يحطوا الدستور ... يعنى بالبلدى الجيش قاعد معانا سنة كمان على الاقل بفرض ان رئيس الجمهورية تم انتخابه على طول ، لأنه اكيد الجيش مش هيسلم البلد لرئيس مجلس الشعب ، و لا لرئيس المحكمة الدستورية اللى موجود بالمناسبة من اول الثورة لغاية دلوقتى ، يعنى لو كان الجيش عايز يسلمه السلطة كان سلمهاله من بدرى<br />ناس تالتة عايزة تقول اه عشان الكلام الفاضى بتاع الفراغ الدستورى ، و الحجة دى بتفكرنى بنفس الحجة اللى اتقالت بالنص لما قالوا لو مبارك استقال هيحصل فراغ دستورى و اديه استقال و مفيش فراغ ولا اى حاجة و احنا ماشين 100 فل و 14 و بريفكس<br />بالمناسبة اللواء مختار شاهين قال انه فى حالة الموافقة او الرفض على الاستفتاء هيتم عمل اعلان دستورى مؤقت البلاد تمشى بيه ، الفرق الوحيد انه فى حالة الموافقة هتكون المواد المعدلة هى اساس الاعلان الدستورى<br /><br />تالت نقطة : الناس اللى بتقول اه 3 فئات فى المجتمع .... الحزب الوطنى ( و يحز فى نفسى انى بقول الحزب الوطنى مش بقول فلول ولا بقايا ) .. و الفئة التانية الاخوان .. و الفئة التالتة السلفيين و معاهم كمان حمدين صباحى ( اللى طلع بعد كده و قال انه بيقول لا و مش فاهم ايه سر ان عصام العريان و الاخوان بيسيحوا و يقولوا انه قال اه مع انه بيقول لا ) و هو الوحيد من المرشحين للرئاسة اللى موافق على التعديلات المشبوهة دى<br />باقى البلد بتقول لا ... يعنى كل القضاة ( بأستثناء القضاة اللى حطوا التعديلات ) .. كل مرشحين الرئاسة ( بأستثناء حمدين صباحى زى ما قلنا قبل كده اللى طلع بيقول لا ) .. كل الكتاب السياسين اللى بيعتد برأيهم ( بأستثناء فهمى هويدى ) .. و انا و كل صحابى .... و برضه فيه استثناء بس مش هقول مين :)<br /><br />رابع نقطة : الناس اللى هتقول اه عشان عجلة الانتاج تمشى .. انا هسأل سؤال واحد بس ، هو الموظف اللى رئيسه حرامى ، او رئيسه مش عاجبه و عامل اضراب ....... الموظف ده ايه علاقته بالدستور انه يكون فيه دستور ولا مفيش من اساسه<br />انا اللى اعرفه ان العجلة هتمشى لما كلنا نبدل عليها و يكون الجنزير مظبوط<br /><br />خامس نقطة : انت لو قلت اه ، عد معايا هتنزل كام مرة<br />مرة بتاعت الاستفتاء على التعديلات ، مجلس الشعب ، مجلس الشورى ، الاستفتاء على الدستور الجديد ، مجلس الشعب تانى ، مجلس الشورى تانى ( عشان الدستور القديم هيكون اتحل و جه دستور جديد و لازم الانتخابات التشريعية تتم على الدستور الجديد ) ، انتخابات الرئاسة<br />يعنى المفروض اننا فى خلال سنة و نص على الاكتر هننزل من بيوتنا 7 مرات<br />سؤال و عايز اجابة واقعية عليه ... كام واحد من ال 42 مليون اللى يحقلهم الانتخاب و التصويت هينزلوا السبع مرات دول<br /><br />انا كتبت خمس نقط بس عشان انا شايف ان دول اهم خمس نقط انما انا اقدر ازود عليهم 10 نقط كمان بس الخمس نقط دول كفاية عشان يهدموا حجج اللى هيقولوا اه فى استفتاء يوم السبت<br />انا عن نفسى هقول لا .... مش عايز كل الناس تقول لا .... بس عايز كل الناس تنزل و تقول رأيها سواء اه او لا ، و فى النهاية رأى الاغلبية هو اللى هيحكم و هيمشى و كلنا هنحترمه </strong></span><br /><span style="font-size:130%;"><strong>من الناس اللى قالوا لا عباس الضو ، و من الناس اللى قالوا اه نادية الجندى فى مهمة فى تل ابيب ... يا ترى هتمشوا ورا عباس الضو ولا ورا نادية الجندى<br />حاجة أخيرة و يا رب اكون غلطان فيها ، انا من دلوقتى عارف ان النتيجة النهائية هتكون اه بغض النظر عن نسبة اللى هيقولوا لا ....... سلام </strong></span><br /><span style="font-size:130%;"><strong>ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ<br />الجزء ده خاص بأتنين دايما بيشرفونى بمتابعتهم و ردودهم و هما تيرز و كارولين فاروق<br />انا مش عارف ايه ظروف الفيس و التويتر معاكوا ، بس اتمنى انكوا تكونوا من مستخدميهم لأن التواصل عليها اسرع و مستمر اكتر من البلوج و اتمنى الاضافة منكوا لو ده فى الامكان لمزيد من النقاشات معايا و مع غيرى<br /><br /><br /></strong></span><span style="font-size:130%;"><strong></strong></span><span style="font-size:130%;"><strong></strong></span>Chehttp://www.blogger.com/profile/08757708048111715204noreply@blogger.com3tag:blogger.com,1999:blog-8072730189719262546.post-50230559447142385622011-02-23T01:25:00.000-08:002011-02-23T01:26:39.594-08:00حملة التبييض 1 ... مبارك<span style="font-size:130%;"><strong>طول عمرى مؤمن بالحرية الشخصية و حق اى انسان انه يقول اللى هو عايزه ، و كنت بقول ان البلد دى عمرها ما هتتقدم مدام مش عارفين مجرد اننا نسمع بعض و مش شرط كلنا نتفق على حاجة واحدة بس نسمع بعض مش اكتر<br />بس لازم اعترف ان المبدأ ده اتهز عندى جدا و يكاد يكون انتهى فى فترة الثورة ، يعنى انا مسحت من عندى فوق التلاتين واحد عشان بيحبوا مبارك و بيجاهروا بكده و اعرف ناس كتير عملت كده و الموضوع تحول لحاجة تشبه فترة مكارثى فى الستينات فى امريكا<br />طبعا فيه ناس منهم قالت امال فين حرية الرأى اللى انت بتقول عليها و انت نفسك مش قادر تطبقها على نفسك و عند اول اختبار حقيقى بان انك دكتاتور حقيقى و متسلط و مش سامع غير صوت نفسك<br />الرد كان بسيط جدا ،كان صعب عليا نفسيا اتقبل الكلام ده و انا شفت بعينى ناس بتموت و ناس بتتضرب و ناس عربيات بتدوسها ، و كمان بعض الاراء ترقى لمرتبة الخيانة ، يعنى قبل حرب 73 كان ممكن اى حد فى مصر يقول انه بيحب اسرائيل ؟؟ الرد طبعا لا و كان هيتضرب بالنار علنى فى الشارع ... مش مهم انه بعد كده شفنا ناس كتير طبلت و قالت انها بتحبها و خدتهم بالاحضان<br />و بعض الاراء الاخرى ترقى لمرتبة الحمورية مع الاعتذار للحمير لأنهم اثبتوا انهم بيفهموا اكتر من الانسان و دى على فكرة مش اهانة للاشخاص على اد ما هى اهانة لطريقة التفكير اللى وصلتهم للرأى ده<br />و اتفضل شوية مش مسحتهم عشان ببساطة هما مش فاهمين او كانوا مش فاهمين و كان بيتعمل للشعب كله عملية غسيل مخ ممنهجة و شوية شوية ابتدوا يشوفوا الحقيقة<br /><br />طيب كل ده كان فى الماضى ، انا اللى يهمنى دلوقتى .... يعنى مثلا عملية غسيل المخ دى لسه موجودة و ان تغيرت بعض الوجوه القائمة عليها<br />عندك مثلا حملة تبييض ماء وجه مبارك ، و هنا انت هتسمع العجب العجاب<br /><br />الريس مكانش عارف اللى فى الشارع و كان العادلى بيخبى عليه ..... يا جماعة فيه وزارات اسمها الوزارات السيادية و دى اللى بيختارها الرئيس بنفسه و هى الداخلية و الخارجية و الدفاع و الاعلام<br />يعنى العادلى جه بناء على رغبة مبارك مش بناء على رغبة اى حد تانى ، و بعدين ده قعد وزير داخلية من 97 يعنى 14 سنة ، فى ال14 سنة دول مبارك مخدش باله خالص من اللى العادلى بيعمله<br />ده غير انه فيه جهاز تابع للريس مباشرة بيجيب معلومات و بيعرضها عليه ، ده غير تقارير المخابرات ، يعنى كل الناس عملت مؤامرة على مبارك عشان ميعرفش ، و بأفتراض كده يبقى هو برضه المسئول الاول لأنه هو اللى جاب الناس و خلاهم فى مواقعهم دى<br /><br />الريس طول عمره مع الناس و كانت الناس عايشة زى الفل و دلوقتى الناس مش لاقية شغل ...... انا والله من ساعة ما ابتديت افهم كده و يبقى ليا رأى و انا شايف الناس عايشه زى البغال اللى مربوطة فى الساقية و بتلف طول الشهر عشان فى آخره تاخد شوية فلوس تاكل و تأكل عيالها و تربيهم و كان الله بالسر عليم<br />انا كتبت قبل كده انه فى مصر بس مش مهم دخلك كام ، لأنه مهما كان دخلك مش هتعرف تحوش منه جنيه و كله هيتصرف ، و الناس تقولك مهو ده المطلوب " لقمة العيش " ... يا سادة انا المكان الوحيد اللى اعرفه مش مطلوب فيه غير لقمة العيش هى الزريبة اللى بربى فيها المواشى بتاعتى<br />و بعدين ناس ايه اللى مش لاقية شغل دلوقتى ؟؟ يعنى هو قبل كده كان الشغل مقطع بعضه ، ده المشروع الوحيد المضمون نجاحه فى البلد هو انك تفتح قهوة او كوفى شوب لأن الناس اللى مش بتشتغل اكتر من فلوس مبارك اللى فى البنوك اللى بنسمع عنها<br /><br />الريس مخلناش ندخل فى حرب و كنا عايشين فى امان و مكانش فيه بلطجية فى الشوارع زى دلوقتى ..... بالنسبة لموضوع الحرب الخارجية فده عشان مفيش سبب يخلينا نحارب مش جدعنة منه مثلا ، مع العلم ان اسرائيل كتير كانت بتموت عساكر لينا على الحدود و كنا بنسكت او يا دوب الخارجية بتحتج و شكرا على كده و هنا بدل ما يقولك كرامة يقولك حكمة ... بالنسبة للامان و البلطجية اللى موجودين دلوقتى فى الشوارع ، هو مين اصلا نزلهم الشارع و مش هتكلم على الداخلية دلوقتى لأنهم موضوع كبير<br /><br />الريس عمل كتير للبلد ..... طيب نعد سوا انجازاته .. المترو ، البنية التحتية اللى هى الصرف و الكهربا و المية و الغاز ( و دى على فكرة مش فى كل المحافظات و لا حتى فى كل الاماكن فى محافظة القاهرة بأعتبارها العاصمة ) ، الطرق و الكبارى و اخيرا مشروع القراءة للجميع بتاع ماما سوزان<br />اول حاجة هو عملهم من فلوسنا من الضرايب اللى بتتاخد منى و منك و من كل واحد فى البلد ، ده غير فلوس المعونات الاجنبية ، يعنى مش عملهم من التركة اللى ورثها عن ابوه مثلا ولا من مرتبه و لا من مكافأة نهاية الخدمة بعد ما طلع على رتبة قائد الضربة الجوية<br />تانى حاجة : ده واحد قعد 30 سنة ، يعنى عايزينه يقعد 30 سنة و ميعملش حاجة ، ده القذافى ابن المجنونة اللى بيضرب ليبيا و الشعب الليبى بالدبابات و الطيارات عمل اكتر من كده<br /><br />قصاد كده انا هسأل نفس السؤال من الناحية التانية ، مبارك عمل ايه<br />الفساد الاقتصادى: و اظن مع كمية البلاغات ، و الناس اللى مقبوض عليها ، و الناس المتحفظ على فلوسها و ممنوعة من السفر ، و الناس اللى هربت و مش هترجع تانى خلاص ، و مساحات الاراضى اللى بنسمع عنها ( زى 100 الف فدان و الفدان على فكرة للى ميعرفش 175 متر ، و معرفش مين واخد 50 مليون متر فى معرفش فين ) ، و كمية المليارات اللى بنقرا مستندات عنها اظن ده يوضح حجم الفساد و ان كان ما خفى اعظم<br />تفتكروا كل ده حصل من غير ما مبارك يعرف ، لو كان ميعرفش تبقى مصيبة و يبقى مينفعش يمسك البلد و لازم يتحاكم لمسئوليته التضامنية ، و لو كان يعرف تبقى المصيبة اكبر و يبقى حرامى و لازم يتحاكم عشان هو حرامى زيهم ، و فى الاغلب هو حرامى و ربنا يسهل و يخلينى اعيش و اشوف اليوم اللى هيتحاكم فيه<br />الفساد السياسى فى البلد لدرجة انه كل الناس كانت عارفة ان جمال اللى هيمسك و كانت الناس بتحضر لرد فعلها لما جمال يرشح نفسه ، و محدش يقولى مبارك مكانش موافق و ان سوزان هى اللى كانت عايزة كده او ان جمال كان بيعمل كده من ورا ضهر ابوه ، لأنى هرد نفس الرد ... اللى ميعرفش يحكم بيته يبقى مينفعش يحكم البلد كلها ...... الفساد انك تبقى عارف ان مرشح الوطنى هو اللى هيكسب من قبل ما الانتخابات تتعمل .... الفساد انك تبقى عارف ان اى قانون جاى من ناحية مبارك اللى هو الدولة و الدولة اللى هى مبارك تبقى عارف ان مجلس الشعب هيقره و يوافق عليه من قبل ما فتحى موافقة يقول الموافق يرفع ايده<br />الفساد الاجتماعى و على كل المستويات ..... يعنى البلد كانت متقسمة ناس فوق و ناس تحت و ناس تحت التحت ، و اهم حاجة ان كل الطبقات بتكره بعضها و حتى افراد الطبقة الواحدة بيكرهوا بعض و محدش يقولى انه ده عشان احنا شعب وحش ، يعنى هو فجأه الشعب ده بأه وحش و فجأه برضه الناس اللى فى ميدان التحرير بأو حلوين و البلد كلها فيها روح جديدة دلوقتى حتى لو قلنا انها فوران مشاعر ... شوية عقلانية فى الكلام يا ناس<br /><br />الريس ده ابونا و كبيرنا و احترام الرموز و قائد الحرب ..... اول حاجة انا ابويا مات و يوم ما اختار حد يبقى ابويا ده لو اخترت يعنى يبقى هختار راجل محترم<br />كبيرنا دى مش بتبقى بالكلام بتبقى بالفعل ، و الا على كده هقول على القذافى انه اب و كبير و بيربى عياله اللى غلطوا<br />و احترام الرموز دى اجدع حاجة اتقالت .... يا جدعان ده الرسل و الانبياء بيتشتموا ، ده ربنا اللى هو ربنا فيه ناس بتشتمه استغفر الله العظيم ، يبقى هتيجى تقولى رموز<br />و بعدين عمل ايه عشان يبقى رمز و يتعملوا مظاهرات تأييد فى ميدان مصطفى محمود اللى انا بقترح يتغير اسمه لميدان حبايب مبارك<br />و بعدين الناس اللى بتتكلم على انه بطل فى الحرب ، هو يعنى كان حارب لوحده ولا خلاص كل اللى حاربوا فى اكتوبر جت فرة زى بتاعت الكتاكيت و موتتهم كلهم و مفضلش غيره عشان كل شوية نقول بطل الحرب بطل الحرب<br /><br />انا ممكن اتكلم على مبارك اكتر من كده بكتير و لسه مع الوقت هيبان حاجات اكتر من اللى احنا عارفينها دلوقتى ، بس مش وقته<br />المرة الجاية هتكلم على الداخلية ...... آخر حاجة عايز اقولها هى مبروك علينا مصر و طز فى اللى مش عاجبه<br /></strong></span>Chehttp://www.blogger.com/profile/08757708048111715204noreply@blogger.com3tag:blogger.com,1999:blog-8072730189719262546.post-46095114766146579682011-02-05T16:06:00.000-08:002011-02-05T16:07:08.501-08:00مش هتكلم<span style="font-weight: bold;font-size:130%;" >مش هتكلم عن اللى حصل من يوم 25 يناير لغايه النهاردة و لسه هيحصل لأنه لسه مش خلص و الوقت هيجى و كل واحد هيتكلم و هيقول و هيكتب اللى شافه<br />مش هتكلم عن الناس اللى فضلت قاعدة فى بيوتها و قالوا احنا معاكوا اول يومين و بعد كده قعدوا يشتموا فينا و يقولولنا هتخربوا البلد<br />مش هتكلم على الناس اللى بتقول نعم لمبارك ، ولا هتكلم عن اللى بيقولوا احنا مش مع مبارك بس عايزينه يكمل ولايته ( زى ما هو قال فى خطابه ) و احنا معاكوا<br />مش هتكلم على الناس اللى كل يوم بحال ، امبارح مع الشباب ، النهاردة مع النظام ، و بكرة مع اللى هيكسب<br />مش هتكلم عن البنت اللى كلمتنى و قالتلى احنا بنكرهكوا و انتوا وقفتوا حال البلد ، و قالتلى ان اللى ضربوكوا فى ميدان التحرير كانوا مش بلطجية و حتى لو كانوا بلطجية احنا شمتانين فيكوا ، و بعد كده قالت اكتر كلمة وجعتنى لما قالت حسبى الله و نعم الوكيل فيكوا<br />مش هتكلم على الناس اللى بتقول احنا كل اللى عايزينه الاستقرار يرجع تانى و نرجع شغلنا و نرجع نعيش حياتنا فى امان زى ما كنا عايشين فى امان<br />مش هتكلم على صاحبى محمد اسامه اللى اعتقل فى ميدان التحرير يوم 25 و خرج بعدها بيومين و هو بيقول انه عيط لما سمع الناس اللى هو اتحبس عشانها بتشتمه<br />مش هتكلم على كل مواد الدستور اللى كل الناس فى مصر فجأة اصبحوا خبراء دستوريين و بيتكلموا عليه زى ما يكونوا قبل يوم 25 كانوا عارفين انه كان فيه حاجه فى مصر اصلا اسمها دستور<br />مش هتكلم على انك لما بتنزل تمشى فى مظاهرة حتى لو تحت بيتكو يبقى فيه احتمال انك هتموت و مش هترجع بيتكو<br />مش هتكلم على ان المصريين لأول مرة هما الفعل مش رد الفعل ، و كل التنازلات اللى مبارك بيقدمها بتدل على كده<br />مش هتكلم على اننا لأول مرة بنقول اللى احنا عايزينه و مش خايفين من اللى هيحصل ، سواء حد قبض علينا او حتى موتنا<br />مش هتكلم على الفيديو بتاع "الراجل " و حطوا الف خط تحت كلمة راجل اللى وقف يوم الاربع قدام المدرعة اللى كانت بترش ميه على الناس ، و على انى لما شفت الفيديو ده عيطت و افتكرت الفيديو المشهور بتاع الراجل اللى كل العالم سماه " المتظاهر المجهول " اللى وقف قدام صف دبابات فى الصين<br />مش هتكلم اننا من يوم 25 يناير مفيش حاجه اسمها مسلم و مسيحى ، فيه مصرى و بس<br />مش هتكلم على المسيحين اللى بيحوطوا المسلمين و هما بيصلوا و المسلمين اللى بكرة هيحوطوا المسيحين و هما بيصلوا فى قداس الاحد فى ميدان التحرير<br />مش هتكلم على ان اللى حصل من يوم 25 يناير خلانى عرفت ناس كتير على حقيقتها ، و خلانى اعرف انى لو مت بكرة فيه رجالة هتجيبلى حقى زى على سبيل المثال لا الحصر زيكا و عادل و محمد اسامه و جمال و مصطفى و ياسمين و ناس تانيه كتير و محدش يزعل لو مش افتكرت اسمه<br />مش هتكلم على الناس الاغبيا اللى مشيلين الليلة للشباب اللى فى التحرير<br />مش هتكلم على واحدة من اهلى قالت انها نفسها يبقى معاها رشاش و تنزل تموت كل اللى فى التحرير عشان البلد تستريح منهم و ترجع تانى مصر اللى تعرفها<br />مش هتكلم على الناس اللى قالت الشباب اللى فى وسط البلد بياكلوا كنتاكى و بياخدوا خمسين جنيه فى اليوم و كانوا بياخدوا اجندات لغايه ما الاجندات خلصت<br />مش هتكلم على ميدان التحرير اللى فيه دلوقتى امريكان و يهود و اخوان و حماس و عملا و جواسيس ، فيه كل الناس بس مفيهوش مصريين<br />مش هتكلم على اللى فاكريين الشباب المصرى بجد اللى فى ميدان التحرير موافق او ممكن يوافق على ان حد غيره هو اللى يحددله هو عايز ايه ، سواء كان الحد ده امريكان او دول اتحاد اوروبى او حتى العفريت الازرق نفسه<br />مش هتكلم على التليفزيون المصرى العظيم اللى النهاردة رئيسه اسامه الشيخ طلع مستقيل منه من يوم الخميس و نائب قناة النيل استقالت و مذيعين استقالوا عشان مش عايزين يكدبوا<br />مش هتكلم على المفتى ولا شيخ الازهر ولا البابا شنودة اللى قالوا سواء تصريحا او تلميحا انهم مع مبارك و انهم عايزين الشباب دول يرجعوا بيوتهم<br />مش هتكلم على كل الناس اللى حاولت تسرق اللى الشباب عمله و تنسبه ليهم و الشباب دول نفسهم اللى قالوا الناس دى مش بتمثلنا<br />مش هتكلم لا على الخيل ولا الجمال ولا عربيات الاسعاف ولا عربيات الامن المركزى ولا المدرعات اللى داست على الناس و مشيوا فوقهم<br />مش هتكلم على خراطيم المية اللى اترشت على الناس اللى كانت بتصلى ، يمكن عشان حسوا انهم مش متوضيين فحبوا يخلوهم بيصلوا على وضوء<br />مش هتكلم على الناس اللى بتاخد الكلام كوبى و باست و تحطه من غير ما تفهمه ولا تحاول تتأكد انه صح ولا غلط<br />مش هتكلم على الناس اللى بتتكلم على ميدان التحرير و الناس اللى فيه من غير ما ينزلوا زى ما يكون ميدان التحرير ده محتاج تأشيرة عشان يدخلوه<br />انا بس هتكلم على حاجتين اتنين<br />الحاجة الاولانية انه بعد ما اللى بيحصل ده نتيجته تبان سواء الثورة دى نجحت او فشلت يفضلوا على مواقفهم مش يغيروها<br />يعنى اللى قال انه ضدها يفضل ضدها على طول ، و اللى قال انه معاها يفضل معاها على طول<br />و الحاجة التانية ان الناس اللى بتدعى على الشباب اللى فى ميدان التحرير يدعولهم ان ربنا يثبتهم لو كانوا صح ، او يهديهم للصح لو كانوا غلط<br />يا ريت ندعى للى ماتوا ، مش هقول نقرا الفاتحة او نصلى عليهم فى قداس عشان زى ما قلت كلنا دلوقتى مصريين مش مسلمين و مسيحين<br />آخر حاجة قبل ما امشى هقول حاجة واحدة بس<br />اللهم ارنا الحق حقا و ارزقنا اتباعه ، و ارنا الباطل باطل و ارزقنا اجتنابه<br /></span>Chehttp://www.blogger.com/profile/08757708048111715204noreply@blogger.com5tag:blogger.com,1999:blog-8072730189719262546.post-2365827025561261632011-01-03T03:54:00.000-08:002011-01-03T03:55:22.852-08:00راس السنة الحزين<strong><span style="font-size:130%;">الصبح انجى كاتبه على الفيس ازاى هتعيد على عادل بعد الانفجارات اللى حصلت فى ليلة راس السنة<br />العصر امى بتسألنى ازاى هتعيد على دكتورة سامية بعد الانفجارات اللى حصلت فى ليلة راس السنة<br />بليل نادر بيقولى هو احنا هنتصل ازاى نعيد على امير بعد الانفجارات اللى حصلت فى ليلة راس السنة<br />اتسألت نفس السؤال من 3 اشخاص ملهمش علاقة ببعض و فى كل مرة مش بعرف الاقى الاجابة ... يعنى انا لغايه دلوقتى مقلتش لعادل كل سنة و انت طيب و مظنش انى هقولهاله خالص ، السنة باينة من اولها اهو<br />و لما نادر سألنى قلتله انى اتصلت بأمير يوم الاربع و سلمت عليه ، و غالبا برضه مش هقوله كل سنة و انت طيب لنفس السبب المذكور اعلاه<br /><br />ركبت مع سواق تاكسى و سألنى على رأيى فى اللى حصل ، و قلتله ان اللى حصل ده غباء و ملوش اى مبرر و اللى عمل كده المفروض يتحاكم ادام محكمة عسكرية و ياخد حكم بالاعدام و يتم اعدامه بأن كل واحد يتف عليه لغايه ما نموته<br />سواق التاكسى قالى انه مسيحى ، و قالى ان اللى حصل السنة دى حصل السنة اللى فاتت ، و قالى هو اتكتب علينا اننا منفرحش ( قصده كمسيحين ) .... و قالى حاجة غريبة جدا و انا بعترف انى مش عندى فكرة كفاية عن الموضوع ، ان العيال اللى اتمسكوا فى حادثة نجع حمادى لغاية دلوقتى لسه مش اتحكم عليهم بحاجة<br />آخر حاجة قالهالى قبل ما انزل و المرارة بتنقط من صوته ان المسيحين حاسين ان البلد و الحكومه و الامن ضدهم ..... قلتله ضدنا كلنا يا ابن عمى مش ضدكم انتوا بس ( كنت زعلان من نفسى أوى عشان انا عمرى ما قسمت البلد لأحنا و هما ) و نزلت من التاكسى<br /><br />طول عمرى بتكلم على الازدواجية الموجودة عندنا ، يمكن عشان كده مش استغربت لما لقيت شخص كان قالى على المسيحين كفار و بعد الانفجارات لقيته بيتعاطف معاهم ... هو انا ممكن اتعاطف مع واحد كافر ؟؟؟؟؟<br /><br />طول عمرى بحب اسكندرية اكتر من اى حتة فى مصر ، بس مش عارف لما انزلها المرة الجاية هتبقى هى هى نفس الاسكندرية اللى انا عارفها ولا هلاقيها اتغيرت<br /><br />انا كل مرة آخر حاجة بكتبها بتكون كلمة سلام ، انما انا حاسس انها المرة دى مش هيكون ليها محل من الاعراب ، عشان كده البوست خلص لغاية هنا </span></strong>Chehttp://www.blogger.com/profile/08757708048111715204noreply@blogger.com7tag:blogger.com,1999:blog-8072730189719262546.post-28852435417268666702010-12-27T23:51:00.000-08:002010-12-27T23:55:02.984-08:00تدوينة عن غزة<strong><span style="font-size:130%;">جاتلى دعوة من رحاب انى اشترك ببوست على المدونة عن الحرب على غزه و اللى كانت امبارح الذكرى السنوية بتاعتها<br />اصلا تاريخ فلسطين كله عبارة عن مجموعة كبيرة من الذكريات السنوية ، و المجموعه متنوعة ... منها ذكرى بسبب قصف او بسبب عمليات عسكرية ، او بسبب اى حاجه تانية<br />انا عندى يقين ان الفلسطينيين يتحملوا جزء كبير من اللى بيحصلهم دلوقتى من اسرائيل بسبب اجدادهم اللى باعوا اراضيهم للوكالة اليهودية ، على فكرة خمس المساحة اللى اسرائيل بتحتلها دلوقتى متباعة بورق و عقود رسمية<br />طبعا ممكن حد يقولى ان الفلسطينيين الموجودين دلوقتى ملهمش دعوه باللى اجدداهم عملوه من زمان و ده فى رأيى كلام خايب ، لأنه فى كل الاعراف الفرع بيتحمل نتيجة ما اقترفه الاصل و ده اثباته سهل بالنسبه للنقطة دى تحديدا ..... يعنى انا لو ابويا قبل ما يموت باع العربية بتاعته ، ينفع انا اجى بعد ما هو يموت و اروح للراجل اللى اشتراها و اقوله العربية دى بتاعتى و مليش دعوه باللى ابويا عمله ... لو انا قلت كده هبقى عبيط و الناس هتضحك عليا<br />من جوايا مش لاقى ذرة تعاطف مع الفلسطينيين ، و ارجوكوا محدش يقولى العروبة و القومية و الكلام ده ، لأن الكلام ده مات و اندفن و الدود اكله خلاص<br />يعنى اول الاسبوع قريت ان حماس خلاص انهت المصالحة اللى كانت عملاها مع فتح و انه كده فى الغالب هيرجعوا يضربوا فى بعض تانى بدل ما اسرائيل هى اللى تضربهم هما الاتنين ، و اول امبارح سمعت فى الراديو واحد بيقول انهم بيقعدوا مع حماس عشان يرجعوا المصالحة تانى و ان حماس بتتهرب من تحديد جدول زمنى للمصالحه دى ، و انهم فى فتح عارفين ان ده بيحصل تغطية على موقف الزهار و تصريحاته اللى قال فيها ان حماس ملتزمه بالهدنة مع اسرائيل داخل حدود غزة اللى هى بتحكمها ، طبعا قال كده عشان غزة مش تتضرب تانى و انا اقطع دراعى ان اسرائيل هتضربها تانى حتى لو حماس طلعت و غنت انا بحب اسرائيل<br />طيب بعد الكلام اللى انا سمعته ده ، ازاى انا اقدر اقول انى متعاطف مع فلسطين ، اذا كانوا اهلها نفسها مش متعاطفين معاها و بيتخانقوا ما بينهم و ما بين بعض ...... طبعا ممكن حد يقولى ان فلسطين مش حماس و فتح بس ، و ده برضه كلام خايب ، فلسطين عباره عن حته ارض عليها شويه ناس ، الناس دى جزء منهم حماس و جزء فتح و اجزاء تانيه عباره عن اجنحه اخرى و جماعات اخرى ، و كل جناح من دول مش بيدور على مصلحة فلسطين ، انما بيدور على مصلحته من خلال تبنيه لمصلحة فلسطين<br />و بعدين ما الفلسطينيين اللى فى الخارج مالين الدنيا و ربنا موسعها عليهم ، ليه بيكتفوا بالبكا و الندب على فلسطين و محدش فيهم عمل حاجة ، و محدش يقولى اننا مش فاتحين المعبر عشان يدخلوا ، لأن فلسطين دى مش شقه و بابها الوحيد عندنا ، يعنى لو عايزين يدخلوها عندهم الاردن و لبنان و سوريا ، و التلات دول ليهم حدود مشتركه مع فلسطين و ممكن يدخلوا منها ، طبعا حد تانى هيقولى انهم كده فيه احتمال انهم يتمسكوا ، طيب و ايه يعنى ، هو الوطن ده مش حاجة غالية و تستاهل الواحد يضحى بحياته عشانها ، ولا هو بيضحوا بالكلام و بس انما ساعة الفعل تلاقى فسسسسسسسسس<br />طبعا فى خلال الازمات المتكررة على غزة تلاقى الدعوة للتبرع و حسابات بتتفتح فى البنوك و اماكن للتبرعات العينية ..... ده طبعا تصرف محمود و جميل ، بس انا عمرى ما هتبرع لغزة ، انا اولى انى اتبرع لولاد بلدى اللى عايشين فى ظروف انيل من غزة ، يعنى هنا برضه عندنا ناس مش لاقيه تاكل ولا تشرب ولا تسكن ولا تتعالج ولا تشتغل ، يبقى فرقهم ايه عن اللى فى غزة ، ولا حاجة ..... يبقى الجار اولى بالشفعة ، و دول مش جيرانى انما دول اهل بلدى و اكيد اقرب ليا من غزة<br />طبعا انا عارف ان البوست فى اغلبه صادم ، بس انا مش هزوق الكلام ولا هقول كلام انا مش عايز اقوله عشان خاطر غزة<br />و فى الاخر بقولها .... غزة ... انا مش متعاطف معاكى ..... سلام </span></strong>Chehttp://www.blogger.com/profile/08757708048111715204noreply@blogger.com14tag:blogger.com,1999:blog-8072730189719262546.post-3245985612127238642010-12-06T03:23:00.001-08:002010-12-06T03:23:46.647-08:00مش هطبل يا شحاته<span style="font-size:130%;"><strong>أيام ماتش مصر و النيجر فى التصفيات بتاعت افريقيا نزلت الملعب قبل الفرقتين معزة مع واحد من السحرة بتوع افريقيا ..... المهم ساعتها المعزة كانت مثار تعليقات كتيرة و تريقة على المنتخب و حسن شحاته عشان " النياجرة " على رأى المعلق اللى كان على قناة النيل غلبونا و كان شكلنا وحش أوى<br />ساعتها كل واحد ربنا فتح عليه قعد يتريق على حسن شحاته ، و فى الآخر حسن شحاته طلع قال المدربين اللى فرقهم " بتترقع " بالتلاتة و الاربعة يتشطروا على الفرق اللى " بترقعهم " و بعدين يجوا يتكلموا عليه ، و وافقه على كلامه المطبلاتى الكبير مدحت شلبوكة<br />بعدها بكام يوم طلع فاروق جعفر ( لأنه كان المدرب اللى فرقته " بتترقع " تلاتة و اربعة ) فى جرنان من الجرايد اللى محدش بيقراها و قال مش " هطبل يا شحاته " لأنه شاف كل اللى موافق على اللى شحاته عمله فى الماتش ده يبقى بيطبل<br /><br />فى بلدنا عايز الناس تمشى وراك و عايز دايما تبقى صح و راجل برفكت و كوركت دايما قول رأيك او الحاجة اللى انت عايزها و بعدها على طول قول قال الله و قال الرسول ، هتلاقى الناس مشيت وراك و شالوك على راسهم من فوق و احتمال يجى حد فيهم يشيل الجزمة بتاعتك و يلبسهالك زى ما الراجل اللى عمل كده فى الصورة اللى اتشهرت جدا بتاعت احمد عز<br /><br />فى بلدنا كل واحد طول دقنه و خفف شنبه و لبس جلابية بيضا ( مع استثناء خالد الجندى لأنه بيلبس على طول بدل ، ماعدا ايام المناسبات بيلبس الجلابية البيضا ) بأه عمنا الداعية و مولانا و شيخنا و سيدنا ، و اثبتوا كده صحة بيت الشعر المشهور اللى قاله المتنبى من يجى الف سنة كده – اغاية الدين ان تحفوا شواربكم .... يا امة ضحكت من جهلها الأمم - مع ان المتنبى مكانش على ايامه ناس مستشيخة كتير زى ايامنا اللى زى الفل دى<br /><br />فى بلدنا لما تقول رأيك و رأيك ده ميعجبش الناس ، تلاقى ناس داخلة تهاجمك من غير اى تفكير و بدون اى معرفة للموضوع و بدون ما يفهموا انت قلت ايه و قلته ليه ، حتى لو رأيك اللى انت كتبته ده كان مجرد جمله فى فيلم او مقطع من كتاب عجبك و قلت تكتبها<br /><br />فى بلدنا مفيش احترام لرأى الآخر ، لأنه اصلا مفيش آخر .... فيه انا و انا ثم انا<br />و حتى فى النقاشات المحترمة بتفضل محترمة الى حين و بعد كده الاحترام بيضيع و بينقلب الموضوع الى قلة ادب صرف ..... انا هقول على حاجة و هى مش سر على فكرة ، الوحيد اللى اتناقشت معاه على الفيس بأحترام لغاية الاخر كان صديقى زيزو ، مع اننا فى اخر النقاش فضلنا برضه مختلفين زى ما احنا ، بس فضل اختلافنا ده بأحترام<br />طبعا الاحترام مش بس بيكون بقلة الادب ، ساعات كتير بيكون انك تكون بتتكلم بحجة و دليل و برهان و اللى قدامك فى نص الحوار ياخد بعضه و يمشى و مش يرد لما يلاقى نفسه اتزنق ، او يتكلم فى اى حاجه تانيه غير اللى انت بتكلمه فيها ..... و دول قابلت منهم ناس كتير الحمدلله ، بس بطلت اتضايق منهم ، يعنى حال البلد كلها كده ، يبقى هزعل منهم هما و مش هزعل من باقى البلد<br /><br />فى بلدنا لسه بنقول مسلم و مسيحى و كل معسكر عامل سياج حوالين نفسه و مقفل على الناس اللى معاه و معتبر المعسكر التانى كفرة ، و الافراد اللى بيخرجوا من المعسكر بتاعهم و بيحاولوا يقابلوا الناس اللى فى المعسكر التانى فى نقطة وسط ملهاش دعوة بأى حسابات متعلقة بالديانة او الهوية بيتقال عليهم خارجين عن الجماعة و فى بعض الاوقات بيتكفروا علنى و ممكن لو رجعنا ورا شوية فى الزمن يستباح دمهم و مش بيبقوا مقبولين من كلا المعسكرين<br /><br />فى بلدنا تكون بتفكر فى حاجة و تقول عكسها عشان تقاليد المجتمع و عاداته ، عشان لو قلت اللى بتفكر فيه ده بيبقى عيب و غلط و حرام ، و بيتم تهديدك بآية ( و ما يلفظ من قول الا لديه رقيب عتيد ) ... و معرفش فى الديانة المسيحية ايه المقابل للآية دى بس ممكن عادل يبقى يقولى<br /><br />فى بلدنا الغلط مش انك تعمل الغلط ..... الغلط ان تتمسك و انت بتعمل الغلط<br />انما لو عملته من غير ما حد يعرف ، او حتى الناس عرفت بس مش عرفت تثبت ده او تمسكك و انت بتعمله يبقى انت كده صاغ سليم و صح و ممكن يجيبوا السجادة و يصلوا وراك<br /><br />فى بلدنا بنعمل تماثيل للناس جوا نفوسنا و بنحول التماثيل دى لأصنام و نعبدها و مش بنقبل اى كلام عليها بيخالف الصورة اللى احنا راسمينها و ناحتينها للناس دى ..... و الناس اللى بنعملها التماثيل دى بتختلف و بتتباين .... يعنى ممكن التمثال يكون لمحمد حسان او يكون لآمال ماهر على حد السواء<br />بس لازم اقول ان التماثيل على اد ما بتتشابه بس رد فعل اللى عامل التمثال لما تيجى تتكلم على الصنم بتاعه بيختلف ، يعنى ممكن تتكلم مع واحد على الصنم بتاعه يشتمك ، و ممكن تتكلم معاه و تلاقيه بيقولك انا مش هرد عليك عشان انت اللى فى دماغك هيفضل فى دماغك و مش هيتغير و انا مش عايز اتخانق معاك ، و ممكن ياخد الموضوع بهزار و مش يقفش عليك و يعديها<br /><br />فى بلدنا كل واحد عايزك تقول ورا رأيه آمين و مش تقول اى حاجة تانية و تتطبل لرأيه<br /><br />و لكل الناس دى بقول جمله واحدة بس " مش هطبل يا شحاته " ..... سلام </strong></span>Chehttp://www.blogger.com/profile/08757708048111715204noreply@blogger.com8tag:blogger.com,1999:blog-8072730189719262546.post-27917876829011247232010-11-07T05:19:00.001-08:002010-11-07T05:26:42.124-08:00شوية كلام<strong><span style="font-size:130%;">لأول مرة من اكتر من شهرين امارس فعل الكتابة<br />حاسس ان صوابعى تقيلة على الكيبورد مع انى يوميا بكتب عليه سواء عربى او انجليزى ... بس من الواضح ان الكتابة للكتابة غير الكتابة للشات لما تكون بتتكلم مع الناس لو انت حالتك النفسية تسمح ، او انك تكون بترد على اللى بيقولوه لو حالتك النفسية ماتسمحش<br />مش عارف اتكلم على ايه لأنه حصلت حاجات كتيرة فى الشهرين او التلات شهور دول .... يعنى اتكلم مثلا على فكرة ان الناس فى مصر اغلبها بأه مهووس بفكرة الدين ، و اسهل طريقة انك تتهاجم بيها لما تتكلم على اى حاجه فى الدين و اننا وصلنا فعليا لتطبيق مقولة ماركس المشهورة الدين افيون الشعوب<br />يعنى افتكر ان عادل لما حط لينك لواحدة عاملة نفسها شيخة و قالت انه حرام نقعد على الكراسى ( ايوة والله ده نص الفتوى بتاعتها ، ان الكراسى كانت موجودة على ايام الرسول و ماكنش بيقعد عليها عشان حرام ) أتهاجم لدرجه ان واحد دخل جابله لينكات لحاجه فى الكنيسة انا مش فاكرها عشان انا مهتمتش ادوس على اللينك لأن اللى عمل كده اخد الموضوع على محمل صراع اديان مش على ان عادل كان بيعرض فتوى قراها لا اكتر ولا اقل .... انما ازاى عادل مسيحى يعمل كده فى فتوى بتاعت مسلمين يبقى الرد اننا نجيب حاجات للكنيسة بتاعته و محدش احسن من حد ، مع ان عادل قال انه فى الكنيسة حاجات هو بيرفضها شخصيا ، و فى الآخر عادل شال اللينك بكل التعليقات اللى عليها عشان وجع الدماغ<br />ولا انا لما اتكلمت على واحد عامل شيخ قالك انه حلال نبيع الآثار ، بس لو مجسمة او على هيئة تماثيل يبقى لازم نطمسها ( و هنا ارجو من كل واحد يفتح القاموس بتاع ثانوى اللى هو مختار الصحاح تقريبا و يطلع معنى الطمس ) .... و لما اللى عامل شيخ ده اتهاجم و ناس رفعت عليه قضايا عشان لو حد عمل بالفتوى بتاعته بكرة هتلاقى تلاقى فواعلية بيهدوا فى ابو الهول ، راح مكسكس ( الكلمة دى مش كلمه قبيحة ، دى معناها جاب ورا بس بلغه السواقين ) و قال انا مقلتش ..... مع انه لما اتكلم كان بيتكلم على الهوا و فيه تسجيلات مش بيتكلم فى طرقه بيتهم عشان يقول انا مقولتش .. يعنى ببساطه الراجل ده مستحمر كل الناس اللى اتفرجت عليه ، و واحد ربنا فتح عليه و قالى تأدب فى مخاطبة العلماء يا جاهل مع انه الله اعلم مين فينا الجاهل ، انا ولا هو ولا الشيخ بتاعه<br />ولا على رحاب لما حطت فيديو لواحدة عندها على الاقل 50 سنه و اكتر بتقول ان عباد الشمس كافر و ملعون و بيعبد الشمس مش بيعبد ربنا و بتطالبنا اننا نعدم عباد الشمس تقريبا ... و واحد دخل علق عندها و قال اننا المفروض كمثقفين ندفن راسنا فى الطين و ثقافتنا ملهاش لازمه عشان الست دى ذنبها فى رقبتنا و فى الآخر راح مسح تعليقاته لما اتكلمنا معاه بالمنطق ، بس واضح انه عنده لا منطق فى الدين<br /><br />اتكلم على التعب اللى انا حسيت بيه لدرجة انى رحت عملت تحاليل شاملة و طلعت كلها زى الزفت الحمدلله ... دهون عالية ، انزيمات كبد عالية ، وظائف كلى مش متظبطة ، تحاليل دم مش منطقية ... الحاجه الوحيدة اللى طلعت مظبوطة هى تحاليل البول<br />اتكلم على انه بسبب التحاليل انا ممنوع من اكل اللحمة و الفراخ و الفول و المشروم و البيبسى و الشاى و القهوة و الشيكولاتة و اى حاجه مقلية ولا اى اكل من الشارع لمده شهر على الاقل و بعد كده نبقى نشوف ، و انه ليا 3 بيضات بس فى الاسبوع و يكونوا مسلوقين ، و مليش غير انى اكل سمك فى الشهر ده و انى زهقت من السمك بكل انواعه عشان انا مش باكل غير تونه و طواجن سمك و سمك فى الفرن و بكرة هاكل سمك مشوى و حاسس انه هيطلعى خياشيم من كتر ما اكلت سمك ... بس الحق يتقال انا بوظت النظام ده مرتين فى الفترة دى<br /><br />اتكلم على انى اخيرا فصلت عضويتى فى النادى عن عضوية اهلى و بأه ليا عضوية مستقلة و ان الخطوة دى جت متأخرة تقريبا 5 سنين او اكتر شويه ... و انى بسبب العضويه دى فضلت اروح النادى لمده 3 اسابيع ورا بعض و انا اللى كانت آخر مره دخلته كانت من 7 سنين تقريبا<br /><br />اتكلم على انى غير مستقر نفسيا و متقلب بدرجه ازيد من اللى انا شخصيا متعود عليها فى شخصيتى الملولة بطبعها ، و انه نتيجه لكده بكون يوم فرحان أوى و اليوم اللى بعده بكون فى قمة الكآبة ... و ساعات بأخد الحالتين دول فى نفس اليوم<br /><br />اتكلم على انى مليش نفس اكتب اى حاجة مع ان فى دماغى افكار كتير جدا و لو قعدت اكتب فيها محتاج يجى 4 شهور من الكتابة المستمرة يوميا عشان اخلصها .... و مش بعمل اى حاجة غير انى اكتب الافكار دى فى ملف وورد و ارميه عندى عشان لما يبقى ليا نفس اكتب ابقى ابص عليهم و اكتبهم<br /><br />اتكلم على انى مفتقد جدا كتابات سارة نجاتى و دماغها فى الكتابة اللى بتعجبنى جدا و انا مش عارف هى مش بتكتب ليه ..... بس الأولى انى اسأل نفسى انا شخصيا مش بكتب ليه<br /><br />اتكلم على الفيديو اللى انا مصوره لنادر و بلال و عبد الفتاح ، و الفيديو التانى اللى انا مصوره لزيكا و دولا و مليش نفس امنتجهم و انزلهم عشان الناس تشوف التهييس بتاعنا .... ماتخفش يا زيكا انت و دولا .. سركوا فى بير<br /><br />اتكلم على الصديقة اللى انا اعدت اكتشافها و اكشاف شكل علاقتنا من جديد لما بأت الدار امان على حد قولها ... و انا هنا مش هكتب اسمها عشان انا عارف انها فى الغالب يمكن تتضايق لو انا عملت كده بس هى عارفة نفسها<br /><br />اتكلم على ساندرا اللى كان نفسى اشوفها و اضطريت الغى معادى معاها عشان فى اليوم ده كنت فى اسماعيلية عشان اطلع الشهادة بتاعت الدبلومة ، و انا من هنا بقولها مش تزعلى يا ساندرا و هعوضها قريب جدا<br /><br />اتكلم على عبدالله و الناس بتوع تشانج و ازاى كانوا واحشنى جدا و بجد انا فرحان انى شفتهم و فرحان اكتر انى شفت نتيجة الشغل اللى عملوه و بيعملوه و اد ايه بحس بشوية امل و تفاؤل و انا المتشائم السوداوى بطبعى<br /><br />اتكلم على الاحاسيس اللى انا بعيشها و لسه بختبرها لأول مره من مده طويلة أوى ، و اد ايه انا خايف و متردد بس بقول ان الموضوع محتاج قفزة ثقه ... او زى ما الاجانب بيقولوا<br />Leap of faith<br /><br />فى الغالب مش هتكلم على اى حاجة من الحاجات دى و هفضل محتفظ بيها لنفسى .... سلام </span></strong>Chehttp://www.blogger.com/profile/08757708048111715204noreply@blogger.com8tag:blogger.com,1999:blog-8072730189719262546.post-57671681927895581452010-08-01T05:30:00.001-07:002010-08-01T05:30:41.953-07:00حكايات<span style="font-size:130%;"><strong>النهارده هحكى شويه حكايات من باب التجديد بدل ما تبقى كل مواضيعنا جد و دمها تقيل<br /><br />ستينات القرن الماضى - الحكايه الاولانيه انا مش فاكر حصلت ايام تيتو فى يوغسلافيا ولا ايام تشاويسكو فى رومانيا ... ذاكرتى بتقول يوغسلافيا بس عقلى بيقول رومانيا ... مش مهم حصلت فين ، المهم انها حصلت<br />كانت الناس بتعمل حمام فى الشارع فى البلد اللى انا مش متأكد منها دى ... عادى ايه يعنى .. احنا اصلا عندنا تحت اى كوبرى و تحت اى شجره و فى اى حته ضلمه و ورا باب اى عربيه مفتوح هتلاقى الناس بتعمل حمام فى الشارع ... يعنى ممكن لو دخلوا لعبه الحمام فى الشوارع فى الاوليمبياد الجايه نكسبها بجداره<br />المهم عشان حكومه البلد اللى انا مش متأكد منها دى بتحترم الناس ، عملت حمامات عموميه فى الشوارع عشان الناس تعمل حمام فيها بدل ما يبقى علنى كده و على عينك يا تاجر ... المهم برضه الناس نفضت و قعدت تعمل حمام فى الشارع<br />الحكومه فرضت غرامه على اللى هيعمل حمام فى الشارع .... برضه الناس اعتبرت ان الغرامه دى نوع من انواع الدعابه و فضلوا يعملوا حمام فى الشارع و اللى كان بيتمسك كان بيدفع الغرامه و هو بيتريق و واخد الموضوع هزار<br />الحكومه صعدت الموضوع شويه و خلت العقوبه تبقى سجن لمده شهر ... الناس هنا ابتدت تاخد الموضوع عند و الحكايه تحولت لحاجه اشبه بلعبه الاستغمايه ... ازاى الناس تعمل حمام فى الشارع مين غير ما تتمسك<br />الحكومه لجأت للحل الجذرى و قالوا اللى هيعمل حمام فى الشارع هيتعدم ... طبعا الناس مصدقتش الحكومه و قالت الحكومه بتهوشنا و مش معقول هتعدم اللى هيعمل حمام فى الشارع ..... بعد اول 3 حالات اعدام الناس بطلت تعمل حمام فى الشارع من يومها و لغايه دلوقتى<br /><br />تسعينات القرن الماضى - الحكايه التانيه من الصين .... الصين بلد زحمه جدا ، بس مع كده تستغرب لما تشوف كميه النظام اللى فيها<br />الناس كانت من كتر الزحمه بيركبوا القطر .. و بيتملى القطر و الناس لسه مخلصتش .. طيب الناس تعمل ايه .. ابتدوا يركبوا فوق سطح القطر ، اللى احنا هنا بنسميه تسطيح ..... و نتيجه للتسطيح ده كان فيه ناس بتقع من فوق سطح القطر و تموت<br />الحكومه قالت للناس انها متعملش كده .... و مشيت معاهم من اول الطريق برضه ... تحذيرات ثم غرامات و بعد كده سجن و برضه مفيش فايده<br />فى يوم كانت الناس راكبه فوق سطح القطر زى ما اتعودت ، جت طيارات هليكوبتر تبع الجيش و ضربت الناس اللى فوق سطح القطر بالرشاشات ... الكلام ده كان فى التسعينات ، بس من يومها لغايه دلوقتى الناس بطلت تركب على سطح القطر فى الصين<br /><br />1881 - الحكايه التالته قريبه مننا فى مصر ، كانت ايام الخديوى توفيق .... ظابط من اللى موجودين فى الجيش المصرى شاف بعينه مدى الظلم و قال كلمته المشهوره " متى استعبدتم الناس و قد ولدتهم امهاتهم احرارا " ... اللى قال الكلمه دى كان احمد عرابى<br />الخديوى تآمر على عرابى و مدافع الانجليز خلت صوت عرابى اتخنق و اتهزم عرابى و اتنفى هو و كل اللى معاه ، و الفلاحين و الناس اللى فى مصر قعدوا يمصمصوا فى شفايفهم و يقولوا " الولس غلب عرابى " .... بس مع كده محدش وقف مع عرابى من كل الناس اللى مصمصت شفايفها دى<br /><br />1952 - الحكايه الرابعه برضه من مصر بس من زمن اقرب شويه .... شويه ظباط عملوا حركه انقلاب عسكرى و تحولت بعد كده لثوره على اوضاع كتير كانت غلط و كانت ثوره 1952 برغم كل اللى مش عجباهم الثوره و شايفين انها اسوأ حاجه حصلت لمصر ... يمكن كانوا عايزين لما يكبروا و يقعدوا على الفيس بوك و النت نبقى لسه فى ايام الملك و الانجليز و نروح نضرب شويه كامبات بالطوب ، و نعيش ايام الملكيه بكل الجمال اللى كان فيها<br /><br />2008- ....؟ - الحكايه الخامسه و الاخيره برضه من مصر .... ناس كتيره بتكافح من ورا الكيبورد ، و بيكتبوا ستايتس جامده و مولعه نار عن رؤيتهم لأصلاح البلد ، و بيكتبوا بوستات مليانه حماسه و وطنيه على البلوج و على المنتديات و على الورد بريس عن الطريق لمصر احلى<br />الناس دى بتزعل أوى لما حد بيقول انه هيسيب البلد ، و الزعل ده بيوصل ساعات لمرحله التخوين و ان كده اللى عايز يسيب البلد مش وطنى ..... لو فيه حد من الناس اللى بتزعل من كده و بالصدفه بيقرا الكلام ده ، يا ريت يقولى هو كمواطن صالح و وطنى عمل ايه للبلد اللى بيحبها<br />و انا هنا استعير فقره من كلام المخرج و السيناريست عمرو سلامه فى نوت هو نزله " من الأكتشافات الأخرى ان الشعب المصرى مكبوت سياسيا جدا ، و بقى من الغريب جدا ان لو بق واحد من الابقاق اللى بتتقال على النت اتقال على التليفزيون المصرى ممكن يقال كل جهاز الاعلام المصرى فيها ، بس واضح ان الجهاز الامنى اياه لسه معملش اكونت على الفيس بوك ، و واضح ان ده اختيار منه عشان ميحرقش دمه اولا ، و ثانيا لان عمر ما هتحصل ثورة بكثر الاستيتسات الغاضبة ، و ده اللى مقتنع بيه الشعب المصرى دلوقتى ، كل ما يقفش على النظام ، يبوست ، و يحط استيتس غاضب ، عامل زى الناس اللى بتشوف الماتش على التليفزيون و بيزعقوا للعيبه على غرار " العب ، باصى ، شوط " كأن اللعيبه دى هتسمعهم مثلا ، و هم نفس الناس ، لا نزلوا انتخابات ، ولا عندهم بطاقه انتخابيه ، ولو سألتهم على اسم اربع وزراء مش هيعرفوا ، و تسعه و تسعين فى الميه منهم سجد سجدة شكر لله مع شهادة اعفاء الجيش او مع نهاية خدمته ."<br /><br />آخر الكلام ..... عايز تعمل حاجه اعملها ، انما متقعدش تتكلم كتير و تقول هعمل و اسوى .... و من غير ما يكون فى ايدك حاجه تخلى الناس تسمعك يبقى هتفضل تكلم نفسك و تنام بليل و انت مستريح انك عملت اللى عليك و مصر امانه فى ايدك يا رأفت<br />انا زهقت من كتر الكلام و حاسس انى بنفخ فى قربه مقطوعه ..... سلام </strong></span>Chehttp://www.blogger.com/profile/08757708048111715204noreply@blogger.com13tag:blogger.com,1999:blog-8072730189719262546.post-76160388432297632562010-07-14T08:16:00.000-07:002010-07-14T08:17:28.703-07:00بحب مصر لدرجه انى عايز اموت فيها<span style="font-size:130%;"><strong>البوست النهارده كئيب ... فاللى عنده اكتئاب او مستعد يدخل فى اكتئاب مايقراش البوست من الاول عشان انا مش عايز اشيل ذنب حد .... كفايه الناس اللى بترمى نفسها من على الكبارى<br />الموضوع ابتدى لما نادر و بلال كانوا فى يوم بايتين عندى ...... اكلنا كريب و شربنا بيبسى و حلينا ببسبوسه و كنافه و قاعدين مأنتخين بنتفرج على ميلودى هيتس و الجو كان مش حر أوى و ابتدى يبقى جميل و الحياه حلوه و جميله او على رأى سعاد الله يرحمها بمبى<br />المهم قلتلهم انا هسأل كل واحد فيكوا سؤال و هو نفس السؤال و هشوف الرد عليه .... قلتلهم كل واحد فينا بيكون فى حياته غلطات كتير ، بس بيبقى فيه غلطه محوريه أثرت على مسار حياتك كله .. السؤال ايه هى الغلطه المحوريه دى فى حياه كل واحد فيكوا<br />من غير الدخول فى تفاصيل كتير الاتنين اتفقوا ان الغلطه المحوريه انهم دخلوا كليه العلوم و انا اتفقت معاهم فى نفس الاجابه ..... الغريب ان الاجابه دى منطقيه منى او من بلال عشان انا قعدت 10 سنين و هو قعد 9 فى الكليه ... طيب نادر قعد 5 سنين فى الكليه يبقى ليه اجابته نفس اجابتنا<br />قعدت افكر كتير فى النقطه دى و عرفت اسبابها بالنسبه ليا انا و بلال اننا ضيعنا وقت كتير كان ممكن نستفيد بيه فى حاجات كتير أوى ، بس نادر اللى كان عاملى مشكله عشان مش لاقى اجابه مبرره ليه<br />اكتشفت ان الكليه بتاعتنا ، و مش بتاعتنا بس على فكره .. اى كليه بيكون ليها نفس التأثير على نفسيه اى حد بيحلم ، لأن الكليات عندنا متخصصه فى انها تقتل حلمك .... و ده طبيعى على فكره عشان احنا بندخل الكليات مش عشان بنحبها انما عشان مجموعنا هو اللى أمر بكده ، المجموع و الناس اللى عندك فى البيت و العيله و صحابك و تقريبا كل الناس<br />يعنى احنا فيه عرف سائد عندنا انك يبقى فى ايدك شهاده ... مش مهم يبقى عندك حلم و تحققه انما يبقى فى ايدك شهاده ، مع ان اللى معاه شهاده زى اللى معهوش دلوقتى و تساوت الرؤوس و القامات بعد ما بقى 70% من الشباب صيع و عاطلين و ال 30% اللى بيشتغلوا منهم 70% مش بيشتغلوا بشهادتهم .. يعنى بحسبه بسيطه تقريبا 1% بس هو اللى بيشتغل بشهادته و الباقى لا .. يعنى الشهاده مهياش اكتر من منظر اجتماعى<br />انا مش ضد الشهاده على فكره ، بس ضد فكره ان تقييم الانسان يكون بشهادته .. يعنى كده من الاولى ان الانسان يكون تقييمه بالفلوس اللى معاه لأن الفلوس ابقى من الشهاده ، و قبل ما حد يتحمق و يتحزق و يقولى ازااااااى و الشهاده و الكلام بتاع المسلسلات ده ... كام واحد اتخرج و عدى على تخرجه 3 سنين لسه فاكر ايه اللى خده فى الكليه ..... ده احنا كنا بنتكلم على المواد اللى اخدناها فى الكليه اتلخبطنا فيها و اخدناها امتى و مين ادهالنا ده غير انه طبعا فيه مواد وقعت من الذاكره اصلا<br />المهم انا السؤال بتاع الغلطات ده فضل فى دماغى و قعدت افكر فيه كتير ... لقيت فى حياتى كذا غلطه محوريه غير موضوع الكليه ده ، بس سالت نفسى سؤال مهم يا ترى لما قررت انى ارجع مصر تانى كانت غلطه ولا لا<br />بكل حسابات العقل و المنطق كانت غلطه و غلطه فظيعه لدرجه انى استحق الاعدام رميا بالقباقيب عليها ، بس انا مش حاسس انها غلطه .......... يعنى انا فى السنه دى عملت 2 دبلومه .. اتعرفت على ناس كتير كنت اكيد هخسر لو معرفتهمش .... عملت حاجه بحبها – و ان كنت اشك انى هعملها تانى فى المستقبل القريب على الاقل ... دخلت قصه عاطفيه بجد ، و كانت اول مره ليا بعد اكتر من 4 سنين كنت مقضيها – بغض النظر عن نهايه القصه دى ..... يعنى فى الاجمال انا عملت فى السنه دى حاجات كنت ممكن اعيش و اموت من غير ما اعملها<br />المهم انى قررت انى مش ناوى اكمل فى البلد ... و الحقيقه انه مش انا بس اللى مش عايز يكمل فى البلد ، تقريبا كل الناس مش عايزه تكمل فيها الا شويه ناس قليله ...... المهم انه فيه رابط مشترك بين كل الناس اللى رافضه فكره انها تكمل فى البلد – و انا هنا مش عايز حد يزعل منى لأنى والله مقصدش اى حاجه غير انه فعلا ده الرابط المشترك اللى انا لقيته<br />يعنى الناس اللى رافضه فكره السفر دى مقسومه لشريحتين كبار ... يا اما بنات ، و طبعا نتيجه لحاجات كتير منها التربيه اللى اتربينا عليها و العادات و التقاليد اللى بترفض فكره سفر البنت وحيده ، ده غير طبعا ان البنت مش مطالبه بأى حاجه ... يعنى فى بيت ابوها بتاخد مصروف ، عايزه تنزل تشتغل تنزل ، مش عايزه اديها قاعده فى البيت معززه مكرمه ، و حتى لما تتجوز هى مش مطالبه انها لا تجهز نفسها و لا تصرف على البيت ولا اى حاجه ..... يعنى السبب الرئيسى للسفر اللى هو ان الواحد يحسن من ظروفه و من حياته مش متواجد عندها من الاساس<br />الشريحه التانيه و هيا شريحه الشباب .... و العامل المشترك بينهم هو صغر السن ، يعنى اكيد انا لو اصغر من سنى ده ب 3 سنين مش ههقول 5 او 10 كنت هفكر فى موضوع السفر ده كذا مره ، و اقول لا البلد بكره مسيرها تروق و تحلى ... بس اللى انا عايز اقوله للشباب دول انى من سنه 2000 و انا بقول البلد بكره مسيرها تروق و تحلى ، يعنى من 10 سنين و البلد زى الزفت اهى و ازفت من الاول كمان ، و لسوء الحظ العمر مفيهوش الف 10 سنين عشان اضيع منه 10 سنين تانى ... اللى انا متأكد منه ان الشباب دى كمان 10 سنين لو فضلوا مستحملين 10 سنين هيفتكروا كلامى ده ، الا لو حصلت معجزه و البلد حالها اتشقلب و بأت بلد بتاعت بنى آدمين بجد<br />ناس كتيره شايفه سبب انى عايز اسافر انى انا عشان فى حاله صدمه عاطفيه و كده و ده مخلينى مش عارف اخد قرارت صح .... انا كان ممكن اوافق على تفسيرهم ده ، بس المشكله الوحيده ان حتى الموضوع بتاعى كان كمل بجواز برضه كنت هسافر ، و كان الدافع كان هيبقى اكبر ... عشان انا نفسى عيالى يتعلموا فى مدارس نضيفه ، يكونوا زى احسن حد يعرفوه ، يكونوا احسن منى انا شخصيا<br />و لسوء الحظ برضه كل ده مش ممكن يتحقق فى مصر .... احنا فى مصر نسينا يعنى ايه احلام ، كل همنا اننا نعرف نعيش يومنا ، و بعد كده نكمل لغايه آخر الشهر .... و بعد ما العمر يعدى نكتشف اننا بطلنا نبقى بنى آدمين و بأينا مجرد تيران فى ساقيه بنلف و مش هنبطل نلف الا لما نموت ...... و انا مش عايز ابقى تور ، انا عايز افضل بنى آدم زى ما ربنا خلقنى<br />انا والله يا جماعه بحب مصر ..... مش لدرجه انى عايز اعيش فيها ، بس بحبها لدرجه انى عايز اموت و ادفن فيها ..... انا مسأله السفر بالنسبه لى بأت مجرد وقت و اختيار و انا عايز افكر كويس عشان اخد قرار السفر المره دى صح خصوصا انى ادامى كذا اختيار مش اختيار واحد بس<br />معلش اذا كان البوست المره دى كئيب بس هو ده حال البلد مش حالى انا بس ..... و يا ريت يا جماعه اللى شايف غير كده يقولى ... بس يدينى 5 امثله مش مجرد مثال واحد ..... سلام </strong></span>Chehttp://www.blogger.com/profile/08757708048111715204noreply@blogger.com12tag:blogger.com,1999:blog-8072730189719262546.post-48493999905710659722010-06-25T07:06:00.000-07:002010-06-25T07:07:35.117-07:00نظريه الايد الشمال<span style="font-size:130%;"><strong>Takes One To Know One<br />الجمله اللى فوق دى يعنى انك لازم عشان تعرف بنى آدم كويس انك تقدر تفكر بنفس طريقته على الاقل ، مش هقول انك تبقى زيه .... كفايه تفهم اسبابه و مبرراته<br />فيه نظريه خاصه بيا انا اللى مكتشفها و يمكن اسجلها لو انتشرت حفاظا على حقوق الملكيه الفكريه .... نظريه الايد الشمال<br />طبعا مش الايد الشمال بتاعت الرب اللى مقصود بيها الشيطان زى ماهو موجود فى اغلب كتابات العهد القديم .. انما المقصود هو الناس اللى مش ماشيه مع القطيع .... طبعا مش حاجه جديده ان اغلب الناس نسخ كربونيه من بعض ...... عندهم نفس القناعات و نفس التابوهات و نفس كل الحاجه و اللى مختلف بينهم بس اساميهم و اشكالهم ..... بس فيه ناس بتبقى مختلفه و مش مقتنعه بنفس المفاهيم دى و دول بيبقوا الخرفان السودا فى القطيع<br />انا لازم اعترف انى احد الخرفان السودا دول .... يعنى اللى يعرفونى كويس منكوا يعرفوا ان ليا افكار اغلب الناس مش بتوافق عليها و بيعتبروها كفر و تجديف .... انا مثلا شايف ان من اهم الحاجات اللى ربنا كرمنا بيها هى العقل و عشان كده فيه حاجه اسمها اعمال العقل و التدبر ، مش اخد كل حاجه كوبى و باست فى مخى ... يمكن عشان كده بتلاقوا الناس اللى بيكونوا مش مسلمين و بيسلموا بيكونوا مسلمين اكتر من المسلمين اللى بالوراثه عشان دول واخدين الاسلام عن اقتناع مش عشان هذا ما الفينا عليه ابائنا<br />برضه انا مش من انصار قضيه فلسطين و العروبه و الطنطنه الكتير اللى حوالين الموضوع ده ، و مقتنع اننا فى مصر محتاجين انقاذ اكتر من اللى فلسطين محتجاه ..... اللى يعوزه البيت يحرم على الجامع .... بس على كل حال ده مش موضوعنا و انا مش هتكلم على نفسى هنا ، انا هتكلم على حاجه تانيه خالص<br />فيه ناس ماشيين بنظريه الايد الشمال دى كتير بغرض انهم بس يتقال عليهم بص اللى ماشى هناك ده غير كل الناس ، يااااه دى ماشى بنظريه الايد الشمال ... يعنى مش عن اقتناع<br />و الامثله اكتر من ان تعد او تحصى .... منهم مثلا الناس اللى كانت بتدافع عن الجزاير ساعه الماتش بتاع السودان ... و دلوقتى بيقولوا شفتوا بأه ... طبعا ده نوع من انواع ادعاء الحكمه بأثر رجعى عشان ايامها محدش فى البلد كان عارف حاجه غير اللى بنسمعه ، و وضع طبيعى ان غيرتى على بلدى تحرقنى ..... يعنى انا مثلا ساعه لما كنت بره مصر كنت ممكن اقعد اشتم فى مصر ... بس بعمل كده مع مصريين زيهم زى عشان دى بلدنا كلنا فى الاخر ... انما لو واحد مش مصرى شتم انا كنت بطلع .............. و حط اى حاجه مكان النقط دى<br />برضه تلاقى ناس غاويه مظاهرات .... و انا شخصيا عندى واحد صديقى كده ... هو مش مؤمن باللى بيقوله ، و اعترف انه بيعمل كده عشان يوصل مش اكتر ولا اقل .. يعنى مش عشان البلد و عشان الحريه و الديموقراطيه و عاشت مصر مهلبيه .... انما لخدمه مصالحه الخاصه<br />برضه الناس اللى بتتهجم على الدين ..... اولا انا مش ضد اى حد يقول اى حاجه لأن ربنا اللى هيحاسبه عليها مش احنا ... انما انا ضد مبدأ الشتيمه و التجريح لأجل التجريح .... و كان فيه مدونه مشهوره أوى كانت تقعد بوستات نار على الوهابيه و تهاجمها .. انا كنت متفق معاها لأنى انا شخصيا بشتم فى الوهابيه ... انما الامر تعدى معاها و ظهر انها مش بتحب الاسلام كله ... ماشى ، براحتها ... بس على الاقل تبقى موضوعيه مش مجرد شتيمه و خلاص<br />و نفس الكلام على الملحدين ... يعنى فيه واحد عايز يعمل نفسه مشهور قام قالك انا ملحد و عمل كتاب ، و نتيجه لظروف خارجه عن المألوف تسببت فى تأخير نزول كتابه قالك كل الناس بتهاجمنى عشان انا ملحد ، مع انه تبعا لرأى انسانه عزيزه عليا و بتفهم أوى قالت عليه مجرد حمار مش اكتر ولا اقل<br />زى عمرو سلامه مؤلف فيلم زى النهارده كان من كام يوم نزل لينك على الفيس بوك جايب واحد من قناه الناس بيشرح معنى كلمه بيبسى و عمرو كاتب رأيه فى اللى اتقال .... تخيلوا كميه الهجوم اللى اتهاجمه و التلقيح .... و نفس الهجوم ده حصل على مدونه صديقه لما عملت شير لنفس اللينك ... زى ما تكون الناس دى كفرت او غلطت فى الذات الآلهيه و هما مش واخدين بالهم ..... اتهاجموا لمجرد انهم قالوا رأيهم ، و انا عارف الهجوم ده بيبقى شرس اد ايه لانى مجربه قبل كده لما كنت بقول نفس الكلام<br />مع انى اعرف موقفين لأتنين من نجوم القناه دى و من نجوم الدعوه عموما .... واحد فيهم كان زمان قبل ما ربنا يفتح عليه كان عايش فى المنصوره و كان بينزل مصر كل اسبوع يوم واحد ... قام اتجوز واحده هنا عشان يقضى معاها اليوم اللى بينزله ده ... و لما اتسأل قالك انا راجل ربنا من عليا بالصحه و بخاف الفتنه .... و مع كده كل ما يطلع فى القناه يقولك الشباب لازم يجاهدوا انفسهم و يبعدوا عن الشهوات و الغرايز ، بس هو خايف على نفسه من الفتنه<br />و التانى برضه كان فى المنصوره فى كتب كتاب ... المهم بعد ما الشيخ اللى اهل العريس جايبينه كتب الكتاب و مشى ، جه الشيخ بتاع القناه ده و كتب كتاب الاتنين للمره التانيه من غير ما يطلقهم ... ليه الله اعلم<br />طيب انا كده اعرف ان الجوازين مدام وقعوا ورا بعض من غير طلاق ده يبقى غلط ، و واحد فيهم كان حرام ... طيب يا ترى انى اللى كان حرام ، الاول ولا التانى<br />و بعدين لو لقا الشيخ غلط ماصلحلوش الغلط ليه ... ده حتى من رأى منكم منكرا ..... و لما واحد صاحبنا نبهه للنقطه دى طرده من كتب الكتاب و الناس كان ناقص تموته عشان صحح لفضيله الشيخ ، مع انه بعد رسول الله كل ياخذ منه و يرد<br />نسيب الدين و نيجى للناس بتاعت المساواه ..... و انا عارف انى هنا بحط وشى فى عش الدبابير ... عشان الناس حاسه ان الستات مظلومه فى البلد دى ... زى ما يكون الرجاله بيصيفوا فى مارينا و سايبين الستات فى حلايب و شلاتين ...... معقوله محدش واخد باله ان البلد كلها طالع تربنتين اللى خلفوها رجاله و ستات .... بس تقول ايه ... ناس فاضيه<br />و الامثله كتييييييير جدا ...... طبعا انا اعرف ناس كتير واخدين نظريه الايد الشمال دى ، بس انا متأكد ان 4 منهم بس اللى مقتنعين بكده و الباقى نيتهم مش بالصفاء ده .... الغريبه انى اعرف واحده تجمع فيها كل الصفات بتاعت الايد الشمال دى ... يعنى ليبراليه ، و مع المساواه ، و ضد الدين ... بتفكرنى بتوماس مور فى رجل لكل العصور ........ انا زهقت من الكتابه و عارف ان البوست سخيف المره دى بس بكتب عشان مخى مايصديش ....... سلام </strong></span>Chehttp://www.blogger.com/profile/08757708048111715204noreply@blogger.com5tag:blogger.com,1999:blog-8072730189719262546.post-62996243564659543602010-06-16T23:21:00.000-07:002010-06-16T23:22:21.780-07:00اسماء .... حجه علينا لا لنا<span style="font-size:130%;"><strong>فى سنه 2001 كنت فى الجامعه .... اغلب الناس اللى بتقرا البوست ده كانت فى اعدادى ساعتها و الكبير فيهم هيكون فى ثانوى ...... ساعتها كان آرييل شارون لسه ماسك الوزاره فى اسرائيل و عمل اجتياح شامل لغزه و الضفه الغربيه بالجيش مع استخدام القصف و العساكر و كل حاجه كأنك فى حاله حرب عاجله مش حرب قعدت 60 سنه و لسه هتقعد تانى الله اعلم اد ايه<br />المهم الجامعه ساعتها حصلت فيها مظاهرات قعدت تقريبا 3 اسابيع مستمره ، مظنش انى شفتها فى الجامعه تانى لدرجه ان بعض الناس خلت عيالها ماتروحش الجامعه ايامها عشان البهدله اللى كانت بتحصل بشكل دورى و مستمر هناك ...... انا هنا هقول اللى انا شفته من غير تحيز لطرف على حساب طرف رغم ان كلامى مش هيعجب بعض الناس<br />اللى انا شفته ان عساكر الامن المركزى دخلت الجامعه تطارد بعض المتظاهرين برغم ان ده ممنوع بنص قانون الجامعات ان الامن يدخل جوه الجامعه و حتى عشان كده هتلاقوا مكاتب الامن موجوده على الابواب بس ......... برضه شفت عساكر الامن المركزى بتضرب المتظاهرين بجنازير حديد و العصيان بتاعتهم ، و كانت الجنازير و العصيان دى مش بتفرق بين ولد و بنت ، و على فكره .. الضرب ده كان جوه الجامعه مش براها<br />شفت الامن المركزى و هو بره الجامعه و بيضرب قنابل مسيله للدموع على المتظاهرين جوه الجامعه ..... تقريبا اسلوب الامن المركزى ما اختلفش كتير من ايامها الا انه اصبح اكتر احترافيه انه يعمل كردون حوالين المتظاهرين لغايه مايجوا ناس فى لبس مدنى يظبطوا المتظاهرين دول و يبقى الامن معملش حاجه غير انه حافظ على النظام و محدش يقدر ينتقده نتيجه لكميه الانتقادات الكتير اللى كانت موجوده ايامها<br />على الناحيه التانيه من المظاهرات شفت حاجات تانيه عجيبه ، و انا اللى هكتبه هنا هكون شفته بعينى مش اتحكالى و سمعت و الكلام المايع بتاع المصريين بتاع بيقولك معرفش ايه ..... شفت ناس من اللى كانوا المفروض بيتظاهروا بيضربوا كنتاكى اللى كان ايامها ادام باب تجاره مكان كشرى التحرير و مؤمن على اعتبار انه امريكانى و ان امريكا هى الراعى الرسمى لاسرائيل ... انا ممكن اقبل التصرف ده على مضض .... بس اللى مش ممكن اقبله انى لقيت ناس من نفس اللى بيتظاهروا عشان غزه طلعوا كنتاكى بعد ما اللى شغالين فيه هربوا بحياتهم و سرقوا الشاشات الكومباكت ، مكن الكاشير بالفلوس اللى جواها طبعا ، اجهزه الكومبيوتر ، التلاجات و الافران بالاكل اللى فيها ..... و جرى تبرير ده على انه دى نسبه قليله لا تمثل اللى بيتظاهروا ( و ده صحيح لان الناس دى كانت مجرد حراميه مش متظاهرين ) .... يعنى دول ممكن تسميهم الكولاترل داميدج او السايد ايفكت بتاعت المظاهره<br />طبعا كان كنتاكى قفل من اول يوم و بعد كده نقل مكانه اصلا من ادام الجامعه .... اللى حصل فى الايام اللى بعد كده كان اغرب ...... المحلات بتاعت المصريين اللى ادام باب تجاره و اشهرها صبرى و كل المحلات اللى جنبه اتكسر ازازها بالطوب برضه و جرت محاوله لسرقتها ، بس اللى بيشتغلوا فى صبرى مش زى اللى بيشتغلوا فى كنتاكى ..... فضلوا جوه و اللى كان بيهوب ناحيه المحل كان ممكن يموت<br />شفت برضه فى المظاهرات دى ناس بتحاول تكسب نقط على قفا الكفاح ..... و اشهر الناس دى كانوا الاخوان ...... و انا هنا بتكلم على الناس الكبيره فى الجماعه ، مع اقتناعى التام ان الشبيبه بتاعتهم دلوقتى بكره هيبقوا كده برضه و عشان كده عمرى مامشيت فى مظاهره فيها الاخوان تانى لأنى عندى كرامه ماتسمحليش انى ابقى لعبه فى ايد حد<br />المهم الرغى اللى فوق ده كان مجرد تبرير و مقدمه للى هقوله دلوقتى ....... طبعا كلنا قرينا عن خالد محمد سعيد الله يرحمه و شفنا صوره ...... الموضوع تطور بسرعه عندنا فى مصر لأننا بنتبع نظريه اللبن ... نطلع بسرعه بسرعه و ننزل على مفيش .... صفحات بتتعمل بأسمه ، و ناس بتتكلم بلسانه ، و كل اسكندريه اصبحوا فى يوم و ليله اهله و اصحابه و جيرانه .... يعنى اللى كان بيحصل كان فيه جزء من من استغلال خالد ميتا اكتر ما استغلوه حيا<br />انا عن نفسى بجد حزين على اللى حصله ، و عارف ان ده ممكن يحصلى انا شخصيا او يحصل لأى حد اعرفه فى البلد دى فى الوقت الطين اللى احنا عايشينه ده .... بس زعلان على الاستغلال ده ..... و طبعا فيه ناس هتقول ان اللى حصل كان تعريف مصر و العالم باللى حصل لخالد .... انا موافق على نقطه اننا نعرف الناس ، بس اللى حصل كان اكتر من تعريف .... و دى وجهه نظرى الشخصيه<br />يوم الاحد اللى فات تم تنظيم مظاهره ادام وزاره الداخليه فى لاظوغلى عشان خالد ، بعد مظاهرات فى اسكندريه ايام الجمعه و السبت .... انا عرفت كده يوم الجمعه عشان انا بعدها قفلت النت و الفيس بوك عشان كان عندى امتحان يوم الاحد فى الدبلومه اللى انا فيها دى<br />لما رجعت للنت و الفيس بوك يوم الاتنين العصر تقريبا بعد ما كنت خلصت امتحانى و نمت ، لقيت ان فيه حد جميل اعرفه اسمه اسماء بوكى و هى صديقه مشتركه عند اغلب المدونين كانت فى المظاهره يوم الاحد ..... طبعا انا ابتديت اقرا التعليقات بأثر رجعى<br />واحده صاحبتها اخدت الباسورد بتاع الاكونت بتاعها من اخوها عشان تتواصل مع الناس القلقانه على اسماء على الاكونت بتاعها ..... بعد كده هما مش عارفين عنها حاجه خالص و انها مرجعتش البيت لغايه الساعه 10 بليل يوم الاحد .... بعد كده لغايه الضهر يوم الاتنين كل اللى يعرف حد ممكن يسأله على اسماء بيسأل عليها بس هى اسمها مش فى اسامى الناس اللى اتاخدوا ، مع حاله قلق لأن اسماء عندها قرحه و واضح انها حاده عشان بيجلها نزيف من القرحه دى .... بعد كده عصر يوم الاتنين الناس عرفت انها كانت فى مستشفى و ان اهلها راحوا يجيبوها و راحت بيت اخوها و ان حالتها النفسيه وحشه عشان الضرب اللى حصل للمتظاهرين و لغايه هنا الاخبار وقفت بس بعد ما الناس اتطمنت<br />انا معرفش اذا كانت اسماء قالت انها رايحه الوقفه الاحتجاجيه دى ولا لا لحد من صحابها ... و معرفش لو قالت صحابها نصحوها بأيه ..... بس اللى اعرفه ان اسماء مش حاولت بأى صوره من الصور انها تستغل ده فى انها تبان بطله قوميه ، بعكس ناس اعرفها بتطلع مظاهرات و فيه اغراض تانيه غير خدمه البلد و التغيير و الكلام اللى بيقولوه بيكون فى ضمايرهم و الله اعلم باللى فى القلوب ..... اسماء عملت اللى حست انه صح لمجرد احساسها انه صح و من غير ما يكون فيه اى تبرير او مكاسب مستقبليه ليها من ورا الموضوع ده<br />انا عايز اقول ان اسماء باللى عملته ده فضحتنا كلنا و حطت مرايه كبيره ادام كل واحد فينا .... المرايه دى خلتنى لازم اعترف انى سلبى جدا و مش معترف بأى فايده للمظاهرات دى .... انا عارف ان البلد دى مش هتتغير بالمقاومه السلبيه بتاعت غاندى .... معندكش سلاح تقدر تبقى مركز قوه بواسطته يبقى مش هتغير حاجه و الحكومه هتتعامل معاك بنظريه سيبه يهوهو شويه عشان يهدا و لو طولت الهوهوه شويه الحكومه هتعاملك زى الكلاب السعرانه و ملكش غير الرصاص .... احنا مفيش اى ثورات ولا تغييرات فى بلدنا حصلت عشان الشعب عايز كده من ايام الفراعنه ... مش احنا بتوع الثورات الشعبيه ..... و برضه دى رأيى الشخصى<br />برضه المرايه دى اتحطت ادام الناس اللى بتكافح من ورا الكى بورد و بتغير صورها بصور خالد و بتشترك فى الجروبز اللى معموله بأسمه و بتكتب كومنتات ناااار ...... عايز تكافح بجد و تغير حاجه عندك الشارع زى ما اسماء عملت ... و اسماء بنت يعنى لو بنت قالت هتبهدل ، مهى اسماء بنت و اتبهدلت قبلها .... لو ولد قال هتبهدل يبقى يخليه فى حضن مامته احسن<br />آخر حاجه عايز اقولها .... اسماء مليون حمدلله على سلامتك و بجد شكرا انك عرفتينا حقيقتنا فى وقت كل واحد بيهرب فيه من الحقيقه و بيعيش فى حلمه ...... و مفيش سلام المره دى </strong></span>Chehttp://www.blogger.com/profile/08757708048111715204noreply@blogger.com8tag:blogger.com,1999:blog-8072730189719262546.post-54040980754148663292010-06-07T02:48:00.000-07:002010-06-07T02:49:23.574-07:00انا و اسكندريه و عم عنتر<span style="font-size:130%;"><strong>بمناسبه موسم الامتحانات و ان كل الناس عندها اكتئاب عايز اتكلم على حاجه متكونش جد و على رأى المثل ... ادينى فى الهايف و انا احبك يا فننس<br />من كام يوم كنت فى البنك بخلص شويه حاجات .... المهم دخلت و بقول لموظفه خدمه العملا اللى جوه ان كارت الفيزا بتاعى مش راضى يطلع من ماكينه الاه تى ام ..... افاجئ بيها بتقولى مفيش حمام هنا فى البنك و الحمام فى القهوه اللى ادام البنك<br />طبعا لقيت الناس بتبصلى لأن الموظفه قالتهالى بصوت عالى زى ما تكون بتفضحنى مثلا ... المشكله انى مسألتش على الحمام من اصله ، و لما عدت السؤال ردت عليا و نفضت خالص لسيره الحمام ولا كأنها قالتلى اى حاجه ولا اعتذرت ولا اى حاجه .... تقريبا هيا اللى كانت عايزه تروح الحمام و كانت بتعمل اسقاط على سؤالى<br />انا بعدها افتكرت موقفين شبه الموقف المنيل ده .... اول موقف كنت من زماااااان سافرت اسكندريه عشان اقابل بنت ، وكانت اول مره اروح اشوفها ، ايام ما كان الواحد شباب انه يسافر عشان يتعرف على بنت ، مش دلوقتى بيبقى عندى مشاكل انى اروح الحمام التانى عشان بعيد شويه عنى ..... المهم اتقابلنا و كان لسه الجو بدرى .... فطرنا فى محمد احمد و كانت الدنيا حر ، قالتلى تيجى ندخل سينما ، قلتلها فل ، انا بحب السينما اصلا<br />و رحنا سينما فى جرين بلازا تقريبا لو انا لسه فاكر و قطعت تذكرتين و دخلنا .... المهم الواد البلاسير و هو بيوصلنا لقيته بيقولى انتوا عايزين تدخلوا فيلم تانى ... انا استغربت ، يعنى احنا ما اننا قاطعين تذاكر الفيلم ده يبقى عايزين ندخل الفيلم ده ، و لو كنا عايزين ندخل فيلم تانى كنا قطعنا تذاكره من الاول<br />المهم انا قلتله لا ، قالى طيب و دخلنا القاعه .. كان لسه ناقص على عرض الفيلم ربع ساعه تقريبا ... دخلنا القاعه و لقيتها فاضيــــــــــــــــه و مفيش فيها حد غيرنا ... المهم قعدنا و بعد 5 دقايق جه الواد البلاسير تانى و انا سألته واحد من اغبى الاسئله فى التاريخ .... قلتله ممكن اغير مكانى ... قالى يا استاذ مفيش غيركوا فى القاعه ، اقعد مكان ما انت عايز ... انا سمعت كلامه و قعدت مكان ما انا عايز ، و كنت مبسوط لدرجه انى كل شويه كنت بغير مكانى<br />وصلنا للبريك اللى فى نص الفيلم و سمعت واحد بيقول يا استاذ ... انا نفضت ... لقيته بينادى تانى على الاستاذ ، رحت قلت للبنت اللى انا معاها ان الاستاذ ده بايخ أوى عشان ميردش على الراجل اللى عمال ينده عليه<br />دقيقه و لقيت الراجل بيقول يا استاذ ياللى بتتفرج على الفيلم .... عرفت انه انا الاستاذ اللى بيتنده عليه .... وقفت ادور على مصدر الصوت مش لاقيه ، لقيته بيقولى انا هنا فوق ... فوق فين يا عم ملاك ... قالى انا هنا عند المكان اللى بيتعرض منه الفيلم ... بصيت لقيت راجل كبير و محترم كده ... سألنى اغرب سؤال ممكن تتسأله و انت فى السينما او فى اى مكان تانى عموما ... قالى انت عايز تعمل حمام !!!! .... نعم يا عم ... قالى عايز تعمل حمام ، قلتله لا مش عايز .. طبعا افتكرت احساس الطفوله المشرده لما كنت تبقى نازل مع بابا او ماما و يقعدوا يقولوا اعمل حمام هنا عشان مفيش حمام فى الشارع ..... الراجل قالى طيب و الناس اللى معاك حد فيهم عايز يعمل حمام .... سألت البنت عايزه تعملى حمام ... البنت اتاخدت كده و قالتلى انت بتقول ايه ... قلتلها مش انا اللى بقول ، ده عمو هو اللى بسأل ... قالتلى لا مش عايزه .... رحت باصص لعمو و انا كلى كسوف منه و قلتله لا محدش عايز يعمل حمام .... قالى طيب روح اقعد مكانك ... و بعد ما خلص الجمله على طول طفى نور الصاله و شغل الفيلم و انا لسه واقف مكان .... ده كان اول موقف<br />تانى موقف كنت فى يوم لازم اسافر المنيا عشان كان فيه مشاكل هناك .... المهم انا غالبا بسافر المنيا بالقطر عشان انا مش من هواه السواقه فى بلدنا ... رحت على المحطه احجز لقيت مفيش حجز لمده 4 ايام زى ما نكون كنا فى موسم الهجره الى المنيا<br />المهم كلمت عمتى عشان اقولها و انفض و مش اسافر .... عمتى قالتلى طيب ، و شويه و اتصلت بيا و قالتلى ان عم عنتر مستنينى فى موقف الصعيد عشان اسافر معاه ....... و عم عنتر ده سواق عنده يجى 70 سنه بيشتغل فى الموقف زى مهو باين من سياق الكلام ، و فى الغالب اى حد من العيله مسافر من هنا للمنيا او العكس و يكون هيسافر بالبيجو بيركب معاه<br />رحت لعم عنتر لقيته حاجزلى الكرسيين اللى جنبه ..... قعدت جنبه و اتكلنا على الله و هو اخد الطريق الغربى الجديد ، طريق الجيش هو اللى عامله و نضيف و مسفلت و زى الفل ... صحيح اطول ب 50 كيلو بس مش بتحس بيهم من كتر نضافه الطريق ، مشكلته ان الخدمات بتاعته قليله و ان الطريق عشان حلو بيغرى الناس انها تجرى و بالتالى نسبه الحوادث كبيره عليه<br />المهم اول ما وصلنا عند كافتيريا كده عند بنى سويف عم عنتر وقف و قال يا جماعه احنا هنقف ربع ساعه اللى عايز يعمل حاجه يعملها .... الناس نزلت عشان تشرب شاى او تاكل و كده ... بعد ربع ساعه الناس رجعت العربيه و عم عنتر تمم علينا و اتأكد ان كلنا موجودين ... و لقيته بيلف و يقولى ما تنزل تعمل حمام يا عمرو ..... الله الله الله ... هو الحمام ده مكتوب على وشى ولا ايه ... لا يا عم عنتر انا كويس ...... يا بنى لسه فاضل كتير على ما نوصل المنيا ... عارف يا عم عنتر مش اول مره اسافر<br />و هنا انتقل عم عنتر من لهجه النصح الى لهجه التهديد ..... يا بنى مفيش كافتريات تانى فى الطريق .... مش مشكله يا عم عنتر ...... مش هقف فى السكه على جنب لو قلتلى عايز اعمل حمام ... هنا حسيت ان عم عنتر بيكلم ابن اخته الصغير ... قلتله اتكل على الله يا عم و انا لو حبيت اعمل حمام اوعدك مش هقول و همسك نفسى<br />هنا عم عنتر لقى ان دى فرصه كويسه يكسب فيا ثواب و فى نفس الوقت يوعينى لمخاطر الكلام اللى انا بقوله ده .... قالى يا بنى حبسه الميه دى اوحش حاجه على البروسطاطا ( انا مش كاتبها غلط انما دى اخره معرفه عم عنتر بيها ) .... و هنا انا قلت لازم اخد موقف حازم ... قلتله يا عم عنتر انا فاهم و عارف و يالا اتكل على الله عشان انا متأخر .... و هنا طلعت واحده ست من ورا بتقولى يا بنى اسمع كلام الاسطى ، ده الاسطى خايف على مصلحتك .... قلتلها انا ادرى بمصلحتى يا ست .... و الاقى اتنين قاعدين فى الكنبه اللى ورا بيقولوا لبعض .. على فكره عم عنتر عنده حق فى مسأله البروسطاطا دى ... بكره ميعرفش يخلف و يفتكر عم عنتر و هو بيتحايل عليه يعمل حمام ... انا بصيت ليهم و سكت<br />و كل شويه و احنا ماشيين الاقى عم عنتر يبصلى و يقولى مش عايز تعمل حمام ... فضل يسأل لغايه ما اضطريت اعمل نفسى نايم عشان يسبنى فى حالى ... المشكله انى كنت خايف انه يصحينى من النوم على اساس انى معملهاش على نفسى .... ما صدقت وصلت المنيا و نزلت من العربيه ... رحت لعمتى و قلتلها انا مش هركب تانى مع عم عنتر ، قالتلى ليه ... قلتلها هقولك بعد ما اعمل حمام ... و دى كانت حكايتى مع عم عنتر و الحمام<br />هسيبكوا عشان اقوم .... اذاكر مش عشان اعمل حمام .... سلام </strong></span>Chehttp://www.blogger.com/profile/08757708048111715204noreply@blogger.com10tag:blogger.com,1999:blog-8072730189719262546.post-22597524781727485202010-05-27T19:13:00.000-07:002010-05-28T05:53:41.985-07:00tshanj<span style="font-size:130%;"><strong>شهر و نص من ساعه آخر مره كتبت فيها بوست .... و لسوء الحظ كان بوست عن السرقه و الناس افتكرت انى تعبان من الموضوع ده و عايز اشكر كل الناس اللى سألت عليا فى الفتره دى و خصوصا العمه ستيته<br />فى الشهر و نص دول حصلت حاجات كتير أوى .... منهم انى و انا بعمل محضر للحاجه اللى اتسرقت منى اتعلمت انه اوحش حاجه ممكن تحصلك مش انك تتسرق .......... لاااا ، الاوحش انك تروح تعمل محضر عشان الحاجه اللى اتسرقت منك<br />و فى خلال الفتره دى الصدفه قادتنى لحاجه انا مكنتش عارف انى ممكن اتعلق بيها للدرجه دى .... الحكايه انى كنت فى يوم على الفيس بوك عادى و بقلب فيه .... لقيت زيكا كاتب لعادل بيقوله انا مش معاك فى المشوار ده يا ريس عشان المذاكره ...... عادى جدا اتنين صحاب بيتكلمو سوا ... و انا برضه عادى جدا اتحشرت و قلتلهم مشوار ايه ياااض منك ليه<br />المهم عادل بعتلى لينك لأيفنت حوالين ورشه سينما ، فيها تعليم سيناريو و اخراج و تصوير و مونتاج .... و قالى خد الابليكشن املاه و ابعته .... انا الصراحه دخلت على السايت اللى عليه الابليكشن عشان احمله و املاه لقيت السايت واقع ... المهم انه كان تبع جروب اسمه تشانج ، و على فكره الاسم مكتوب صح مش انا اللى غلطان فى السبيلنج بتاعه ... الاسم بيتكتب زى ما بيتنطق<br />المهم قلت لعادل قام بعتلى نسخه من الابليكشن بتاعه ... انا غيرت الاسم و العنوان و رقم الموبايل و زودت شويه افلام و شلت شويه افلام و كده و بعته على الايميل<br />تانى يوم عادل قالى هننزل بكره نحجز ... قلتله ماشى ... المهم هناك قابلنا واحد بأه من اعز الناس عليا ... عبدالله حسن ... اللى كان المانجر بتاع الورشه ... عادل كان يعرفه و سلم عليه ... المهم و انا جاى مع عادل لقيته بيقولى انت ايميلك كذا كذا ... انا الصراحه استغربت ، اصل كده عبدالله يا مكشوف عنه الحجاب يا اما انا اللى الايميل مكتوب على وشى .... عبدالله قالى اصلى انا امبارح جالى ايميل فيه نسخه من ابليكشن عادل فقلت ده اكيد صاحبه ، و انت النهارده جاى معاه ، يبقى انت هو<br />و اشتركت فى الورشه .... عايز اقولكوا انى استمتعت جدا جدا جدا بكل حاجه فيها ، و اتعلمت حاجات كتير جدا جدا جدا .... و اكتر اتنين عايز اشكرهم هما عمرو سلامه مؤلف و مخرج فيلم زى النهارده بتاع بسمه و احمد الفيشاوى و هو اللى ادانا سيناريو ، و تانى حد هو شريف البندارى و هو اللى كان بيدينا اخراج و عمل فيلمين قصيرين و تعب أوى معانا و ادانا حاجات كتير فى وقت قصير جدا<br />طبعا بعد ما الورشه خلصت قسمونا مجموعات عشان كل مجموعه تعمل فيلم قصير و نشترك فيهم فى المسابقه اللى كانت بعد الورشه .... عبدالله هنا اخدنى بعيد عن عادل و خلانى فى جروب معرفش فيه اى حد خاااااالص ..... و دى كانت احلى حاجه فى الورشه دى ...... لأنها خلتنى اتعرف على شخصيه اتمنى انى اشتغل معاها تانى و تالت و عاشر و هيا ساندرا اللى كانت المخرجه بتاعت الفيلم .... و هيا اسمها ساندرا شريف مش ساندرا نشأت زى ما كل واحد بيعرف انها المخرجه و اسمها ساندرا يقوم قالش القلشه دى<br />و طبعا ما ينفعش انسى صاحبه فكره الفيلم مى ابراهيم ... اتخانقت معانا كتير جدا ساعه التحضير و ساعه التصوير ... بس انا متفهم وجهه نظرها انها تعبانه فى الفيلم عشان كده صعبان عليها انه يتشال منه اى حاجه .... بس الشهاده لله لما كانت بتفهم احنا عملنا كده ليه و بتقتنع كانت بتوافق<br />طبعا احنا كنا 7 فى بدايه الفيلم .... بس بعد كده نزلنا لتلاته عشان 3 اعتذروا و الرابعه اللى هيا المونتيره بتاعتنا شروق كانت مشغوله ، بس بعد كده حضرت معانا اخر يوم تصوير و اليوم بتاع المونتاج<br />بالنسبه للفيلم طبعا الفيلم مليان غلطات ... التصوير مش حلو ، و ده عشان كنا بنصور بكاميرا سايبر شوت مش السيمى برو او حتى هاندى كام ، و ملهاش لازمه اقول الظروف اللى تسببت فى كده<br />برضه تسجيل الصوت مش واضح لنفس السبب .... و برضه الاضاءه وحشه و ده عشان احنا مكنش معانا سبوتات اضاءه و لسوء الحظ كان عندنا الماستر سين ليل ... دول الاسباب اللى خارجه عن ارادتنا<br />الاسباب اللى كانت بسبب اننا بنتعلم فدى كانت موجوده فى الشوتات و فى المونتاج ... بس بفضل ربنا و بفضل عبدالله حاجات كتير اتدارت ساعه المونتاج .... و برضه لازم اقول ان عبدالله صاحب فكره اننا نحط ساوند تراك للفيلم<br />برضه مش هنسى اشكر كل الناس صحابنا اللى ساعدونا و اشتركو فى تمثيل الفيلم اميره و عماد و ايناس و طبعا على اللى هو برضه واحد من تيم تشانج و تيفا اللى هو برضه واحد من تيم تشانج و ساهر و شريف و انور<br />طبعا انا عارف ان الفيلم وحش ... بس الحقيقه انه بالنسبه لأول مره يعتبر كويس و انا بجد حابه جدا ...... اتعلمت منه كتير و يا رب نفس الغلطات مغلطهاش تانى<br />الناس لما شافت الفيلم عجبها الحمدلله فى المجمل .... فيه ناس بأه و كلهم للأسف من معارفى ... واحد فيهم قالى ايه الزباله اللى انت عاملها دى .... انا رديت عليه انه فعلا زباله ، بس زباله انا بحبها ، و قلتله انى اول مره فى حياتى اعمل حاجه من غير ما اكون مغصوب عليها .... انما هو كل انجازاته فى الحياه انه مربى شنبه و فرحان بيه مع ان شنب الصرصار يعتبر اكبر بالنسبه لحجمه ..... انه خلص كليه ، و كلنا خلصنا كليات – ناهيك عن انى مخلص نفس الكليه زيه – يعنى الفكره مش انجاز أوى ..... انه اتجوز و خلف ، طيب ما هى الكلاب فى الشارع برضه بتتجوز و تخلف ... انه شغال فى شغلانه متعبه و مقرفه ، طيب ما هو الحمار بيشتغل و بيتعب اكتر منه .... ده كان واحد<br />اتنين تانين قعدو يتريقوا على الفيلم ... الواحد اللى فوق ده كان ليه انجازات على الاقل من وجهه نظره ... الاتنين دول بأه ملهمش اى انجازات<br />انا ليه بتكلم على الناس دى .... مش عشان انا مضايق ... انا كنت ساعتها مضايق ، لأن التريقه دى اسهل حاجه فى الدنيا و انا لو حبيت اتريق عليهم هتريق عليهم فى الف حاجه و كلهم هيكونوا فيهم .... انا بتكلم عليهم عشان اقول للى بيقرا انه مايهتمش بكلام الناس .... مدام مقتنع باللى انت عملته يبقى طظ و الف طظ فى الناس ، لأنه فعلا صدق المثل ناس لا يعجبها العجب و لا الصيام فى رجب<br />طبعا مش هقدر انسى اقول على الافلام اللى كانت معانا فى المسابقه ... فيلم لعب عيال اللى كسب المركز الاول و ده اللى عاملينه عمر و منه و انديرا و هاله ..... فيلم بيانو و ده بتاع عادل حبيبى و سعيد و بيتر و عمر ( بس ده غير عمر بتاع لعب عيال ) و ماهى و دينا ..... فيلم بنى آدم و ده بتاع يمنى و ماهى و رنا و نسمه و برضه عادل حبيبى تانى .... و فيلم فسحه و ده بتاع اسلام و يحيى و هاديه و مصطفى و محمد<br />على فكره انا مبسوط جدا بتجربه الورشه دى و بمعرفه كل الناس دى و بتمنى انى اشوفهم تانى و اشتغل معاهم تانى<br />آخر حاجه لازم اقولها انى لازم اشكر فريق تشانج كله على المجهود اللى عمله فى الورشه دى ... بس بجد بخص منهم عبدالله اللى بشكره تانى ، و كمان على طه اللى ساعدنا فى التمثيل و بجد كان تمثيله جامد جدا<br />اللينك ده بتاع الفيلم ... يا ريت تشوفوه و تعرفونى رأيكوا<br /><object width="480" height="385"><param name="movie" value="http://www.youtube.com/v/hfbh3iLUwck&hl=en_US&fs=1&"><param name="allowFullScreen" value="true"><param name="allowscriptaccess" value="always"><embed src="http://www.youtube.com/v/hfbh3iLUwck&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="480" height="385"></embed></object><br />معلش انى طولت المره دى بس دى جايه بعد شهر و نص من التوقف عن الرغى .... اشوفكم قريبا .... سلام </strong></span>Chehttp://www.blogger.com/profile/08757708048111715204noreply@blogger.com19tag:blogger.com,1999:blog-8072730189719262546.post-76393529455373752052010-04-16T17:45:00.000-07:002010-04-16T17:46:12.856-07:00سرقه مسلحه<span style="font-size:130%;"><strong>من حوالى 3 او 4 سنين كنت فى يوم نازل الصبح بدرى على الساعه 7 تقريبا ، مش فاكر انا كنت رايح فين .... المهم اللى انا فاكره انى كنت ماشى و لقيت ادامى تجمهر من الناس ملمومين و انا مش عارف اللمه دى على ايه ..... قربت شويه من مركز اللمه ، لقيت واحد وارم من الضرب و الناس لسه بتضرب فيه و رابطينه من رقبته بحبل و شابكين الحبل فى عمود نور ..... المهم انا بقولهم هو عمل ايه ، واحد قالى ده معرفش مين نزل يصلى الفجر و خد باله من الواد ده نازل من بيت و عرف انه حرامى قام ماسكه و نده الناس و من ساعتها نازلين ضرب فيه .... قلتله يعنى الواد ده بيتضرب من الفجر .... قالى دى عيال مبرشمه و مش بتحس بالضرب<br />المهم انا مشيت شويه بعيد عنهم و كان جاى فى سكتى واحد محترم لابس بدله و شايل شنطه حلوه كده ... سألنى هو اللمه دى على ايه ، قلتله على اللى فيها .... لقيته بيدينى الشنطه و راح داخل وسط اللمه و ضرب الواد قلمين و رجع خد منى الشنطه و مشى فى طريقه<br />انا فاكر انى استغربت يومها جدا من اللى الراجل ده و اللى عمله و اللى الناس الكتير الملمومه بيعملوه و ليه هما كلهم نازلين ضرب فى الواد الحرامى ده ، و قلت دى تقريبا سياسه القطيع و نوع من انواع تفريغ الكبت و الظلم اللى الناس حاسه بيه فى شخص الحرامى و كلام كتير من الحلو المجعلص بتاع الكتب ده .... بس لازم اعترف انى اكتشفت السبب الحقيقى من يومين<br />يوم الاربع اللى فات كنت نازل مشوار .... المهم قلت اعدى على البنك اسحب فلوس عشان مكنش معايا اللى يكفى .... الحوار ده كان على الساعه 7 و نص العشا .... المهم قبل البنك بدقيقه بطلع المحفظه عشان اجهز الفيزا عشان اخلص على طول لأنى كان عندى معاد و كنت متأخر عليه جدا .... فجأه حسيت بحد بيخطف المحفظه من ايدى و كان الحد ده ورايا .. ببص لقيت عيلين يمكن 16 او 17 سنه و دخلو فى حته ارض تبع الاوقاف ..... انا طلعت اجرى وراهم<br />طبعا انا رجليا بايظين نتيجه لحادثه قديمه و ده كان السبب اللى خلانى ابطل لعب فولى ... المهم وقعت مره على رجلى اليمين البايظه و قمت جريت شويه .... طبعا بجرى وسط ارض زراعيه ، طين و قنايات و ضلمه و حاجه هباب يعنى ... و هوب وقعت تانى ، و مع كده حصلت واحد فيهم عشان كان اتكعبل ... المهم الواد لف و ضربنى بمطواه فى رجلى اليمين لسوء الحظ ، يعنى مش كفايه هيا بايظه لوحدها ، لا و اتضربت فيها بمطواه كمان ..... طبعا طول ما انا بجرى عمال اقول حرامى و الناس عماله توسع ليهم الطريق ... مش لازم اقول انى ساعه لما اتضربت بالمطواه كنت فقدت اى امل انى احصلهم خلاص لانى كنت بعرج ساعتها<br />الناس اللى فى الطريق بيسألونى اسئله المعيه بأه ... يقولولى هو فيه ايه ، على اساس انى لما بقول حرامى انا كده بلعب معاهم الكاميرا الخفيه ، و واحد يقولى كنت زعق بصوت عالى شويه عشان الناس تسمع اكتر ، قلتله ما انت سمعت ، عملت ايه يعنى ... قالى انا خفت يضربونى بحاجه ... المهم الناس قالولى انهم شافو العيلين بيدخلو شارع ، دخلت وراهم و لقيت توك توك ، رحت راكبه و قعدت الف فى المنطقه لمده ساعه ... الواد سواق التوك توك قالى ان العيال دى هتتدارى لمده اسبوع على الاقل بس قالى هنفضل نلف عليهم و انت و حظك<br />و الناس تقولى المحفظه كان فيها فلوس كتير ، طيب كان فيها ورق مهم ، و اسئله من دى كتير ... انا بالنسبه ليا المحفظه بالفلوس فى داهيه ... البطاقه و الرخصه و كارنيه النادى هطلعهم بموجب المحضر ، و كروت الفيزا اتصلت بالبنك فى نفس اليوم و وقفتها ..... الفكره فى الاحساس نفسه ... يعنى انا مش هقول حاسس انى اخدت على قفايا لان ده اللى حصل فعلا .... اتسرقت و اتضربت بمطواه و معرفتش اجيب حقى ، يعنى اخدت على قفايا رسمى<br />و الناس تقولى مكنش لازم تدخل وراهم الزراعه دى عشان دول ممكن يقتلوك فيها ، و فيه عيال شمامين و حراميه بيبقو فيها و كلام من ده كتير .... يعنى المفروض اتسرق و اقعد اتفرج على اللى سرقنى و انا ساكت ..... و طبعا معرفتش مدى الجبن و مش لاقى وصف تانى اقل من الجبن اللى بأه موجود جوا الناس غير ساعه السرقه .... يعنى اكتشفت انه ناس كتير لو اتحطت فى الموقف ده مش هيجرو ورا العيال ، ده غير انى شفت بعينى ان الناس بتوسع الطريق للعيال دى<br />طيب انا اللى غلط عشان ابويا ربانى انى مبقاش جبان و انه مبيقبضش الروح غير اللى خالقها ، ولا الناس دى اللى غلط عشان الجبن اللى جواهم ، و اللى هما شايفين انه حكمه مش جبن و بيقولو اديك جريت وراهم نابك ايه غير ان رجلك ورمت و اتعورت و خدت غرزتين فيها<br />المهم الناس قالتلى ان العيال دى فى الغالب هتاخد كل حاجه من المحفظه و بعد كده هترمى المحفظه فى الشارع و انى ابقى اسأل على المحفظه ...... طبعا انا اتصرفت كل التصرفات القانونيه ... وقفت الكروت ، عملت محضر ، سألت الناس على المحفظه و سبت رقم موبايلى عشان لو لقوها يتصلو بيا<br />الاهم من كده انى لجأت لحاجه حلوه جدا .... كل منطقه بيبقى فيها ناس عارفه العيال الحراميه ... انا رحت للكبار دول و قلتلهم على اللى حصل و قلتلهم انه ليهم الف جنيه على كل عيل لو جابوهم ... اللى انا بفكر فيه هعمل ايه لو جابوالعيال دى و قالولى تعالى استلمهم<br />و والنبى محدش يقولى اوديهم القسم لأنه مش هيحصلهم حاجه هناك كبيرهم قلمين و خلصنا على كده ، ده اذا العيال ماتهمونيش انى خاطفهم ... و برضه محدش يقولى ولى الامر و السلطه و تنفيذ العقاب لانى متأكد انه لا ولى الامر ولا السلطه هيعملو حاجه ... انا عايز اقتراحات عمليه مش مجرد كلام نظرى ..... و اللى يرد عليا قبل ما يرد يعرف انه اكتر حاجه وجعانى هيا كرامتى ، يعنى الموضوع مجرد انتقام بحت و ملوش دعوه لا بالحق ولا بالقانون ولا اى حاجه تانى<br />المهم بالعوده للسؤال الاولانى ... انا عرفت ان الناس لما كانت بتضرب الواد الحرامى فى الغالب كل واحد فيهم اتسرق قبل كده او يعرف حد اتسرق و بيرد فى الحرامى ده اللى معرفش يرده فى الحرامى اللى سرقه ... انا عارف كده لأنى عارف انى لو شفت حرامى فى الشارع و انا شايل شنطه ، هدى الشنطه دى لاى حد و اضرب الواد قلمين و بعدين ارجع اخد الشنطه و امشى فى طريقى<br />حاجه اخيره عايز اقولها مع ان ملهاش علاقه بالموضوع .... يا جماعه اللى معاه رقم موبايلى يبقى يتصل او يبعت رساله ... و اللى معاه المسنجر يبقى يسبلى اوف لاين عليه او يبعتلى رساله على الايميل .... و اللى معاه الاكونت بتاع الفيس يبقى يبعت رساله او يسبلى كومنت على الوول .... و اللى معوش حاجه يبقى يسبلى تعليق هنا كرساله شخصيه و انا مش هنشرها<br />ادينى قلت عشان محدش يبقى ليه حجه و يقولى مش عارفين نوصلك ..... سلام </strong></span>Chehttp://www.blogger.com/profile/08757708048111715204noreply@blogger.com29tag:blogger.com,1999:blog-8072730189719262546.post-13791950256108302162010-04-09T10:05:00.000-07:002010-04-09T10:06:30.918-07:00سياسه لا اكثر ولا اقل<span style="font-size:130%;"><strong>رغم انى مليش نفس اتكلم فى السياسه الا انه من الواضح ان كل حاجه فى بلدنا بتؤدى للسياسه بشكل او بآخر ........ شئ مؤسف اننا منلاقيش حاجه نقدر نتكلم فيها من غير ما يكون داخل فيها سياسه ، مفيش حاجه نستمتع بيها ، او تعذبنا و برضه ميكونش ليها دخل بالسياسه .... كل حاجه فى بلدنا فى الوقت الحالى ، و فى كل الاوقات بالمناسبه متعلقه بالسياسه<br />من 3 اسابيع تقريبا انتشر على الفيس بوك و فى المنتديات و حتى فى قعدات الاصحاب الفيديو المشهور حاليا بتاع وزير التعليم ( و حقيقه انا مش عارف الوزاره لسه اسمها التربيه و التعليم و لا اكتفو بالتعليم على اساس اننا شعب مش هينفع فيه التربيه ) ساعه لما مر على مدرسه و لقى التلاميذ فى الحوش و المدرسين مش فى الفصول و الناظر مش موجود ..... طبعا كلنا سمعنا عن الفيديو ده اذا مكناش اتفرجنا عليه كمان<br />استغربت جدا لما الناس شافت ان الوزير حاد جدا فى تعامله مع المدرسين و الناظر و سخريته منهم ..... سبب استغرابى ده ان الراجل اتريق عليهم بس مش اكتر ، طبعا مش معنى كده انى موافق على التريقه ، بس الظاهر الناس ناسيه مين ابو الوزير ده ... ابو الوزير ده يا افاضل هو زكى بدر وزير الداخليه الاسبق .... و اللى ميعرفش زكى بدر يروح يسأل الناس الكبيره عليه ... زكى بدر على ما اتذكر كان من اوائل الناس اللى دخلت الشتيمه و الضرب ( سواء بالايد او بالجزمه ) لمجلس الشعب ...... و ده اختزلته منى الشاذلى فى حوارها مع الوزير فى جمله تحمل من الخبث اكتر مما تحمل من البراءه او انها تكون مجرد تعليق عادى لما قالتله " اللى خلف ما متش " .... طبعا الراجل خد الجمله ببساطه ، و الله اعلم لو كان خدها على انها حقيقه او انها مدح<br />اللى انا مستغربله ان الوزير زعلان جدا من حال المدرسه و اللى شافه .... طيب المدرسه دى على الاقل لقى التلامذه جوه المدرسه .... فيه مدارس تانيه مفيهاش لا تلامذه و مدرسين ولا ناظر ولا اى حاجه ...... الراجل استغرب من التسيب اللى وصلناله ، زى ما يكون مش عايش معانا فى مصر ، و ميعرفش انه كوزير مسئول عن كل المدارس و منهم مدرسه عندنا فى الهرم مش مهم اسمها بس اللى عايز يعرفه هقوله عليها .... المدرسه دى مدرسه بنات ثانوى عام و كانت مشهوره بأن نسبه لا بأس بيها من الطالبات اللى فيها حوامل ، و انا عارف الموضوع ده من ايام ما انا كنت فى ثانوى يعنى تقريبا من 16 او 17 سنه ، الله اعلم تطورو دلوقتى و اصبحو بيروحو المدرسه بعيالهم ولا لسه بيكتفو بالحمل<br />ناهيك طبعا عن مدارس الاولاد ، و عن التعليم التجارى و الفنى ، و الكارثه اللى عندنا فى التعليم اللى اسمها سياحه و فنادق و فى الغالب بتخرج رقاصات و طبالين و بلطجيه ..... و انا مش بقول كده من باب انى اخلى سمعه المدارس وحشه انما اللى بقوله ده اقل من الحقيقه بكتير ..... و اللى مش مصدق ينزل يشوف بنفسه ..... طبعا انا هنا بتكلم عن مدارس الناس اللى على اد حالها .... المدارس الهاى كلاس و الاميركان دبلومه طبعا شئ تانى ، لأن البوظان فيها مدعم بالفلوس ... يعنى مش مجرد صياعه بلا امل زى مدارس الغلابه ، انما بوظان و فساد رسمى<br />حقيقه انا مش عارف الوزير ده هيطلع اكبر امل لمصر فى تحسين التعليم ولا هيطلع مجرد افعال لتلميعه شخصيا ، خصوصا ان مسيره الراجل ده كانت سريعه أوى فى بلد اشتهرت بالروتين و كاتب القرفصاء .... من دكتور فى الجامعه لعميد كليه ، لنائب رئيس جامعه ثم رئيس جامعه و بعد كده وزير ، و احتمال تكون الخطوه الجايه رئيس وزرا<br />نسيبنا من موضوع الوزير و نتكلم على حاجه تانيه برضه اساسها سياسه .... البرادعى ..... الراجل ده من ساعه لما طلع و عمل حراك سياسى فى البلد و كل الناس بتتكلم عليه .... و الحقيقه برضه ان الراجل لغايه دلوقتى مش قال اى تصريح انه هيرشح نفسه للانتخابات الرئاسيه ، انما الناس هيا اللى رشحته ... جايز عشان مش عايزه جمال ، و جايز عشان مش عايزه الاخوان و جايز لمجرد فكره التغيير و التجديد<br />انا قريت ما اصطلح على برنامج الاصلاح السياسى بتاع البرادعى ، و لقيت كل المطالب اللى فيه هيا المطالب اللى كل القوى السياسيه ( سواء اتفقنا انهم فعلا قوى ولا مجرد ناس بتؤدى ادوار ) بتطالب بيها .... بس اللى يفرق البرادعى عن غيره انه ليه خبره سياسيه دوليه مش مجرد خبرات محليه و شويه شجب على شويه استنكار و معاهم رشه مظاهرات ......... بس برضه دى نفس نقطه ضعف البرادعى انه مش عايش فى مصر و جايز ميعرفش كتير عن احوالها الحقيقيه .... بس برضه من الملاحظ ان البرادعى ابتدا يتدارك النقطه بتواجده اكتر فى الشارع المصرى مع الناس و فى وسطهم<br />بس الملاحظ انه حاليا لا صوت يعلو على صوت البرادعى ..... يعنى الاخوان رغم ضجيجهم العالى ( اللى انا شايف انه ضجيج بلا طحن ) ملهمش صوت و منشغلين حاليا فى مشاكل مكتب الارشاد و الاعضاء بتوعهم اللى فى المعتقل ..... و برضه اليسار على اختلاف الوانه و تنظيماته ملوش صوت حاليا ..... و برضه مفيش صوت لا ايمن نور ولا جميله اسماعيل ( لأن الحقيقه ان السجن انتقص كتير من بريق ايمن نور مش لمعه اكتر ) .... يعنى الراجل ده محدش لا عارضه ولا آيده ، مع استثناء الشباب اللى فى حركه كفايه و اللى بعضهم نقل نفسه من خانه اليسار الى خانه يسار الوسط<br />مشكله البرادعى انه محدش هيقف معاه فى البلد عشان دى اصول اللعبه السياسيه فى بلدنا ، و اللى الله اعلم هو فاهمها ولا لسه محتاج فيها دروس ... الاخوان ممكن يقفوا معاه على الحياد و جايز يساندوه ،مع ان ده احتمال مستبعد لأن الراجل ده من اساس افكاره الدوله المدنيه اللى بيعتبروها الاخوان رجس من عمل الشيطان ، بس لو لقو ملهمش مصلحه مع البرادعى هيكونو اول ناس تبيعه زى ما عملو ساعه انتخابات مجلس الشعب اللى فاتت و اتفقو مع التجمع على تقسيم الدوائر الانتخابيه بينهم على رأى المثل انا و اخويا على ابن عمى و انا و ابن عمى على الحكومه ، و بعد كده كانو اول ناس باعت التجمع و كل الاحزاب التانيه ، و ده مش غريب على الاخوان على فكره لأن دى حقيقتهم من زمان ، يعنى طبعهم مش هيشتروه<br />يمكن اليسار يقف مع البرادعى بضمير شويه عن الاخوان ، بس مشكله اليسار فى مصر انه من زمان مفهوم غلط و ان اليساريين دول ناس كافره و هيروحو النار و اللى ساهم فى كده كانت الحكومه و الاخوان على التوازى كل طبعا لمصالحه الخاصه ، و طبعا بما اننا كلنا ما شاء الله علينا داخلين الجنه و على راس كل واحد فينا قنديل و على راس البعض قنديلين فأحنا عشان كده ضد اليسار من غير حتى ما نسمع اى حاجه من افكار الناس دى ..... بس احقاقا للحق جزء من الازمه دى كان اليسار نفسه سبب فيها من غير الدخول فى تفاصيل مش هتفيد اى حد دلوقتى<br />يفضل للبرادعى الناس اللى عايشه فى مصر بجد و طالع عين اللى خلفوها .... بس مشكلتنا ان لقمت العيش بتذل .... و انا هنا بتكلم بصراحه و بواقعيه و من غير اى شعارات ..... و المسأله نسبه و تناسب ..... يعنى لو فيه 5% مستعدين يضحو عشان افكارهم و مبادئهم هتلاقى قصادهم 95% عايزين يعيشو و يربو العيال ، و لو مفيش عيال يبقى عايزين يعيشو و يجيبو عيال عشان يربوهم<br />بس يفضل السؤال الحقيقى .... البرادعى فعلا عايز يغير من البلد حتى لو مكنش هو جزء من النظام اللى هيغير ، ولا هو مستنى اللحظه المناسبه عشان يعلن انه نفسه يبقى رئيس جمهوريه او رئيس وزرا او اى حاجه من النظام ده ..... السؤال ده هنستنى عليه شويه عشان نعرف اجابته </strong></span>Chehttp://www.blogger.com/profile/08757708048111715204noreply@blogger.com8tag:blogger.com,1999:blog-8072730189719262546.post-58483054339224875462010-03-22T05:27:00.000-07:002010-03-22T05:36:07.786-07:00امى<span style="font-size:130%;"><strong>عدى عيد الام و خلص عيد الام و انا مكتبتش حاجه امبارح عشان كنت بتكلم مع امى و امى ... اه ، عندى 2 امى مش امى واحده<br />الاولانيه هيا امى اللى بجد اللى كانت حامل فيا و كنت تاعبها و قارفها .... تاعبها و قارفها و هيا حامل ... و تاعبها و قارفها و هيا بتولدنى .... و تاعبها و قارفها و هيا بتربينى و انا صغير ... و تاعبها و قارفها لغايه دلوقتى<br />و التانيه هيا عمتى ... عمتى اللى عملت فيا جميل مينفعش انساه بس مينفعش اتكلم عليها هنا عشان عايزلها بوست لوحدها ..... و عشان كده لما بقول للعمه ستيته يا عمه ده معناه انى بعزها فوق الوصف والله على ما اقول شهيد<br />لما بفتكر امى ( اللى هيا امى بجد ) بفتكر القرف اللى هيا شافته معايا و لسه بتشوفه .... انا مكنتش عيل شقى ، بس كنت عيل مقرف بجد .... يعنى لما كنت صغير كنت افضل اعيط لغايه ما تشيلنى ... بس مش تشيلنى و تقعد او تشيلنى و تقف ساكته .... لاااااا .... انا كانت لازم تشيلنى و تقعد تتمشى بيا فى الشقه ، يعنى هد حيل من كل ناحيه<br />برضه بفتكر ايام زمان لما كبرت شويه و كان عندى يجى سنتين او تلاته كده .... عارفين المرحله المقرفه اللى العيال بتبقى فيها زاحفه و متسلقه فيها كده زى الحشرات ، اهو انا قصدى على المرحله دى ..... كان زمان للى عاشو زمان التليفزيون بتاعنا محترم و ابن ناس ... مفيش دش ... يا دوب الاولى و التانيه و حلو أوى كده .... و فوق كده التليفزيون كان بيشطب و بيعمل وششششش اللى بطلنا نسمعها دلوقتى الساعه 12 بليل عشان الناس تتخمد و تشوف مصالحها .... الاستثناء الوحيد كان يوم الخميس ، البلد كلها اجازه تانى يوم ، فبيسمحو للناس بسهره مع مسرحيه بتخلص على الساعه 2 بليل .... طبعا امى و ابويا الله يرحمه كانو بيسهرو يتفرجو و ينامو متأخر ... اجازه بأه .... انا كنت بصحى على الساعه 7 الصبح الوقت اللى انا متعود عليه و انزل من على السرير و اروح على المطبخ ..... ايامها كنا لسه فى شقه دار السلام ... شقه 62 متر ... يعنى لو 3 افراد ماشيين سوا فى نفس الوقت يبقى لازم عسكرى مرور ينظمهم جوه الشقه .... المهم كنت بروح على المطبخ و افتح الدولاب التحتانى<br />امى كانت بتخزن الرز و المكرونه و الحاجات دى فيه .... انا زى الشاطر اطلع الحاجات دى كلها و افضل افضيها حواليا فى شكل دايره ..... و لما اخلص و ملاقيش حاجه افضيها اجيب ايد الهون و اقعد ادق بيها على الارض ..... طبعا عايز اقولكو انه بعد كام اسبوع امى بأه عندها انعكاس شرطى ناحيه صوت ايد الهون ، هيا تسمعه من هنا و تصحى ابويا و تقعد تتخانق معاه و تقوله شوف ابنك نيل ايه ، و شوفلك صرفه معاه ، قوم اضربه و الكلام ده ..... المهم امى اتعلمت تشيل الحاجات دى فى الدولاب من فوق عشان انا ملاقيش حاجه افضيها ، فأكتفيت بعد كده بدق ايد الهون على الارض<br />برضه افتكر لما كنت فى مرحله 4 سنين او 5 كنت لما بنيجى اجازه من السعوديه ما اصدق انطلق عشان السعوديه مفيهاش فسح ، فيها كل حاجه ما عدا الفسح ... اقابل بنت الجيران و افضل العب فى الشارع لغايه ما الدنيا تضلم عليا ، و بعدين اطلع البيت ... طبعا امى تستلمنى بزعيق و ضرب و شد على الحمام .... و بعد الحمام تقعد تفلينى ( طبعا طول النهار صايع فى الشارع و بلعب مع عيال معفنه ، هاخد منهم ايه غير القمل يعنى ، و ده اللى خلانى كل ما افتكر كده افتكر اللمبى و هو بيقول واحد مصاحب على علوكه و اشرف كخه عايزه يطلع طيار ) و طبعا لأن الموضوع ده كان بيتكرر كل يوم هيا كانت تتغاظ و تقعد تفلينى جامد لدرجه انى كنت بحس ان شعرى هيتقطع و اقعد اعيط و تقولى احسن ، تستاهل عشان تبطل ... بس لا انا بطلت صياعه ولا هيا بطلت تفلينى جامد<br />بمناسبه الحموم و كده افتكر لما كبرت شويه و كان عندى يجى 7 سنين بطلت اخلى حد يحمينى ... اصل انا على غير الشايع عنى بتكسف جدا .... المهم امى فى يوم قالتلى ادخل استحمى بعد جوله مكوكيه فى الشارع كعادتى ... مش فاكر بأه عشان الصابونه كانت جديده و كبيره على ايدى ، ولا انا اللى مكنش ليا مزاج استحمى .... المهم الصابونه وقعت منى فى الكابنيه ... مش اطلعها ولا انادى على حد يطلعها ... لااااا .... شديت عليها السيفون و دلقت عليها ميه لغايه ما اختفت ... المهم امى دخلت بعد كده تدور على الصابونه مش لقياها ... تسألنى اقولها انا استحميت و سبتها ... مافهمتش غير لما شافت الميه بتبقلل .... يومها اضربت ضرب ... اضربت على انى كدبت و على انى رميت الصابونه و كانت جديده .... و من يومها اصبحت اكثر حرصا فى الكذب لغايه ما ربنا تاب عليا و بطلت العاده الهباب دى<br />افتكر برضه و انا عيل لما كنا فى السعوديه .... امى بتخلص شغل على الساعه 2 الضهر ... نتغدى و ننام و تذاكرلى شويه و بعد كده فاضيين .... انا فى الفتره دى اتعلمت كل آداب الاتيكيت .... كانت امى تجيبلى طبق مسطح و تحط فيه رز مش مستوى و ناشف ، و انا المفروض اطلع الرز بالمعلقه من الطبق للكيس من غير ما اوقع منه رزايه واحده ... طبعا ياما اضربت على الرز اللى كان بيقع ..... برضه كنت بضرب لو عملت صوت و انا بشرب الشوربه ، يمكن ده اللى خلانى اتعودت على انى اشربها بارده شويه و نفس الكلام بالنسبه للشاى و الاكل عموما .... اضرب لو كان على شفايفى اكل من اللى انا باكله .... اضرب لو اكلت و بؤى مفتوح.... اضرب لو غلطت و مسكت الشوكه باليمين لدرجه انى قعدت مده طويله من حياتى اعلم الشوكه و اقول انها اولها حرف الشين اللى هو اول حرف من كلمه الايد الشمال عشان منساش و اضرب عليها .... و حاجات كتير جدا .... انا على اد ما كنت بكره الايام دى عشان كانت عباره عن حفلات مستمره من الضرب بس كل يوم باكل فيه سواء مع حد او لوحدى بفتكر امى و بدعيلها على انها علمتنى الحاجات دى<br />اخر حاجه هقولها و مش كلام انشا ولا حاجه ... انا طول عمرى اقول لو امى معملتش حاجه اكتر من انها كانت حامل فيا و ولدتنى يبقى ده كفايه و انا مش هقدر ارد الحاجه دى مهما عملت ... يعنى لا تربيه ولا سهر جنبى و انا عيان ، و لا مذاكره ، ولا قلق ايام نتايج الثانويه ، و لا زعل عليا ايام السقوط فى الكليه ، ولا اى حاجه تانيه ... يبقى برضه انا هفضل مديون ليها طول العمر و 10 اعمار على عمرى كمان<br />عشان كده انا بقولها هنا زى ما قلتلها امبارح .... كل سنه و انتى طيبه يا حبيبتى و تفضلى معايا على طول ......... عمرو </strong></span>Chehttp://www.blogger.com/profile/08757708048111715204noreply@blogger.com21tag:blogger.com,1999:blog-8072730189719262546.post-16904550204004011962010-03-13T18:16:00.001-08:002010-03-13T18:16:49.138-08:00عايز ايه<span style="font-size:130%;"><strong>موضوع النهارده جد شويه عشان احلل اسم المدونه .... موضوع النهارده بيتكلم عن الاحلام و الغايات اللى الواحد بيبقى عايزها فى حياته<br />انا مش هتكلم فى المطلق لأن التعميم و الكلام فى المطلق اكبر حاجه غلط ممكن اى حد يعملها ، و برضه مش هتكلم على البرج بتاعى عشان الناس ابتدت تزهق من موضوع الابراج دى و فاكره انى فاتح المدونه دى عشان ادلل على البرج بتاعى او اعاير الناس اللى مش جوزاء .... انا هتكلم على نفسى<br />من زمان و انا عارف انا عايز ايه و محدد هدفى ..... طبعا دى حاجه ناس كتير مش بتعرف تعلمها لأنى عارف ان المشكله الرئيسيه عند ناس كتير انهم مش قادرين يلاقو هدف لحياتهم و عايشين اللحظه او على رأى المثل زى ما ترسى دقلها<br />طيب هل معنى انى عارف انا عايز ايه و محدد هدفى ابقى كده معنديش مشاكل .... بالعكس انا عندى مشكله كبيره جدا و ممكن حتى ابقى اوحش من اللى مش عارف هدفه ايه بالظبط ...... مشكلتى ببساطه انى رغم انى عارف انا عايز ايه بس مش عارف اوصل للى انا عايزه<br />طول عمرى شخصيه ملوله لدرجه صعب ان اى حد يتخيلها غير اذا جرب الملل ده بنفسه .... انا من كتر الملل ساعات بزهق من نفسى ، بس لسوء الحظ دى الحاجه الوحيده اللى مش بعرف اغيرها او بعرف اسيبها .... يعنى لما بتخنق من صحابى بقفل موبايلى او لو سبته مفتوح مش برد عليهم .... لما بزهق من اهلى ببطل ازورهم او اكلمهم .... بس لما بزهق من نفسى و نتيجه لأنى معنديش الترف انى اسيب نفسى و فى نفس الوقت انا مش حمار عشان اموت نفسى و اخلص منها خالص فبدخل فى حاله من حالات الاكتئاب ..... المشكله انى لاحظت انه كل حاله اكتئاب بتبقى اشد من اللى قبلها<br />نرجع لكلامنا على انى مش عارف اوصل للى انا عايزه ازاى و علاقتها بنقطه الملل .... ناس كتير بتقول ان برج الجوزاء هوائى جدا و ملوش امان .... انا متفق معاهم فى اللى بيقوله .... بس الفكره انى ( و انا هنا بتكلم على نفسى مره تانيه عشان محدش يقولى ملكش دعوه بالناس و خليك فى نفسك ) نتيجه لأنى مش عارف انا عارف اوصل للى انا عايزه ازاى فبجرب كل شويه طريق ... بس انا مش غبى و لازم اكل البيضه لغايه اخرها عشان اعرف انها ممششه ( و ده تعبير عبقرى مسروق من العبقرى احمد خالد توفيق ) فلما بلاقى السكه اللى انا ماشيها مش هتوصلنى بغيرها و بدور على سكه غيرها<br />طبعا فيه ناس هتكلمنى على الصبر و الجلد و الكفاح و الكلام الجميل ده ... بس كل ما بسمع الكلام ده بفتكر حاجه اتعلمتها فى اول شركه اشتغلت فيها .... انا اشتغلت و انا فى الكليه فى شركه ادويه مندوب دعايه و تسويق .... المهم بعد كام شهر لما فهمت الشغل عامل ازاى كان ليا واحد زميلى بيبيع اكتر ما انا ببيع مع انه بيبذل يمكن نص المجهود اللى انا ببذله .... و مشكلتى انى مبقدرش ابلع ببساطه فكره ان حد اذكى منى او اشطر منى ....... ممكن تسموها حسد او حقد او اللى عايزينه ، بس الحقيقه انى عارف امتى اعترف ان اللى ادامى يستاهل اقول انه احسن منى و امتى اقول عليه كفتجى و صاحبى ده اللى يمسيه بالخير لو لسه عايش او يرحمه لو مات كان كفتجى كبير... المهم سألت المدير بتاعى على سر الواد ده و قلت مش عيب الواحد يتعلم العيب انه يفتكر انه عارف حاجه و يبطل يتعلم .... قالى انا هقولك كلمتين ... قلتله قول ... قالى Smarter & Harder<br />قالى فيه ناس بتشغل مخها و بتوصل للى هيا عيزاه بأقل مجهود و فيه ناس حمير شغل ، تحرت الارض و تاكل النجيله ... بس فى الاخر الناس اللى بتشغل مخها بتوصل اسرع من الناس اللى بتشتغل زى حمير الشغل ... قالى هو بيشغل مخه و انت بتشغل نفسك .... الحق يتقال ان الراجل طلع ذوق و مرضيش يقولى انت حمار شغل<br />انا من يومها اتعلمت الدرس ده و عمرى ما نسيته ..... عشان كده كل حاجه بحسبها بمخى الاول ... بلعب شطرنج مع الدنيا و اشوف اخر الدور ايه ، عشان لو كسبان اكمل و لو خسران يبقى اسيب الدور ده و ابتدى غيره<br />طبعا مشكله انى مش عارف اوصل للى انا عايزه دى مشكله كبيره ..... بس على اد كده تعتبر مشكله صغيره بالنسبه لمشكلتى الرئيسيه اللى انا بعانى منها .... مشكلتى الرئيسيه انى على اد ما انا عارف انا عايز ايه ، بس فيه حاجات اساسيه انا مش عارف انا عايز فيها ايه ... يعنى النهارده اقول انا عايز ده ..... انام و اصحى و اقول لا انا مش عايز ده و عايز ده .... شويه و اقول عايز الاتنين ..... شويه و اقول لا انا مش عايز حاجه خالص و ابتدى ادخل الدايره الجديده من الاكتئاب<br />طبعا انا شخصيا مش عارف انا عايز ايه من البوست ده بس بعتبره فضفضه مش اكتر .... اسيبكو بأه عشان انام يمكن اعرف انا عايز ايه من البوست ده و هبقى اقولكو المره الجايه .... سلام </strong></span>Chehttp://www.blogger.com/profile/08757708048111715204noreply@blogger.com31tag:blogger.com,1999:blog-8072730189719262546.post-86179246397287553702010-03-01T15:04:00.000-08:002010-03-01T15:06:21.040-08:00ثرثره مسائيه<span style="font-family:georgia;font-size:130%;"><strong>اول حاجه يا جماعه عايز اعتذر لكل الناس اللى علقت على البوستات اللى فاتت و انا مردتش عليهم لسه ، بس بجد انا عايش حاله فظيعه من الزهق و ده مخلينى مش قادر اعمل اى حاجه ، بس الحمدلله ابتديت اطلع منها<br />تانى حاجه البوست ده عباره عن شويه فضضه ... يعنى تقدروا تقولوا انى قررت ليه تكتئب لوحدك لما ممكن تكئب الناس معاك ..... طبعا انا بكتب البوست ده و انا بسمع رباعيات الخيام و الست بتغنيها عشان اخرج شويه من حاله الكآبه<br />انا رحت معرض الكتاب السنه دى ... بصراحه مش فاكر انا ليا اد ايه مرحتش معرض الكتاب ، بس كان دايما السبب اللى بيمنعنى انى بحب الكتب جدا و دايما بحس انى لو معايا مليون جنيه برضه مش هيكفونى كتب .... عشان كده كنت امتنعت عن انى اروح معرض الكتاب عشان بقعد مفلس بعديه مده طويله جدا .... و اللى كنت بعمله انى بوزع الكتب على السنه كلها عشان محسش بتعب مادى بعد ما اشترى الكتب<br />طبعا ممكن ناس تضحك و تقول الكلام اللى بقوله ده مش منطقى بس يا جماعه انا واحد بشترى فى السنه تقريبا ما متوسطه 400 كتاب .... يعنى صباح الافلاس لو افترضنا ان كل كتاب ب20 جنيه بس<br />المهم عوده لموضوع المعرض انا كنت ناوى انزل اشترى كتاب مايكل و الصباغ و احضر حفلات التوقيع بتاعتهم و كفى الله المؤمنين شر القتال .... المهم انتيمى التدوينى و بره التدوين برضه زيكا قالى يا عم مش بتنزل ليه المعرض ، قلتله السبب ... قالى يا عم ده كان زمان ، السنه دى بالكتير هتشترى ب 300 جنيه كتب مش اكتر .... المهم انا فعلا نزلت المعرض و الحق طلع زيكا مش بيكدب ... المعرض السنه دى وحش جدا .... يعنى فعلا اخرك 500 جنيه للاصدارات الجديده .. طبعا المبلغ بيتضاعف لو انت هتكمل مجموعاتك الادبيه القديمه زى ما انا بعمل حاليا بمناسبه انه مفيش حاجات كتير حلوه<br />المهم انا فى المعرض ده قابلت الصباغ و كانت اول مره اقابله .... الحق يقال انه خالف الصوره اللى انا كنت راسمها و ده تأكيد لمثل تعرف فلان ، اه اعرفه ..... شخص ودود ، عشرى ، ابن بلد و دمه خفيف ..... طبعا انا مش بعمله اعلان ولا بنافقه لأنه مش بيدخل عندى اصلا المدونه<br />و برضه قابلت مايكل .... مايكل انا اعرفه لمده سنه عن طريق المدونه و كانت اول مره اقابله و طبعا مكانتش الاخيره ولا هتكون الاخيره ...... الجميل ان الاتنين منزلين كتب السنه دى فى المعرض .... طبعا مع اعتراض مايكل على اى حد يقوله انت كاتب ، بس بجد كتابه جامد جدا<br />و برضه قابلت سوووو ..... سوووو ده بأه مشكله .... عارف الانسان اللى سخريته ممروره من كتر ما شاف فى الدنيا .... دى كانت نظرتى الاوليه و عادل اكدها .... قالى ان سووو ممكن يكون بيتكلم فى موضوع جد جدا و بطريقه جاده أوى و انت مش قادر تمسك نفسك من كتر الضحك ...اكيد هيكون ليا مقابلات تانى معاه لأنه بجد انسان تخسر كتير لو معرفتوش<br />المهم و احنا فى المعرض بقول لزيكا انت كنت متصور صوره عار يا زيكا .... و نسيت ان اللى بيتريق على حاجه بتقعدله .... نتيجه لحضور حفلات التوقيع اتصورت مع الصباغ و زيكا ... و يا لهوى على الصور لما شفتها .... اليوم ده كان حر جدا .... و انا مش بحب اتصور بطبعى .... النتيجه ايه ..... صوره ليا و انا بلمع من العرق ... و شعرى بايظ برضه من الحر و عشان انا مش بسرحه ... افتكر اخر مره سرحته فيها كانت من حوالى 12 سنه كده .... و عشان انا مش بحب اتصور فتلاقينى مش بعرف اخد البووز الحلو ولا بضحك ولا اى نيله .... تخيل بأه الصوره .... واحد بليمع و شعره بايظ و مش بيضحك و شكله قرفان من نفسه و من الدنيا و من الناس اللى بيتصور معاها .... لا و فوق ده كله بكرش حلو كده طالع و واخد موقع حلو فى الصوره .... انا نفسى الصباغ يشيل الصور الوحشه دى و يخليه مع الناس اللذيذه ..... و صدق زيكا لما قالى بتتريق على صورتى و انت صورتك احداث ..... و انا من هذا البوست بقوله حقك عليا يا عم زيكا يا كبير<br />نتيجه لظروف بايخه بمر بيها اضطريت انى ادور فى الالبومات و الصور القديمه .... انا كنت من زمان لميت كل صورى و حرقتها و حرقت النيجاتيف بتاعها ايام ما كانت الصور ليها نيجاتيف مش ديجتال زى دلوقتى ، عشان انا بطلع وحش فى الصور ... المهم مع كده لقيت شويه صور ليا و ده اثبت مبدأ ان الصور لا تتلاشى و لا تتولد من عدم ..... المهم مع الصور دى و الصور بتاعت المعرض و الصور القليله اللى موجوده ليا من ايام الكليه ، قدرت اشوف التطور الطبيعى لعمرو<br />حاجه غريبه جدا ..... يعنى ايام الكليه لما كنت بتكلم على ان الواحد يبقى عنده 25 سنه كنت اقول يااااااه ... كانت حاجه بعيده أوى بالنسبه ليا انى اوصلها ... و لما اتخرجت من الكليه بعد عقد من الزمان كنت عديت ال25 دول اصلا ..... و حاليا انا على اعتاب ال30 و بحاول اتمسك فى العشرينات على اد ما اقدر ..... عندى احساس انى مسافه ما دخلت ال30 يبقى كده انا عديت مرحله نص العمر زى العناصر المشعه و جاهز للانفجار ( الله يخرب بيت الكيميا اللى لحست دماغنا ) .... و غصب عنى تداعت لراسى الاحلام اللى كنت بحلم انى احققها<br />الاحلام دى تبتدى تقسمها .... احلام مراهقه و دى مصيرها انك تضحك عليها و تقول انا كنت بفكر فى الحاجات دى ازاى و انا صغير ... و احلام مأجله انت لسه محققتهاش .... و احلام ملغيه لأنك دلوقتى اكبر و اعقل من ايام ما حلمتها و لقيت انه مستحيل انك تحققها ..... و تبتدى تعمل كشف حساب لنفسك و تشوف ايه من الاحلام اللى ممكن تحققها انت فعلا حققته و ايه اللى انت فشلت فى تحقيقه .... حاجه صعبه جدا و خصوصا لما تتكلم مع نفسك بجد مش تشتغل نفسك و تقول الظروف و الجوابات<br />حاليا انا فى دماغى 3 حاجات مش هقول 3 احلام ولا 3 مشاريع .... هديهم وصف 3 حاجات و بس ، بحاول اعملهم ..... بس المشكله انهم عايزين مجهود انا مكنتش فاكر انه هيبقى كتير كده بس طلع كتير جدا جدا جدا ....... بس ادينى بحاول و طبعا انا بستعين و هستعين بمساعده اصدقاء و حبايب و كل الناس بس ربنا يسهلها من عنده<br />طبعا مش هيفوتنى انى اشكر الناس اللى سألت عليا ... بس عذرى ان فى فتره احتجابى عملت حاجات كتير كنت مفتقدها .... رجعت اقرى تانى ... يعنى مثلا انا حاليا بقرى الف ليله و ليله الطبعه الاصليه اللى نازله تبع سلسله الذخائر اللى تبع هيئه قصور الثقافه و دى كنز والله يا جماعه ، بس يا ريت الاخوه و الاخوات المتشددين ميقروهاش .... برضه بقرا مدونات كتير مع انى بسيب تعليقات قليله جدا .... مدونات قديمه و مدونات جديده ..... و برضه بتفرج على افلام من كتر ما الافلام اللى بنزلها قربت تخلل على الهارد قلت احاول اى حاجه فيهم ... و بنام كتير زى ما اكون مش هنام تانى فى حياتى<br />احلى حاجه انى عملت فى البوست ده حاجه انا مكنتش بعملها قبل كده .... يا ترى مين اللى هيقولى انا عملت ايه و انا اديله الجايزه اللى يطلبها<br />كفايه ثرثره لغايه كده و اشوفكو المره الجايه ...... سلام </strong></span>Chehttp://www.blogger.com/profile/08757708048111715204noreply@blogger.com16tag:blogger.com,1999:blog-8072730189719262546.post-51512336091800346062010-02-05T16:20:00.000-08:002010-02-05T16:22:29.456-08:00خبرات مصريه ... الاول<span style="font-size:180%;"><strong>كنت باتكلم مع صديقه على المسنجر ، فعادى باقولها ازيك عامله ايه ... قالتى متهمه ... ايه متهمه ازاى يا بنتى .. فقعدت تحكيلى و انا قعدت اضحك من غير اى تقدير لمشاعرها خالص بس بجد الموقف كان سوداوى لدرجه الكوميديا<br />قالتلى انها و هى بتجدد الرخصه راحت تجيب شهاده المخالفات لقت عليها 3000 جنيه مخالفات سير عكس الاتجاه ، تقريبا هى يا بتمشى بالعربيه بضهرها يا اما مقضياها عكس على طول ، الكلام ده على فكره قبل قانون المرور الجديد اللى فيه غرامه و حبس و الكلام ده .. طبعا كلنا عارفين مخالفات المرور بتيجى ازاى .... يعنى مثلا و انا بجدد الرخصه قالولى عليك مخالفه رادار فى السلوم مع انى عمرى مارحت السلوم اصلا عشان اخد مخالفه رادار هناك ، بس على رأى عادل امام انا دفعت الفاتورة عشان خفت يشيلوا العده ما ان معنديش اصلا تليفون ... المهم نرجع للبنت .. البنت لقت كده راحت اتظلمت و قالولها طيب متعيطيش و ادفعى 1500 جنيه قامت قالت لا و اتظلمت تانى قالولها خلاص ماتدفعيش حاجه و امشى .. بس رئيس النيابه ماعجبوش قام قدم استئناف و هنا بأت قضيه و لازم تروح المحكمه و فيها قاضى و نيابه و اوبااااااه ليله كبيره ..... المهم هى قضيتها كانت فى اول الرول بس هى راحت متأخرة شويه تقريبا فاكره عمو القاضى لما تيجى هيطلع قضيتها و يقولها يالا عشان تروحى ... فنتيجه للتأخير ده بأه لازم تستنى لاخر الرول ... المهم حاجب المحكمه ندا عليها الساعه 6 المغرب و هى ملطوعه هناك من الساعه 10 الصبح بس كله يهون عشان خاطر مصر .... هى وقفت قام الحاجب ( الحيوان على حد قولها ) قال العساكر خدوها على القفص انتوا هتسيبوها تتكلم من برة القفص ، زى مثلا ما يكون هياخدها على قفص الاعدام او ان القاضى هيعيط و يسيب المحكمه لو هى مدخلتش القفص ، مع انها محكمه مرور مش محكمه بجد و ده مش حاجب بجد .. بس ماعلينا و زى ماقلنا كله يهون عشان خاطر مصر ... القاضى طلع محترم ( هى اللى بتقول لانى ماشفتش حاجه ) و اداها براءه و خلاها ماتدفعش حاجه ( بس انا مش عارف اذا كانت هى دورت على رئيس النيابه عشان تطلعله لسانها و تقوله انا براءه و كده ولا لا ) .... المهم هى فرحت بس لسه البطاقه مع الحاجب عشان كانت مع القاضى عشان كانت قضيه بأه و كده ..... طيب انا عايزه البطاقه ، الحاجب ( الحيوان برضه و ده كلامها برضه ) مرضاش يديها البطاقه و غتت عليها و هى قامت مزعقه قام قالها انا ممكن اخدت احطك فى القفص لغايه ما اديكى البطاقه ( بس هو كان بينخع أوى و فاكر نفسه ضابط بروح امه ، و بروح امه دى من عندى مش من البنيه المرة دى ... دى من عندى انا ) المهم انا قلتلها انه كان عايز قرشين و هى مافتحتش مخها معاه قالتلى ما انا معرفش .. المهم اخوها جابلها البطاقه بعد ما ادى الحاجب العيديه و على طول الحاجب راح زى ( الجزمه و دى من عندها المره دى ) عشان يجيب البطاقه ..... و مشيت و خرجت<br />بس عرفت انها لازم تجيب صورة الحكم عشان تاخد المخالصه من المخالفات .... قامت رجعت تانى .. بس ما شاء الله عليها ناصحه ... قامت طلعت فلوس و رشت على طول و خدت صورة الحكم و مشيت فى 5 دقايق .... البنت كانت بتعيط و هى بتفتكر اللحظات السوده دى و انا كنت عمال اضحك ( منتهى عدم التقدير لمشاعر الناس ) بس بجد انا قلتلها انه ده عادى فى بلدنا و قلتلها انى دى خبرة لازم تاخدها مدام عايشه فى مصر و وعدتها انى احكيلها لما اتعملتلى قضيه مصنفات فنيه ( بس مش افلام سيكو سيكو عشان متفهموش غلط ) و خدت براءة مع انى مرحتش خالص المحكمه بس ابويا الله يرحمه جاب واسطه للقاضى اللى تفهم الموقف و نفحنى براءه ..... ولا المره التانيه اللى اتاخدت فيها فى قسم فى المندره فى اسكندريه بعد ما اتخانقت مع 3 شباب عاكسو بت كنت ماشى معاها ( و والله كانت اول مره اشوفها اصلا ) ... يومها انا اضربت ضرب ... بس فيه واحد منهم انا بهدلته ... اه والله .... بس دى حكايه تتحكى المره الجايه<br />يا ترى انتوا بأه ايه الخبرات اللى شايفين ان الواحد لازم يكتسبها عشان يعرف يعيش فى مصر<br />مستنى ردودكم ...... سلام</strong></span>Chehttp://www.blogger.com/profile/08757708048111715204noreply@blogger.com18